سلام شباب وكيف عاملين مع رمضان
ذات مرة والممرات قليلة وفي اثناء الدوام ماشي من مبنى لي مبنى تاني راجلا اقوم الاقي ليك واحدة سايقة ليها كلب واحد وعادة بكونوا اتين ظرافة مني ساي او شلاقة ماعارف هاي هاو ار يو
وين الكلب التاني وقعدت تحكي لي بي اسى واسف الكلب عيان شوية مشيت للدكتور بتاعو وعمل ليه صورة اشعة وقال لازم يرتاح شوية ومايتحرك كتير لمدة اسبوع واسه نحن كلنا متاثرين ليه لو سمحت ادعو ليه معاك وعمل ليه نظام غذاء خاص عشان مايزيد وزنو ياريت لو شفتو يو فيل سوري فور هِم(ياولية انتي ماعاقلة ده كلب ولا وزول)
استغربت وبعد شوية قلت انا استعرب ليه يوم فييييييي سودان العزه والكرامة ده وانا طالع من البيت لحدى الزلط اشرت ياعم وديك الكريسيدا الماخمج لو سمحت ماشي الخرطوم ايوا اتفضل وتوش غتست ليك في الكرسي الماخمج وانا فرحان بالملح وبالعربيه الوجيهة واتخيل واسرح وفجأةالشاب قطع تفكيري وخيالاتي لو سمحت بس اغشى الجزار بتاعنا ده (والله بختكم ياناس الخرتوم عندكم جزار خاص) وطيب مالو نحن من ماقمنا قاعدين نشتري من عمنا عبدالرحمن ودالبشير جد وائل وابو محمد اجمد السجل وماشفناه تاني والتحيه لوائل وام وائل ولو جانا ضيف من الخرطوم نمشي لعبدالرحمن ود الطيب
الراجل انا مملح معاه بيستاذني
جدا اتفضل
اصلو عندنا كلبة ولدت عايزين ليها لحمة خاصة
ومن خُلعتي قلت بلاي حمدا لله على سلامة الكلبة واها جابت شنو ولحدى الوقت داك انا ماعارف الكلبة اذا ولدت بحمدولو ليها السلامة ولا لا
المهم القاسم المشترك بين الزولة الامريكية والشاب السوداني الاتنين مهتمين بي كلابهم وبحبوهم جدا جدا عشان كدة بعملوا للكلاب كل مايمكن عمله
طيب ياجماعه هل نحن عندنا نفس الشعور(مع اختلاف المُحب) ده تجاه الهدى ونفرة المدارس
هل نحن بنحب الهدى وح نعمل على تنميتها ومحاربة الفساد فيها
هل نتناسى خلافاتنا الحزبية الضيقة ونعمل يدا واحدة من اجل الهدى وتطويرها
وهل يكون لنا اجندة واضحة متسلسلة حسب الاهمية بمكان المدارس المستشفى الزلط
ببركة هذا الشهر الكريم تتوحد القلوب والجهود وان نعمل يدا واحدة
واقابلكم وكلي حنية

العم عادل شكراً علي المداخلة الرائعة.
رائعة من زاويتين:
الأولي: الشعور النبيل تجاه الحيوان من قبل المجتمع الغربي عامة؛ وهذا الشعور لا نعطيه نحن في مجتمعنا للإنسان؛ مع أن سيد الخلق أجمعين ذكر لنا قصة إمراة دخلت النار بسبب هرة حبستها حت ماتت؛ إذاً من حيث النظرية نحن أولي بهذه التعاملات من غيرنا.
الزاوية الثانية: ذكاءك في عكس محبة الشاب والفتاة للكلاب علي محبة أبناء الهدي لمدينتهم؛ وهذه مسألة مهمة.
نحن حيثما نذهب نتحدث عن الهدي؛ ونعتبرها مدينة فاضلة بإعتبار أن الشرطة فيها لم تات إلا عام 93؛ وهذا يعني أن المجتمع نواياه نظيفة؛ وقد قيل سابقاً في الثقافة اليونانية أن إفلاطون حلم بمدينة مثل هذه؛ فنقول لإفلاطون في قبره: حلمك تحقق في بلد قد لا تعرف عنه شيئا.
وأقول أننا مستدعون للإتفاق علي ما يُعرف في الفكر السياسي بشروط الحد الأدني للتوافق.
فنحن ليس لدينا أي مانع من التوافق مع أي جهة حول خدمات وتنمية المنطقة.

همسة أخيرة: ناسك يا عادل بتاعين الكلاب ديل قول ليهم: إعملوا من أجل إنشاء هيئات للإغاثة الحيوانية؛ لأن في العالم هيئات للإغاثة الإنسانية، وبعدين المحل قتل البهائم عندنا أحلقونا يا عقلاء العالم ههههه!

الاخ عادل خيارى
لك التحايا والود اينما كنت
يقول الله تعالى ( واعتصموا بحبل الله جميعا ولا تفرقوا ) صدق الله العظيم
حقيقة نحنا سعداء جدا بان نرى اهتمامكم ومتابعتكم لهموم البلد وبذل الغالى والنفيس لاسعاد اهلنا فى الهدى العامرة والتى يشرفها ويشرفنا بان يكون فيها قامات امثالكم همهم العمل على تطوير وتنمية المنطقة ومساعدة اهلها .
ويتم هذا بتظافر الجهود والتلاحم لكل ابناء الهدى فى المهجر والداخل
مع كل الود والتقدير 

الأخ عادل
لك التحية . ـ

بختك ياعم ..إنت في مجتمع للحيوان فيه حقوق .. فما بالك بالإنسان .. ونحن في السودان قبل فترة ظهرت عندنا كمية من الكلاب الضالة .. ماتعضي إلا في الملاين .. وقامت حملة كبيرة للقضاء على هذه الكلاب الضالة .. وطبعا الحملة شملت حتى كلابنا الأليفة ..
يعني كدا بعد فترة حتنقرض الكلاب ..

