من الهند عادة تأتي الغرائب والعجائب

والهند هي بلد الإقطاع ..الأولي في العالم ..

وآخر ما قرأت عن هذا البلد .. بأن هنالك قبيلة

تشغل النساء في الحقول .. كزراعة الشاي والقمح والأرز

وكل إمرأة يربط في طرف ثوبها جرس .. يحدث صوت يدلل على أنها تعمل

وكلما توقف هذا الجرس .. عنفت المرأة على توقفها عن أداء العمل

يعني عاوزنها تكون شغالة على طول ..

ودنيا دبنقا

سلام حبيبنا طارق
ذكرتني واحد من أهلنا ناس الهدي كان كل يوم بمشي الحواشة وتعبان جدا
أم العيال وبناتو مابحبوا يمشوا يشتغلوا في الخلا
جيرانو في الخلا من الكمبو المرة وبناتها كل يوم ضحوة وضهرية شغالات وعمك. متكيف منهن شديد كل مرة يقول لي مرتو أرح الخلا تعتذر وتقول ليه تعبانة ومابقدر
قال ليها ماشفتي نسوان الكنبو ماشا الله عليهن زي بابور الماسي اليوم كلو شغالات مش زيكن كسلانات
اسه نسوانا ديل يكون عندهم أصول هندية جايين من هناك عابرين واستقروا معانا

بشتغلت عشان بدفعن المهر

لكم التحية الحبيب عادل خياري

والحبيب صديق الماحي

في جزء كبير من وطنا الحبيب .. تشغل النساء بكل أعمال الفلاحة والرعي وخلافه

والرجل راقد وممدد .. وجسموا املس وناعم

وبعد العمل في الزراعة .. تأتي للعمل في البيت

عواسة وأكل وخلافه .. يا خي والله دي عبودية عديل كدا

إذا كان الإسلام أكرم المرأة .. حتى الرضاعة وحضانة طفلك تتوجب عليك دفع مقابل ليها

لكن كلنا لانعمل بهذه الجزئية

وإذا النساء إشتكننا الى الله سوف ينتقم مننا لتشغيل ليهن ومعاها زلة وزهج ..

شوف زي ديل .. لزومو شنو تربط ليها جرس في طرف توبها

إذا لم تكن عبودية فماذا نسميها .

غرييييييييب امر هذه القبيله
البنات زينه البيت ياخ
ما اهانهن الا لئم

ودالمامون سلام
نسوانا في السودان ما بعرفن الا جيب جيب جيب ملايان شرطه عسكريه
واحد زهجان قال لي مرتو زي ما اجي البيت تقول لي جيب داك وجيب معاك سكر
الراجل مفلس يا مراه مافي زول بقول لي هاك ردت ليهو سريع هال شوال الدقيق دي فاضي
وواحد مرتو وضعت في المستشفي ومفلس شديد بمعني يضرب في الحساب وقاعد مفرجخ في الواطه وسارح بعيد
جاء زول سالو ياخي عنبر الولاده بي وين قال ليهو رجال ولا نسوان .