منتدى منطقة الهدى الليلة جاب زول خطير وقوي وصاحب قلم صادق الكلم
مداده الحق والذي لايخشى فيه لومة لائم وكم شهدت له كتاباته في الجرائد السودانية العريقة
والمنتديات السودانية العامة والسياسية
وانه لفخر وعز لنا ان يكون ابن المنطقة صديق عبدالهادي بين ظهرانينا
عايزين ترحيب وتصفيق هادر ينطلق من نص الحلة ترنيمة فرح لتسمع في الطرف الآخر
منطقة العقدة
يلا ياصديق انشر عبير كلماتك وامسح غبن المظلومين واقف مع الكادحين لنيل حقوقهم
لا اجد كلمات تليق بك ولكن عذرنا انك في بيتك وسط اهلك
الاف الترحيب

والله فعلاً رجل من العيار الثقيل يا عادل .
مرحبتين بصديق عبد الهادي أبو عشرة الرجل المساند دوماً لقضايا المشروع، وقضايا المزارعين.
وقد قرأت كتابه بعنوان مشروع الجزيرة وجريمة قانون 2005 ؛ وهو كتاب رائع أنصح الإخوة في المنتدي بقرأته.
مرحب بيك كثير وفي إنتظار مساهماتك.

دقوا مزيكة الحواري.....رقصوا البنوت اعرضوا
ها قد جاء صديقا وهادئاً كما عرفناه لكنه كالنيل زاخراً ، معطاءاً ودفاقاً
مرحب أيها النقي....بين أهلك ...وعشيرتك

العزيزان عادل والزبير
تحية وسلام
لكما الشكر اجزله على الترحيب.
والله يا عادل انا في غاية السعادة اني اكون بيناتكم وربنا يقدرنا على المساهمة معاكم في المنبر وفي رفعة منطقة الهدى. وزي ما قلت ليك في المحادثة الهاتفية إنو مدينة الهدى بالنسبة لي موطن زي العقدة، بل انو الهدى هي المدينة الوحيدة التي قضيت فيها اطول سني دراستي وانا طالب، وهي في جملتها كانت خمس سنوات بالتمام والكمال.
الشكر مرة تانية،
للجميع صادق مودتي،

صديق عبد الهادي.

ألف مرحب بالأستاذ صديق عبدالهادي
حباب في دارك وبين أهلك وحبانك
ونرحب بي أهلنا ناس العقدة في شخصك

مليون مرحبا بك فى المنتدى ونتمنى مساهماتك القيمة فى كل المجالات وخاصة المجال السياسى والإقتصادى , فأنت ربنا وهبك بالرأى والعزيمة , نوٍر عقولنا بالعلم والمعرفة

والله من جـد المنتدي جاب زول خطيـر ..
كما ذكر الأخ عادل خياري ..

مرحب حبابك صديق عبدالهادي .. وبيك يزدان المنتدي وتكتمل سعادتنا .. وفرحتنا .. ياالله يازول خش لي جوا وورينا اخبارك ..