العجوز القاعدة برة اتخيل انها قاعدة تحت شدرة نيمة كبيرة من شدر وليد الجديد وماشاءالله على الشدر قام وكبر بسرعه لدرجة انو العجوز دي قاعدة في ضلها
المهم في الموضوع اغاني البنات معروفة انها خفيفة وكلماتها بسيطة بعض الشئ تعبر عن رغبتهن في اشياء مشروعه وهي حقها في تكوين اسرة ممنية نفسها بالزواج الشرعي
فكانت توصي وتتوسل للغاشي والماشي حتى لي باريس وياماشي لي باريس جيب لي معاك عريس
وتحنس في العريس تعال بالعندك ابوي بسندك
وتتحسر على وضعها وتندب حظها وتنادي وتستغيث بمن سبقتها في الزواج يابهية شباب الزمن جنية وعرس ماااااااااااافي
يقوم يجي ودالحلال وبدل ماتحمد الله وتبوس يدها وش وضهر تقوم ليك على المشاكل مع اعز شخص للعريبس وهي الام التي حملت وسهرت وربت وكبرت وانتظرت هذا اليوم بفارغ الصبر ان ترى ابنها رجلا له اسرة وتفرح بزوجته واولاده واعز الولد ولد الولد
تقوم صاحبة بهية الجنية القبيل تركبها هي في راسها وتقول
العجوز القاعدة برة قاعدة لي انا للمضرة ويانكير اديها طلة
كمان دايرة تبعدها من الدنيا وتتمنى ليها الموت
غايتو زي ماقال بتاع الحافلة للركاب واقفين تحننو وراكبين تجننو
الكلام ده رايكم فيه شنو؟

قال شجر وليد قال
اذا كان شجر وليد تكون
العجوز دي بنتي انا

عمر عبدالرؤوف السني كتب:

قال شجر وليد قال
اذا كان شجر وليد تكون
العجوز دي بنتي انا

سلام ياسيد عمر انت عارف شدر وليد ده بقى زي قصة حمل حمد لازم ندخلو في الموضوع
لكن ان شاءالله الموضوع ده ادينا بس اسبوعين وح تسمع ماتقر به اذنك
وبعد كدة بتك دي لو في الا تعمل ليها تكبير صناعي وزيادات سنين
الموضوع جاهز ان شاءالله والبركة في مجهودات الاخوة القائمين على الاسراع في التشجير
ويمكن الاتصال بالاخ علاء عبدالرؤف لمدك بالتفاصيل
ولما ترجع بالسلامة ان شاءالله ح تخت ليك كرسي تحت الشدرة دي وتقول والله انا ماقايل الموضوع جد

الحبيب عادل زكرتني بي نكته بتاعة عجوز كل يوم عيانه اولاده يودوها للدكتور ما يلقو عندها حاجه وكترة الجيه علي الدكتور كتب ليها روشته ( عريس) اولادها عرسو ليها وبعد فتره زوجها توفي وتاني المرض قام عليها اولاده قالو ليها يالله الدكتور قالت ليهم لالا الروشته القديمه قاعده

كل شاب من الجنسين يحلم ويخطط للقفص الذهبى
وعند دخول هذا القفص يقضوا باقى العمر فى كيفية الخروج منه
ولكل قاعدة شواذ

سلام يادكتور لك التحية وتشكر على المرور
ياربي الروشتة دي جات من ضمن اختصاصك الطبي ولا كانت صدفة

عادل خياري كتب:

سلام يادكتور لك التحية وتشكر على المرور
ياربي الروشتة دي جات من ضمن اختصاصك الطبي ولا كانت صدفة

---------------------------------------------------------------------------------------------------

تشكر الحبيب عدل
دي من طرائف وقصص اهلنا الكبار

لك التحية أبو عزمي

بمناسبة شجر وليد---------عندنا 3شجرات قدام البيت مسورات بنملي من الغنم----- قبل يومين واحد( شرط )

النملي ومعط الشجرة وخلاها (ضقل) وواحد تاني -----لمبة العمود منورة الشارع --حدق فيها وبطوبة حكم عليها بالاعدام وعلى الشارع بالظلام -

الهدى فيها حاجات تمحن

2000سلام

وبمناسبة العجوز------واحد حبوبته أصيبت بالتهاب--جاب ليها كبسولات---قامت فتحت (فقشت) اخر كبسولة

قالت (الحباب الببلع فيهو دا النشوف جواهو في شنو) -ود بنتها قال ليها -حبوبة بقيتي كيف؟ فقالت بقيت تمام بس

اخر كبسولة فتحتها طلعت مسوسة




2000سلام

سلام ياودالماحي سلام والتحية للعيال

اقتباس :

وعند دخول هذا القفص يقضوا باقى العمر فى كيفية الخروج منه

قلت لي الدخول في الشبكات والتأمل في الخروج
الله المستعان على النسوان

الاخ والصادق لك التحية وعبرك للاسرة
وناس عزمي لسة متذكرين يقول ليك بيت ناس رحمة الله

اقتباس :

لك التحية أبو عزمي

بمناسبة شجر وليد---------عندنا 3شجرات قدام البيت مسورات بنملي من الغنم----- قبل يومين واحد( شرط )

لكن زولك الشرط النملي دة لو سمع بيه عوض الله بشرط راسو لانو يفتش للناس الزيكم كدة يحفروا ويشتلوا ويسوروا لكن خيرها في غيرها
المرجو اعادة الرقم مرة ثانية

الاخ حسن اسماغيل
تشكر على مرورك
وتفبل عاطر التحايا
قلت نرجع لي بترول العوامرة الرجل الوزير مش قال شهر 4
الشهر خلص طيب ادينا اخبار مفرحة بنديك صفيحة طماطم