فعلا يا صديق خالد تمييز رهيب لكن كدى خلينا مع الرقاق بالحليب والله ما فى اىبديل ليها
تعريجة يلا اطلع درجة درجة لغاية ما تصل المنتدى العام عشان ما نقول عليك بخيل

ازيك ياصلاح
كدي زيد لينا حبه شويه علي ابداعات نساء بلدي وبعدين نطلع فوق
لك تحياتي

يا اخوى صديق شوف الناس المبدعين يزودونا شوية من ذاكرتهم العامرة
لكن لولا ابداع نساء بلادى لما كتبت مريم الاخرى والمجدلية

صديق خالد سلام تربيع

اقتباس :

هذا قليل من كثبر من ابداعات نساء بلادي فأرجو ان تمدونا بالمزيد من الأشياء التي تميز بنات حواء السودان عن مثيلاتها.

شنو ياخوي رافعين ليك المفراكة ولا شنو راقد صلطة كدة

يا ساخرليست هي ابداعات.......... ولكن ابداع انتقل من الجدات الي هذا الجيل ومنه الي الاجيال القادمه.
انت لسع بتتذكر المفردات دي( مفراكه بالامريكي شنو ان شاء الله حتي لو كهربائيه)

من ابداع هذا الجيل يا صديق شوف الشرموط بقو يدلعوهوا كيف
اولا يجيبوا اللحم الفخدة ويقطعوه هبر ويسلقوه ويفرموهو ويشروه فى صنية كبيرة وبعد ينشف يعبوه فى برطما نية ويرسلوه ليك ومعاه بصلة محمرة وويكة وشمار وكسبرة وانت ما عليك ايها العزابى الحائر الا ان تضع موية فى الحلة وتديها معلقة شرموط ومعلقة بصل وشوية بهارات وتخليها عشرة دقائق وتديها شوية ويكة وكدى حلتك جاهزة واخونا محى الدين محمد محى الدين الله يذكره بالخير كان اسميها الدحش قام على وزن القطر قام بالله ابداع ولا لا

لك التحيه ياعم صديق
تصوموا وتفطروا علي خير
مبدعه وقنوعه ومحافظه علي
الطابع السوداني الاصيل
يا اصيل
وهذه الخصوصيه سودانيه بحته
دمت

____________
لله الحمد والمنة

استاذ صديق يطراك الله بالخير ..

والله التميز ماركة مسجلة لنساء بلادى الفضليات اولا تميزهن وتفردهن فى المحافظة على الاحتشام الفطرى التوب السودانى رغم الاعاصير الوافدة لكنها صمدت ..
المحافظة على قيم التواصل (عمود الاكل) فى المناسبات .. عدم التبرم من ضيق الحال والصنع من الفسيخ شربات كما يقولون فصنعت ام تكشو ؟ الخدرة الناشفة والويكاب ؟ القصب المحروق وجبات سودانية يسيل لها لعاب المغترب !! .. هذا فقط فى مجال البيت .. ولكنها شاركت فى الحركة الوطنية بصفة عامة ..
كسرة خفيفة : تعليق عادل خيارى دا دايرنا نتمرد عشان يرفعوا مننا الحصانة ولا شنو؟

يا وليد والله ما أضفته شيئ مهم ولا تخطئه العين ولكن احيانا يغيب عن الذاكره لسبب أو لآخر أشكرك علي المرور وأكيد ستضيف المزيد.والمناسبه بما أنك ماشي صاح حصانتك موجوده(بس اوعه من التمرد)

الأخ وليد كمال
أشكرك علي المرور
لا شك أن نساء بلادي هن الأم والأخت والزوجه والابنه وقبل الكل الجده التي لها القدح المعلي في صنع هذه الاشياء القيمه والتي نعجز في حصرها والتي تميزها عن غيرها من نساء الدنيا.
ونتمني أن تحافظ بنت اليوم علي كل عاده وسلوك جميل وتترك كل ارث غير لائق قد يكون مر بالخطأ من جيل الي جيل.
ولك تحياتي

صديق صاحب البوست الجميل كل الاخوة المتداخلين لكم التحية وانتم تعملون دوما ان نكون مميزات ونأسف للتأخير في الرد ونقول لولاكم لماكان هذا التميز اباء واخوة وازواجا لكم منا كل الشكر وانتم تتحملون هناتنا وتقدرون جهدنا وتثنون على عطاءنا واميز مايميز نساء بلادي مكانتهن عند رجال بلادي ونحن لفخورات باننا عزيزات مكرمات تيجان على رؤسكم