نطلع شويه من الجديه
ونخش مساحه من المرح
الفار مخلوق ضعيف عايش
بين مطارده البنى ادم
ومخالب القطط
‏ يعنى مطلوب دائما
حيا او ميتا
جاتو فكره يتزوج جداده
ويعيش حياة أخرى
فمشى للجداده ودار بينهما
الحوار التالى""""
الفار ....وقف
جنب القفص
سافر خيالو سرح بعيد
لو أكرمو رب العباد
جكسويه فاتنه من الجداد
يتزوجه ويكون سعيد
تحميهو لا شركا يصيدو ولا كديس
تحميهو من حظو التعيس
وفطورو بيض
وغداه بيض
وأحلامو بيض
صاحبنا ما مااتردد وقال :
قال يا الجداده تعالى جاى
أنا عندى ليكى كلام كتير
قالتلو هآى
ياالفار أخوى
أنشاء الله خير
قال ليها خير
بس منكسف
قالتلو قول ما تنكسف
الفار رجف
طقطق اصابعينو وقف
قال للأسف
أنا ما بقول
إحساسى واضح
ومشاعرى ما عايزه الفضول
الجداده استغربت واتنفضت واتهوززت
قالتلو ياخ ماتقول يافار
صاحبنا قام
قال ليها طمعان فى الجوار
الجداده اتدللت
قالتلو هيييى ما أنت جار
الفار سرح
راح الكلام منو ووقع
‏ قال يا الجداده بلاش دلع
لو جاكى فار طالب القرب
طالب يديك
طالب الغرام من مقلتيك
رايك شنو¡¡¡¡
قالتلو
إيييييييييييييك
ما يسمعك فى الليله ديك
الفار كضم شم الوضع
شتت مشى
وعيونو من كتر الزعل ما شايفه حاجه مطششه
ومشاعرو كيف متخربشه

حرد الفطور
حرد العشا
ورسم على جدار الزمن
صورة الجداده ونقشه
قال الجداده قست على
وبقت على متحنكشه
باكر بعرس ستها
وتمسح دموعى تقشقشه
.........
مرت الايام ‏
وتزوجت الجداده
ومشى الفار مهنيا
وانشد
فى الليله ديك
مع احترامى لشاعر الأغنيه
القصد أضافه مرح

مساحه رائعه
تشكر يا علاء
كان ما تحرجو بس تقول ليهو امشي اخطبني من الكديس

شكرا اخونا علاء(ضحكتنا كتير)
وشكرا اخونا محمد الطيب لانك تميت الناقصه
مشكورين يا شباب وربنا يديم الفرح

تم المرح تشكر علاء
طبعا اكيد حصل اشكال بين
الجداده والفار
لانو الجداده طلبت من الفار
اجيب ليها خدامة لانو الشغل
كتير عليها لانو البيت ملان
فيران وجداد اهلها واهل الفار
واشان ارضيها جاب ليها
جرادة اشان تعوس ليها الكسرة
وتغسل العدة

يامحمد طيب المشكله الأساسيه
بين الفار والكديس قالو تحت تحت الكديس كان داير الجداده
والفار خرب ليهو الموضوع
...‏
شكرا منتصر عيساوى نتمنى لى باعوضتك الفى المنتدى الاسلامى تلقى ليها واحد مولانا
....‏
التحيه لعوض ولى جرادته المناضله البتعوس الكسره
غايتو الجراده تعبانه
تلقاها بتقوم طقه الديك الاولانى
تعوس جردلين جدلين
ما اصلو الفيران والجداد
جنهم اكل

ههههههههههههههههههههههه
والله ده فار شارب شامبيون

المصيبة يا علاء الدين لو ما الديك الرقبانى دا ظهر

والموضوع تم وعرسو اها يلدوا شنو؟؟..

مسطول سألوهو لو نملة وخروف اتزوجوا يلدو شنو؟

قال: يانملة مخرفة ياخروف منمل ..

وليد التلب كتب:

المصيبة يا علاء الدين لو ما الديك الرقبانى دا ظهر

والموضوع تم وعرسو اها يلدوا شنو؟؟..

مسطول سألوهو لو نملة وخروف اتزوجوا يلدو شنو؟

قال: يانملة مخرفة ياخروف منمل ..

ههههه
دا يا منمل يا مخرف

عوض خيارى كتب:

وليد التلب كتب:

المصيبة يا علاء الدين لو ما الديك الرقبانى دا ظهر

والموضوع تم وعرسو اها يلدوا شنو؟؟..

مسطول سألوهو لو نملة وخروف اتزوجوا يلدو شنو؟

قال: يانملة مخرفة ياخروف منمل ..

ههههه
دا يا منمل يا مخرف

بلدو فار مجكس ولا جداده مفرفره
اوسوسيو مفلس افلس من فار المسيد او جداده مقرطنه
‏ اخيرا طاعون الفيران ينتقل للجداد
وتلقى فار ماسكو
س م الباقى تمو خيال
هيييي اياكا

طبعا يا علاء

الجدادة دى تحت تحت كدا كانت بتحب الفأر !!

لأنو لى يوم الليلة مما تتذكرو بتفرفر اى حاجة ..