الاحباب الاعزاء
متعكم الله بالصحة والعافية
حل وزير الشباب والرياضة بولاية الخرطوم مجلس ادارة نادى الهلال
وقام بتعيين( لجنة تسيير ) لمدة ستة اشهر
والنعيين يعتبر تدخل من الحكومة فىديمقراطية و اهلية الحركة الرياضية
واستند الوزير الى المادة(9)من قانون هيئات الشباب والرياضةلولاية الخرطوم2007
وبرر الوزبر قراره بتدخله ان اعضاء مجلس ادارة نادى الهلال
اقروا بعجزهم التام اكثر من مرةعن تسيير دفة النشاط بالنادى
نسبة للظروف المالية التى يمر بها النادى
وعدم سلامة الممارسة بالنادى لاكثر من عام
وكثرة الخلافات بين اعضاء مجلس الادارة
وطلب رئيس النادى (المكلف) والامين العام وامين المال
(تقديم استقالة جماعية للوزير ارجأها اكثر من مرة
لذلك استخدم سلطاته بتفعيل المادة (9)
نحن ضد تدخل الحكومة فى ادارة نشاط اهلى وديمقراطى
ونعيب على مجلس الهلال ( المحلول)اتاحة الفرصة للوزير بالتدخل

الاستاذ زياده نوافقك بالديمقراطية في العمل الرياضي
لكن ياستاذ زياده والله المجلس مفلس ونحن هلالاب ما
بنتحمل البهدله كل مره الاعبين يتمردو من عدم صرف
مستحقاتهم الماليه وانت عارف في الهلال والمريخ كل
الاعباء الماليه يدفعونها رؤاساء الانديه صلاح ادريس
وجمال الوالي لوحدهم من مالهم الخاص وخايفين قريبا
الوزير يتدخل لحل مجلس المريخ لعجزهم المالي
الله يكون في عوننا المشجعين ما في لاعب بضحي
زي لاعبين زمان تديني قروش العب ليك مفلس ما تهمو
النتيجه نحنا ما بنتحمل الهزائم ...لك الشكر

هذا ناتج من ثورة الجياع و انعدام الماء وقلة الفواكه و عصيان اخوان علاء شلاليت فكان لابد من تتدخل الحكومة وفي سعيها لازالة الصفر الكبير كان لابد من تعيين ناس مقدرة وعندهم كاش بدل الالحان و العزف و اشعار الكاردى مان

قالو ما بستحملو الهزائم ياربي الخمسات والستات دى تكون درون ولا شنو يا زيادة اخوي اصلو منتدى الرياضة دا بخلي الواحد ما مركز لانو من 79 سنةو الصفر ما زاد دولة باكستان عمرها 60 سنة الان بتصنع نووى وديل ما قادرين علي صفيح بس فصاحة ساي

هيثم إبراهيم محمد الشيخ كتب:

قالو ما بستحملو الهزائم ياربي الخمسات والستات دى تكون درون ولا شنو يا زيادة اخوي اصلو منتدى الرياضة دا بخلي الواحد ما مركز لانو من 79 سنةو الصفر ما زاد دولة باكستان عمرها 60 سنة الان بتصنع نووى وديل ما قادرين علي صفيح بس فصاحة ساي

_____________________________________________________________________
الصفاقصي ما غلبنا 4 في استادنا الرد كاسر في الحقيقه جلدكم تخين علي الجلد كان غلبتو ولاغلبوكم عندكم واحد اي فريق يلاقيكم يقول الضرب علي الميت حرام ولا شنو يالبوليس النيجري اقصد المجندين النيجرين

هيثم إبراهيم محمد الشيخ كتب:

هذا ناتج من ثورة الجياع و انعدام الماء وقلة الفواكه و عصيان اخوان علاء شلاليت فكان لابد من تتدخل الحكومة وفي سعيها لازالة الصفر الكبير كان لابد من تعيين ناس مقدرة وعندهم كاش بدل الالحان و العزف و اشعار الكاردى مان

_____________________________________________________________

علاء الدين بصمه ولا شنو