التحية للأستاذ المهندس عوض الله خياري نتكئ قليلا في هذه المساحة ونتناول مزرعة أخونا عوض الله والتي تحتوي خضار القرع والذي استخدم فيه أسس تقنية نتمني ان تأتي أوكلها ودعواتكم معانا ... طبعا لو انتج القرع يجوز ان نقول عوض الله السنة دي ( مقرع ) وربنا يزيدو قرع ويبقي القرعي عديل كما ننوه بإنه يوجد قرع بالتقسيط والعرض محدود لكن الأولوية لأعضاء والمنتدي ... يا عادل خياري قرع امريكا كييييييييييف
وللا نرسل ليك
قرع ودخياري

الاستاذ مضوى لك التحية وانت تسلط ضوء البطارية ام حجرين على قرعة من قرعات بلادى .....!!
وقرعة وقرعة بتساوى قرعتين وقرعة وقرعة بتعمل مازا ومربى وملاح قرع ....!!
والله قرعة عوض الله ما هينة الجابوها فى النت !!
والقرع نبات ورد ذكره فى القرآن بلفظة ( اليقطين )
وطبعا عوض الله السنة دى مقرع على وزن معييش وربنا يديهو الفى مرادو .. ويقرع ليهو ناس السوق
واحد جاء شاف المزرعة مليانة قرع داير يقول : الكتحيييييبل قال : القرعيييييبل !!

انشاء الله يا عوض الله دائما مخضر .. ومقرع
ونحن ناس طماطم وشطة .. القرع دا ما قاعدين نزرعو كتير ..
لكن وحسب المعلومات الضئيلة عنه بأنه يستخدم في كثير من البلدان على اسا س المربى والحلويات .. وكما يستخدم في كثير من صناعات الفلكلور والزينة وكدا .. والحبوب فيها تسالي لذيذ جدا نحن نستخدم بذور البطيخ عندنا في السودان ..
على العموم نتمني موسم فرح كبير لأخونا المقرع عوض الله خياري ..

يا استاذ مضوى

الوصية فى الذمه يا خوى .......!!
كلم عوض ( سيد القرع ) قول ليهو : يجب عليك ان تحسب القرع يوميا صباح ومساء
وما تخلى قرعة واحدة تضيع منك ,,, لأنو لو ضيع قرعة واحدة بس
ببقى من ناس ( قريعتى راحت ) ..!!

الاستاذ مضوي
موضوع القرع دي دايرنو بعد أن يخرج ثماره حتي نكتب
عنوان كبــــــــــــير عوض الله دخل اسواق البورصه العالميه
من اوسع الابواب وكبار الراسٍِ ماليه . التحيه للباشمهندس عوض الله
وربنا يرزقك من كل باب ويوفقك

يا مضوى سلام

اخبار القرع شنو؟؟

شايف صاحبك مرة شايل ليهو علب وكشاكيش وعامل خيال جوه المزرعة ,,
وشايل سوط وبسطونة وجارى وسط السراب وكورك : تك تك تك ,,

البخييييييت سلامات

الرقع اقصد القرع دا لقيط ولا تقا ؟؟؟؟
ولا القرع ما بلقطوه ؟ بمناسبة القرع دا اخباركم شنو .

يا ود الدسوقي بمناسبة القرع دا اخبارنا عافية قرع (درت)

يا مضوى

فى واحد اشترى ليهو قرعة من السوق ولمن ضاقا قال : دا قرع منو ؟؟
قالوا ليهو : دا قرع ودخيارى !! ..
قال : والله ,,, قرعى ناس خيارى تقول زايدنو ........ سماد !!

القرع قرعى زرعته وحدى واكلنو غنم الحلة
ويقال اقرع الجرس اى اضربه
ويقال ايضا اقرع الواقفات والجفلن خلهن
رحلة زراعة القرع كانت بمثابة مشروع ناجح
من حيث التثقيف الزراعى ليس الا
قرع ود خيارى جزاء الله الاستاذ مضوى خيرا
وبالمناسبة عند قرعة من السبعة عشر قرعة الانتجتهم مزرعة
البحوث القرعية . لتناوله هذا البحث الهام عن القرع
الذى والحمدلله استفدنا منه عرفنا معلومات
ابتداءا من زراعته
الى حصاده والذ ما فى القرع التلقيح
وهو محصول لايحتاج الى مجهود كبير
ولا الى اسمدة كل ما يحتاجه هو ان يزرع فى وقته.
ابتداء من 20/6 الى 1/7
اما قرع ود خيارى فقد زرع فى 10/8
وتعطل النمو فى بداية زراعته
بسبب مطرة كانت كاربة
والشكر موصول لاهل الاستشارة والبحوث العامرية
ممثلة فى اولاد حاج الماحى (الجود – بكرى ) ونسيبهم عباس العامرى
هو الذى اشار لى بزراعة القرع.
والى ان نلتقى فى الموسم القادم باذن الله
القرع وانا عنو مابنقرع
والشكر لكل الاخوة المتداخلين.
وايضا للذين انقرعوا عن القرع.

