اولا تحياتي الى كل اهلي في مدينة الهدى
انا طبعا من العابرين على مدينة الهدى ولكنها اعجبتني جدا
بطيبة اهلها وبساطتهم .
انا وجدان كامل محمد علي انتقلنا الى الهدى نسبة لعمل الوالد
بمشروع الجزيره (باشمفتش) مكتب الملان .
انا حاليا ادرس بجامعة العلوم الطبيه (مامون حميده سابقا)
وانشاءالله عبر هذه البوابه ساكون معكم وفي امان الله .

اقتباس :

ارحب بنفسي بين اهلي

ياناس المنتدى والله بالغتو كيف الكلام ده الدكتورة الضيفة ترحب بي نفسها براها وعوض الله كل يوم يفعِل ويرحب في الناس من طرف ولا كمان الدكتور محمد الطيب ابراهيم زي ماقال صلاح الشيخ اب قميصا احمر ده المرحبين بيهم يرحب بيهم تاني الليلة مالك غايتو مايفكك من بتنا وجدان دي الا تستقبلها بي كبش اقرن
وياوجدان الف مرحب بيك بين اهلك واحبابك والدار دارك
والله انه لظُرف منك وطيب معشر ان تاتي الى هنا من نفسك وان دل انما يدل على اصالة المعدن
التحية عبرك لكل افراد الاسرة وصادق دعواتنا لك بالتوفيق والنجاح
ورمضان كريم

عانقت جدران منتدانا
عطر قدومك ... وتزيّنت
مساحاته بأعذب عبارات الود والترحيب
ومشاعر الأخوة والإخلاص ... كفوفنا ممدودة
لكفوفـك لنخضبها جميعاً بالتكاتف في سبيـل زرع بذور
الأخلاقيـات الراقيـة ولا نلبـث أن نجني منهـا
إن شاء الله ثمراً صالحاً.. ونتشـارك
كالأسرة الواحدة لتثقيف بعضنا
البعض في كل المجالات
أتمنى لك قضاء
وقت ممتع
معنا

هلا والله هلا يا دكتوره وجدان
في دارك وبين اهلك



تشكر ياخ عادل علي الغفشات وابو سفنجه اصبر

لك العتبي يا دكتورة
ولكن الاجمل انك طوالي
دخلتي دخلة جميلة
فعلا دا بيتك واهلك
وبقولوا شرط الالفة ترك
الكلفة.
نتمنى لك اقامة طيبة في دارك
وبين اهلك

اهلا بالدكتوره وجدان
من عاش في الهدي واحبها فهو منها
اهلا بك في دارك ووسط اهلك
لك تحياتي

وجدان مرحب بيك تاني
وينك يادكتورة ناس الهدى جو برحبو بيك
وانت ماموجودة
منتظرين تشريفك وطلتك

الف مرحب بك اختى وجدان

ترحيب ثانى و ثالث ورابع و الف بكل الاطباء في المنتدى و المنتدى يفتقدكم