اولا مرحب بيك كتير
وعفارم عليك
جبت ليها ودع وجيت
يعنى تميت الشى الكان ناقص
دحين يا ابوى الحبوبة بتاعتنا لسه
محافظة فى ودعها ونستها وجبنتها
لسة ما بقت زولة تقنية وابراج

يازول الودع دا ثابت ومتربع بين جملة العادات_يعني يخلو لمة الجبنه والقطيعه وودالصره جاب ووحيد أخوانو سوه_كضب وحاة بله_ومني هي الفايقه للجرايد والمجلات والابراج_؟

الودع عند الحبوبات ممكن نقول عليهو
ضرب من ضروب التسلية والونسة البريئة
اما الابراج والتعامل والتفاعل معها
هذا نتاج لليأس وضعف الايمان نسأل الله السلامة
اخونا وليد كمال والله نحنا سعدا جدا بوجودك
معنا وسعدا اكتر بحضورك الانيق ومشاركاتك الهادفة
وفقك الله بما ترضى وتحب
دمت رمزا للعطاء والمعرفة
كل الود والتقدير لك اخى وليد

الاخ زميل التسمية ودكمال

كنا زمان بنتحكر مع الحبوبة ونكوم كوم رملة ونسمع

ودالصرة والويحيد والطية وهذه المصطلحات الودائعية

ان جاز التعبير وطبعا الودع تطور من الحبوبة اصبحت

الوداعية بت مودرن وبياضا كاش والودع فى الاستوب

بالعربات وكدا .. اما الابراج حكايتا حكاية وفى ناس

ما يتخذوا اى قرار الا بيها .. وربنا يستر