كل عام وانتم بخير

وربنا يتقبل منا ومنكم الصيام والقيام

ويجعل اعمالنا خالصة لوجهه الكريم

العيد على الابواب

العفو آآآآآآآآآآآآ جماعة

وكلنا بنحن لشريط الذكريات والايام الجميلة وانت بتلف الحلة كلها

وتملا جيب جلابيتك بالحلاوة والخبيز

واحلى حاجة شكولاتة (الكريمت ) تاكلها وتلم ورقها وتلعب بيهو بعدها

اجمل مافى عيدنا زمان انو الهمة مابتفتر طالما فى كل بيت بتفطر

وكل بيوت الحبان بيوتنا

نكتب لكم هذه الكلمات ونحن بنستف فى شوقنا عشان نلحق بركب الهدى

ونصوم لينا ولو يوم وسط مدينة عشقناها وسكنت الفؤاد

وتحكرت فى كل مكان

ياجماعة قاعد يجيكم احساس بالراحة مابتوصف لما تظهر بدايات غابة البان وتلمح اللاسلكى من بعيد

بتاع قسم الهدى الذى كان

وانت كنت وكاااااااااان زمان

عندكم اى اقتراحات من اجل لمة مميزة فى العيد

والجاااااااااااااى العيد يرفع يدو

الحبيب ود مدثر

كل سنة وإنت بألف خير .. وربنا يتقبل الصيام والقيام والصلاة والزكاة وسائر الأعمال ( آمين ) .كما نسأله ان يعيد علينا رمضان أعواما عديدة ونحن جميعا في الفة ومحبة .. ودواخلنا وقلوبنا بالحب عامرة ومنشرحة ومفتوحة ..
ونسأل الله للمتكم العامرة هذه .. كل التوفيق ونحن حنكون مداومين وشغالين نرجو المعذرة .. وحنكون متابعين اخباركم وأحوالكم ..

العيد سعيد وبخيت ومبارك عليك وعلى كل الناس بالهدى ..

العزيزعبد الرحمن
عيد سعيد
نحن بنرفع يدنا لان قلوبنا وارواحنا معكم بالهدي وطعم حلاوة الكريمت مازال في الفم ولن يزول أبدا