الاحباب الاعزاء
السلام عليكم
ومتعكم الله بالصحة والعافية
هذه النافذه نفتحها..لمعرفة المزيد عن الصداقة..
ولامانع من ذكر التجارب فى هذا المجال
ولا مانع من ذكر نماذج للصداقات بالهدى..
ولقد ..اشتهر مجتمع الهدى بهذه الصفة الجميلة
فالصداقة كنز لا يفنى
والصديق عند الضيق
وان اخوك الصدق من كان معك
من اذا راى امرا افظعك
شتت فيك شمله ليجمعك
والصداقة الوان
اللون الازرق..اسرار يحتفظ بها الاصدقاء فى صندوق ثمين
لا يظهر لاحد غيرهم
اللون الاخضر..سلام وامان بينهم فلا يخاف احد من الاخر
واللون الاسود...احزان تقع اذا لمس احد الاصدقاء سوء
واللون الاحمر...حب لا مثيل له..
واللون الاصفر..منافسة على الخير بينهم..وتشجيع بعضهم البعض
تخريمه....شفتو يا هلالاب..سمو ومعنى شعار زعيم البلد..
واللون البرتقالى..فرح ومشاركة فى المناسبات السعيدة
واللون البنفسجى..مشاعر جميلة تربط بين الاصدقاء

الصـــــــــــــــــــــــــــــــــــــــــــــــــداقة
الصديق لو نظرنا الى اللفظ لوجدناه متشتق
من اجمل وانبل المعانى الا وهى الصدق
اما اللوان ما عارف اتخيال لى
انت نسيت اقيم واجمل لون
الابيض الذى يعنى سعة الصدر
التسامح الحب الهدوء السكينه
الطيبه المحنه
الامن الطهر النبل وكل
ماهو جميل
ولا اشان لون الهلال
اما الاحمر stop
وخط احمر
ولون الدم يعنى الموت
والتجاوزات وهلم جرا
يعنى ياخال الله
اديك العافيه

ود الاخت الرائع عوض
اللون الابيض من الالوان الجميلة والمحببة
والمالوفة للعين
وهو لون السلام
وهو من سنن الاسلام
وهو الذى بشيع الفرح بين الناس
لون الفل..ولون القطن
وزمان كل السودانيين يرتدون الزى الوطنى ..
الجلاليب.. والعراريق..والسراويل..والعمم..ذات اللون الابيض
والاحمر لون الدم..
والدم هو اغلى حاجة فى الانسان
وهو ايضا له صفات..للناس
فى ناس دمها بارد
وفى ناس دمها حار
وفى ناس دمها تقيل
وفى ناس دمها خفيف
وفى ناس تقول والله شاى زى دم الطالبات
وفى دم بقرى
وفى ناس ماعندها دم
وفى نا ناس تقول ليك يادمك
وفى ناس تقوليك احرق دمك
المهم يا عوض ود اختى..الحقيقة
الما عليها خلاف
انو اللون الاحمرده معروف انو لون
الحرييييييييييييييييييييييييييييييييييية
ودمتم

المداخلة اعلاه ليست صراع الوان ولا صراع انسان
ذى ما انت عارف امكن اكون ذى اخوى الكاشف ما عندى
شغله بالكورة لاكين بحب اناقر ناس الكورة
وعلى الرغم من هلاليتى مرات بشغتل ناس الهلال
حتى انهم بفتكرو انى مريخ
يعنى ما مفارقه معاى هلال مريخ
لاكين المحير فى الامر لماذا انا هلال وانت
مريخ نحنا بنشجع الشعاريعنى كان لعيبت المريخ كلهم
ارتدو شعار الهلال ولعيبت الهلال اتدو شعار المريخ
حاظل انا هلال وانت مريخ
من شبا على شئ شاب عليه
وحاظل اكرر سياستنا ذى كورتنا
والاتنين ما نافعين فيهن

مع خالص ودى

الحبيب ود الاخت المهندس
اجمل ما فى الكورة المناقرة
بتخلى الواحد اطلع حاجات جميلة
فيها قفشات..ومرح محبب
ولكن العصبية حمانا الله واياك احيانا تفسد
هذه المتعة...
ولكن الغالبية تسعد بهذه المنافرات..
خاصة بين الاصدقاء
فمثلا انا اصحابى
صديق المهل..وخالد الشريف..وفتح الرحمن السمانى..
وعبد الغفور محمد نور ..وصلاح عبد السلام
ديل مريخاب
واصحابى
سيف الدين خالد..والزاكى خالد..والدويرس..ومحمد خالد
ديل هلالاب..
وما احلى مناقرتنا فى هلال مريخ
واختلاف الالوان لا يفسد للمناقرة قضية
ودمتم