عوض خيارى كتب:

القرع قرعى زرعته وحدى واكلنو غنم الحلة
رحلة زراعة القرع كانت بمثابة مشروع ناجح .........
اما قرع ود خيارى فقد زرع فى 10/8
وتعطل النمو فى بداية زراعته
بسبب مطرة كانت كاربة

يا عوض نقول ليك هارد لك ,, والجاتك فى قرعك سامحتك ,, وسوق الغنم الزريبة خلى يعوضوك حق السواقة
وممكن تفرض على الغنم ( لجان ) حسب لائحة الزريبة لسنة 1919م
وايضا نقول ليك برضو ماخسران لأنو كسبت الاحتكاك ..!! ههههههه
والله قرعك دا من يومو منفوس !! ونجهوا ليك ناس مضوى ديل ,, ياخى سمعت ليك بى قرع خشا النت
وكمان محمد طيب جابو ليك مصور

الاخوة _وليد_طارق_محمد طيب_وصاحب القرع _تحياتي معذرة انقرعت من البوست لي فترة لكن الحمد لله لقيتكم كلكم مقرعين عقبال لينا ويا عوض الجاتك في قرعك ان شاء الله رقعتك ما يقوم الرقع يسمعنا وطوالي يبيع الكوبري ويخش سوق القرع يخلي خشمنا قرع قرع _طبعا يا وليد اخونا عوض السنه استفاد الاحتكاك لكن السنه الجايه معفي من التمهيدي _وممكن نمثل بي فريقين وهه هه هه
ههههه هههههههههه

ياوليد شايف الاستاذ الفكرة عجبتو
وان شاء الله الموسم الجاى اكون
عندنا قرع مضوى

مضوي عبدالرحمن كتب:

_طبعا يا وليد اخونا عوض السنه استفاد الاحتكاك لكن السنه الجايه معفي من التمهيدي _وممكن نمثل بي فريقين وهه هه هه
ههههه هههههههههه

طبعا يا استاذ نؤيد فكرة التمثيل بى فريقين بعد الاعفاء من التمهيدى هههههههه

لكن أوع يكون الفريق التانى ود البلـــــــه ...............!!

هههههههههههههههههههههههههههههههههههههههههههههههههههههههههههههههههه

عوض خيارى كتب:

ياوليد شايف الاستاذ الفكرة عجبتو
وان شاء الله الموسم الجاى اكون
عندنا قرع مضوى

يا عوض الاستاذ دا حريييييييييف والسعيد بشوف فى رفيقو
هو مالو ومال القرع وتشابه الاسماء ..!!
كدا اديهو قرعتو خليهو يمشى يمكن غداهم فيهو.......!!
ههههههههههههههههههههههههه

عوض خيارى كتب:

ياوليد شايف الاستاذ الفكرة عجبتو
وان شاء الله الموسم الجاى اكون
عندنا قرع مضوى

‏_‏__________________
آمييييييييييييييييييين
ويا البورصة شيلي شيلتك
ويا الرقع وسع الكوبري
لكي يستوعب الانتاج
وهه هه هه هههههههه

وليد التلب كتب:

مضوي عبدالرحمن كتب:

_طبعا يا وليد اخونا عوض السنه استفاد الاحتكاك لكن السنه الجايه معفي من التمهيدي _وممكن نمثل بي فريقين وهه هه هه
ههههه هههههههههه

طبعا يا استاذ نؤيد فكرة التمثيل بى فريقين بعد الاعفاء من التمهيدى هههههههه

لكن أوع يكون الفريق التانى ود البلـــــــه ...............!!