الكلب في البلد ديك عندو من الحقوق مالم نجده نحن

والله يا ابوالطيب حيرتونا عديل ، حمد لله على سلامة الكلبةالسودانية الوالدة وإن شاء الله المولود كلب ريفى ،وربنا يشفى كلب الخواجية ومايشوف شر،أما نحن فنحتاج أن نتعلم تبادل الحب بين البشر أولا ثم ننتقل الى مرحلة محبة الحيوان،ولو رجعنا الى الوراء جيلين ثلاثة نجد أن الاجداد يحبون الحيوان ويهتمون به وبعلاجه ولكنه حب مبنى على تبادل المصالح ،وتجده محصورا على (البقر ،الغنم،الحمير والخيول) لذلك كان نصيب الكلاب فيه معدوما لدرجة انها من عائلة النجوس،ولك كل الود فى نقل تلك المحبة الى الهدى وخدماتها

وفقك الله علي فعل الخير
وقصه وتجربه حلوه ونحن معك
للعلو بالهدي
بس الناس واقفه وين ؟والباقي ايه؟
والمطلوب مننا ايه؟
دمت

___________
لله الحمدوالمنة

العم عادل السلام عليك
الهدى مدينة كبيرة واهلية يحملون اسمها الهدؤ
والبساطة في كل الامور القومية والخاصة ليس لديهم
مشاركات في المناسبات الوطنية ولاوالولاية
الا من جانب أناس يحملون اسم الهدى ولا يحملون همها
الجمرة تحرق الواطيها
الهدى هي الام الرؤوم ومحبتنا ليها كبيرة
وربنا يوفق من شال هم ام الجميع
السهرت معانا الليالي وصبرت علينا الي ان كبرنا
وانشاءالله نقدر نعوضها ونريحها

الاخ ودخيارى انشاء الله فى الجنة تبارى ونحن معاك جميعا
للخوف الذى خلفة عندنا عكرود (اظنك تعرفة كلب ناس خيارى ) صرنا لانهوى الكلاب الجنسين
علية نتحدث عن موضوع المدينة الفاضالة ونحن ناس عنليين لا نعرف او نعترف بالكلاب اقصد الكلام
انا انزلت بوست لنعمل سويا غلى الراى والتشاور والخطط السليمة التى سوف تهزم الاعداء
لكن كل الشباب لم يتجاوب معة الا من باب المجاملة والاشادة فقط اى من باب الكلام الذى لا يودى ولا يجيب المطلوب الافكار والخطط السليمة وهذة لانتوقع الناس من خارج المدينة سوف يقومون بها علية لابد من التخطيط معا وانا قلت كل من مكانة يرسم ويخطط ونحن ننزل ونرسل هذة الخطط الى سجلات الهدى ونبحث عن الطريقة السليمة للتمويل والتنفيذ واذا لم ننفذها نحن ياتى من بعدنا من فيجدون الخرط والخطط ويبداؤن التنفيذ بدلا عن البداية من الصفر
ولكم تحياتى

الاخ علي ربنة يوفقك ويكثر من امثالك
الحقيقة الهدى لم تمرعلية حتة الان رابطة مثل الكانة في زمنكم واتمنة ان تواصلوا العمل الطيب حتى نحث كل الاجيل القادمة علي العمل الجماعي من اجل الهدى

وانتوخططتو ونحنة معاكم في التنفيز

الاخ اب النسب لهذا حق للسوداني ان يدعوا اللهم اجعلني من كدايس امريكا عندما راي الراعيه والفريق الطبي وهو مالم ينلة حتي هو الانسان.خالص تحياتي واشواقي

اقتباس :

وأقول أننا مستدعون للإتفاق علي ما يُعرف في الفكر السياسي بشروط الحد الأدني للتوافق.
فنحن ليس لدينا أي مانع من التوافق مع أي جهة حول خدمات وتنمية المنطقة.

الزبير لك التحية ورمضانك مبارك ونسال لك ولنا العتق في هذه الايام المباركات
يعجبي مرورك وتعليقاتك لما لها من اضافة وتشكر على التفاعل والاتفاق على الخدمات
فهمت قصدي من الموضوع وانت اللبيب
وتسلم ياحبيب

اخونا صلاح الشيخ
لك التحيه ورمضان كريم مقبول الى ان ينقضي
وينعاد عليك ان شاءالله
المطلوب فعلا هو التلاحم والالتفاف حول الهدى لكي نحرج من النفق المُظلِم الى افاق النور والتطور واللحاق بقطارالتنمية والا يكون محلك سِر
وهذا لايأتى من فراغ نريدها وقفه صلبة قوية
وان نترك لابناء المستقبل ارث يستندون عليه
لكن ماقلت لينا كلام زاكي الدين صاح ولا بصغر في نفسو بس
مودتي