السلام عليكم
اعتقد ان الصداقة الحقة فى هذا الزمن شوية كدى تاثرت بالظروف والجرى وراء لقمة العيش وعدم وجود الوقت الكافى لتقضيه مع الأصدقاء والمجاملات الكثيرة كل هذه العوامل تأثر على الصداقات

الحبيب ابو الحاجة
لك الود والشوق
نعم فقد تاثرت الصداقة
بعوامل كثيرة
وعدم وجود الوقت واحد منها
بالتاكيد السعى وراء لقمة العيش
قد اثرعلى المجتمع تاثيرا واضحا
وهناك افرازات جمة
وهى من الظواهر السالبة
ودمتم

ايها الاحباب
متعكم الله بالصحة والعافية
هناك معايير لابد للشخص ان ياخذها بعين الاعتبار
عند البدء بصداقة..مثل التقارب العمرى
وتوفر قدر من الانسجام..
والثقة بالنفس
وقوة الشخصية
وقد اكد الاسلام على ضرورة
توافر شرط التدين
والخلق الانسانى الرفيع
ودامت المودة مع اصدقاءكم

حتة التقارب العمرى دى ما أظن ذات أهمية فى الصداقة ممكن واحد يكون صديقك وهو أصغر اواكبر منك بمراحل
مثلا صداقة الابن وابيه او بصفة عامة بين الأبناء والوالدين ..
وهى انا اعتبرها من أجمل الصداقات

الصداقة هى أن تجد من ترتاح اليه وتذوووووووووووووووووووب فيه .
وتحس معه بالالفة ويقولون شرط الالفة رفع الكلفة

الحبيب ابو الحاجة شكرا على المرور
توافر عنصر العمر بين الاصدقاء
مهم لخلق التوازن المطلوب بين الصديقين..
اما صدافة الابناء والاباء..جميلة..ولكن..محدودة.
وضابطها الشرع..ولا يمكن اغفال احساس الاب..بابنه واحساس الابن بابيه
وهى ناحية عريزية..
كما ان..المنافسة..والندية..متوفرة بين الاصدقاء
وتنتفى فى الحاتين المذكورتين
وخاصة الحالة الثانية
ودمتم

الحبيب الزاكى شكرا على المرور
الصداقة هى الاحساس بالالفة
وشرط الالفة هو رفع الكلفة
لقد اصبت يا زكى
ويقولون ان شراح الشعر يفسده
فلا اريد ان افسد معنى قاعدتك العظيمة
بالشرح
ودمتم

الصديق الحقيقى هو الذى
ينصحك اذا راى عيبك
ويشجعك اذا راى منك الخير
ويعينك على العمل الصالح
فالصداقة هى الوجه غير البراق للحب
وانه الوجه الذى لا يصدا

سلام علي الدنيا ان لم يكن بها صديق صدوق صادق الوعد مغدق
ويااستاذي الجليل الصديق يكون اقرب اليك من ال بيتك لان وجودك معه تنتفي كل الحواجز عدا حاجز الاحترام

الاخ العزيز الصديق رافع
لك التحية والود ..وبدا
ارحب بك ترحيبا يليق بشخصك
الرائع الجميل الوفئ..
ونورت المنتدى بقدومك
وكعهدنا بك..شعلة من النشاط
والحيوية..التحية عبرك للولد
ولكل افراد الاسرة
ولاسرتك الصغيرة..
اشكرك على المرور الانيق
وردا على تعليقك..
فقد قال الرسول صلى الله عليه وسلم
رب اخ لك لم تلده امك..
ودمت

من الاقوال الماثورة عن الصداقة
قال الامام الشافعى..
( سلام على الدنيا .اذا لم يكن بها صديق صدوق صادق الوعد منصفا .)
وقال شاعر..
ان اخاك الصدق من كان معك
من اذا راى امرا افظعك
شتت فيك شمله ليجمعك

حروف كلمة الصداقة..ليست ككل الحروف..
ص..تعنى الصدق فى الشعور
صدق التعامل
صدق فى التضحية
د..تعنى الدم الواحد.
دمع يسكب عند الفراق والوداع
أ..الالفة..
ق..قلب واحد..
التاء..تصمد..
تدوم..
الصداقة الحقيقية تصمد وتدوم وتستمر
اذا قامت على الصدق والثقة

الاحباب الاعزاء
متعكم الله بالصحة والعافية
وكل عام وانتم بخير
يقولون الصديق عند الضيق
اى انه عندما تتعسر الامور
وتصل مرحلة الضيق
هنا ينبرى لك الصديق ليعيد لك التوازن
ويقول الرسول(ص)
رب اخ لك لم تلده امك
لذا نحن نشجع على قيام الصداقات المخلصة
والوفية والصادقة الامينة
لانها تسهم فى تعافى المجتمع

الاستاذ زياده
اشكرك علي الموضوع الشيق
سلام علي الدنيا اذ لم يكن فيها,,,,,,,,,,,,,, صديق صدوق صادق الوعد