بسم الله الرحمن الرحيم
لله يامحسبين ماوس لله
ارحمو المسكين بسماعة
اعطونى شاشة لله
جودوا علينا بهاردسك ياخيرين
منوا علينا بكيبورت ياطيبين
لمشروع محو الامية التقنية لاهلنا الطيبين

ياحسبو أتمني أن يكون هناك جمعيه تتبني هذه الفكره الجميله_ومن هذا البوست أدعو كل الأخوه للتبرع لمركز الهدي التقني وكل بإستطاعته وإن كان جراب زاكره مقبول_ياعبدالرحمن مدثر رايك شنو_

ياسلام
عليك
ياسلام
ودا القبيل راجنو نحنا
وسعينا
وللحق الفكرة طرحت
ووجدت دعم من الاخ منتصر عيساوى
فقط لاغير
في بوست اعضاء محيرون
لكن جميل انك عملتا ليها بوست براها
وعقبال ماتنسف الامية التقنية

انتو مافتحتو الموضوع دا

والنااس بدت تتبرع

تانى كاتب لى خبارك

يعنى مفروض نرفع الموضوع داك شوية

ونشوف الناس وصلت وين

كدى بجيبو ليكم واجيكم

وبعد داك نتفاكر

فى بابور النور

فى خلاوى ودمدثر

الموضوع دا قائم قائم

شكرا ياعبدالرحمن _وقايم قايم دي تعجب_حسبو الخزين زكر الناس_جيبو حي ياودمدثر_في رجاك

الاحباب حسبو ود مدثر وكل من شارك بالرآى في هذا الموضوع المهم , اولا الواحد يشعر بالسعادة عندما تناقش مثل هذه المواضيع ,
ثانيا أكرر وقفنا ودعمنا لهذا المشروع
ثالثا , لدي فكرة واحب طرحها للمناقشة وهي ان يكون مقر لهذا المشروع خلاوي ود مدثر ولاسباب اهمها الموقع و المساحة الكبيرة وممكن تكون نواة لمشاريع أكاديمية اخري مثل مدرسة خاصة أو مكتبة عامة تخدم الثقافة في المنطقة
رابعا نعود للمشروع اقترح تكوين لجنة لوضع المشروح حيز الواقع وذلك باعداد دراسة جدوى كم يكلف المشروع وكم عدد الاجهزة والاثاثات من مقاعد و توصيلات كهرباء وشبكة نت وغيرها من الاشياء المهمة والمكملة لها وتحسب القيمة كاملة ثم تقسم علي اسهم وطرحها كمساهمة عامة اي تكون شراكة و يكون العائد بنسبة 50% للمساهمين ومثلها لدعم المشاريع في الهدى
خلاصة الفكرة توسعة المشروع ليشمل مدرسة خاصة ومكتبة عامة ومركز خدمات طلابية من تصوير وطباعة
( واكرر دعمنا للمشروع في كلتا الحالتين )
بخصوص المكتبة العامة مستعد لتوفير كمية من الكتب والمراجع العلمية
ولكم تحياتي