هههههههههههههههههههههههههههههههههههههههههههههههههههههههههههههههههه

يا وليد كده القرع ما لحق أمات طه _ههههههههههههه

معليش جاتكم قرعة زيادة

[quote="مضوي عبدالرحمن

هههههههههههههههههههههههههههههههههههههههههههههههههههههههههههههههههه
يا وليد كده القرع ما لحق أمات طه _ههههههههههههه
[/quote]

كدا يا مضوى قلاعكم دا من هسى مطرتو وغنمايتو جاهزين

هههههههههههههههههههههههه

القرعة الزياده ما مشكلة اصلو قالوا : قرع عوض الله خمسة بى قرش وعشرة هوادة

يا زول هوووي انقرع قرعا ما بنطلع يشيل الزول والقرع
دا الما بنقرع
وهه هه ههههه

سيل الوادى المنقرع
تررم ,, تررم ,, تررم

وليد التلب كتب:

سيل الوادى المنقرع
تررم ,, تررم ,, تررم

سيد القرع البجر

دا منووووووووو؟؟

مضوي عبدالرحمن كتب:

يا زول هوووي انقرع قرعا ما بنطلع يشيل الزول والقرع
دا الما بنقرع
وهه هه ههههه

صوتك ماسمح..

السر الدسوقي كتب:

مضوي عبدالرحمن كتب:

يا زول هوووي انقرع قرعا ما بنطلع يشيل الزول والقرع
دا الما بنقرع
وهه هه ههههه

صوتك ماسمح..

الحمد لله الصوت قاااااااطع لمن يجي بنجيب فهيمة ما كتيرة علي سيد القرع

جيب فهيمة وحاسبنا على القرع الجاى .

السر الدسوقي كتب:

وليد التلب كتب:

سيل الوادى المنقرع
تررم ,, تررم ,, تررم

سيد القرع البجر

دا منووووووووو؟؟

حسب الرسول سيدي دا
ا ل ر ق ع

اخبار القرع شنو
لسه مابلغ الفطام

القرع بلغ الفطام
والركشة قطعت الكبرى

يا السر الدسوقي أنت عارف الركشة قرعت والقرع ركش
وال ج ن و ب_ أ ن ف ص ل
هه هه هه هههه هه هه هه

يا عوض خيارى

قرعك دا لو فيهو قريعات صغار كدا ,, خلينى اكلم ليك مصطفى البلة يعمل ليك
تعاقد مع ناس ام قلــــة وام سكاسك ومريومة ام فلجة .. !!!
ولا رأيك شنووووووووووووووووووووووووووووووووووووووووووووووووووو؟؟

وليد التلب كتب:

يا عوض خيارى

قرعك دا لو فيهو قريعات صغار كدا ,, خلينى اكلم ليك مصطفى البلة يعمل ليك
تعاقد مع ناس ام قلــــة وام سكاسك ومريومة ام فلجة .. !!!
ولا رأيك شنووووووووووووووووووووووووووووووووووووووووووووووووووو؟؟

هوووووووووووى ماتجيب لى قرع مصطفى سعيد اقصد مصفى البله لى قرعى
اصلو قرع مصطفى قرع ما بنقرع اقوم اجوط قرعى البراهو جايط بى غنم الحلة

عبدالرحمن مدثر كتب:

لكن موضوع يستاهل انو نعمل مقارعة بالسيوف

من اجل ان نصل الى قلب المحبوبة المقرعة ديك

مستمتع جدا بالونسة ..

وقرعا ماقرعك .... لم فيهو غنم الحلة

ومديت قرعتى ومرقت لطرف البحر .. وغطست تب

قلنا نجى نسلم سااااااااااااى

القرع العقرهو


والحلة اتسفت بو

سلم تسلم البركة الجيت اشان تشيل قرعتك
لانو المثل بقول اكان قرع اخوك طلق
شيل ليك منو قرعة.
ولا اقول بنجيب ليك قرعتك
اشان لمن نجيك نقول ليك
نحنا اهل العوض الجبنا ليك
القرعـــــــــــــــة

والله يا عوض انا خايف بعد الكلام الكتبناهو فى قرعك دا كلو

تطلعنا من المولد بدون قرعة .. !!!

واقترح عليك ان تتبرع بواحد قرعة لكل من دخل هذا البوست

جدا يا وليد اى زول دخل القرع اقصد بوست القرع
اشيل قرعتو .
وبالمقابل اى زول ما دخل بوست القرع ادفع
حق قرعتين .

من الطرائف يا عوض

وانا داخل البيت بعد رحلة عمل مضنية قبيل المغرب بقليل
وإذا بى أفاجئ بان الغداء بملاح ( قرع ).. فاستلقيت من الضحك ,, وقلت:
عوض الله معانا ما تغشانا
والله لاول مرة احس بان (القرع) لذيذ وجميل لهذا الحد ,, وخصوصا لمن يعجنو بالكسرة ويقلبو فيهو السلطة.. !!
هههههههههههههههههههههههههههههههههههههههههههههههههههههههههههههههههههه

غايتو القرع الفي المزرعة حصدو زمان لكن قرع المنتدي دا حصادو متين .....