التعزيه والتحيه لاخوانا الطيشاب اقصد المريخاب علي المهزله الكونفدراليه بالامس
ياجماعه كوره ماعندكم ودي عارفنها اها سؤء السلوك شنو؟؟؟؟
الحكم منحاز طيب بنقبلا منكم اها ود كمال منحاز لمنو
لا لا انتو عارفين يكون رمزي تابع للموساد
رمزي ده منو؟؟
رمزي ياخ
اي رمزي منو
ياخ رمزي
مالو طيب
ياربي يكون قال لمحمد كمان خليهم يجيبو فيك قونين
هو بالله الجيش جاب قونين
الحاله ده جيش النيجر
ماعارف لو كان جيش جنوب افريقيا كان حيجيب كم
اها النتيجه طلعت كم
بالله انت ماعارف يعني
طيب تعال احكي ليك اول حاجه لقطات من المباره
طيب نشوف اها احكي ياهلالابي ياحاقد
ههههههههههههههههههه
ياهو ده الفالحين فيهو... لسانكم طويييييل زي يوم السبت زمااان
فريق القون بجي فيهو من دائره السنتر ده فريق ده
انت قلت لقات من مباراه الجيش.... ماقلت لي ارشيفيه من مباراه الوحدات
لا لا لا انت بس لوك الصبر ياخي.. الوحدات الدخلو شنو هنا
ماانت قلت القون بجي من النص
اي امس القون التاني اللاعب مسك الكوره من النص وهاك ياجري
برش الاول وبرش التاني
اها
لكن البرشه التالته دي اكتر واحده عجبتني
اش معني يعني التالته دي بالذات
لانو الاتبرش لاعب تسجيلو عمل لينا فلقه في الراس
مزمل ماخلنا لينا جمبه ننوم عليها التقول سجلتو سامي عبد الله
ده منو ده
انت الليله مالك مسكين كده
عاد دايرني اقول شنو ... القاها منك والله من الجيش
يازول حدد ياتو جيش.. القاره دي فيها جيوش كتيييييره
الجيش النيجيري
بالله هو النيجر فيها جيش
اها ماوريتني الاتبرش ده منو
واحد بقولو ليهو طارق مختار
اهاااااااا
المشكله لو في برشه طارق احسن
اها وين تاني المشكله
النفطي
مااااااااااااااااااااااااالو
والله امس اول مره نشوفو
كيف يعني ده مسجل ليهو سنه
اي
لانو امس كان منساب في المواسير دي زي الطلقه
ماهو اصلا النفط لو ما لقي مواسير يمشي عليها مابنشاف
مواسير بس
انت قول خطوط انابيب
ههههههههههههههههههههههه
النفطي ده مافاضل ليهو الا ادوهو صفاره
ضيف شرف زي الحكم وواحد
في واحد تاني اسمو كاسر ركبه
لا اسمو كاسروقا
اي بس ياهو ده
اها مالو ده كمان
هههههههههههههههههههه
ده اسكت ساي
ماسوره
طيب ماجبت حاجه من عندك .... يعني هو والنفطي واحد
لا يااااااااااااخ معقوله بس في فرق
الفرق شنو؟؟؟
الفرق انو كاسروقا ده ماسوره محلوجه
ههههههههههههههههههههههه
يحلجوك بركه الله في محالج ربك الجديده
هلالابي حاقد
ياخي فريق رئس ماعندو دايرين تتفاصحو علينا هسي
بكونفدراليتنا اقصد بحقنا
لكن انا المزعلني السته نقاط اللي كنا ضامننها في الكونفدراليه طارت مننا
اه
اه
اه
خربتو سمعتنا
المشكله الهزيمه ماعيب
اها العيب شنو
العيب عدم الرجاله
الرجاله الجابا شنو هنا هسي
الراجل مفروض يرضي بمواسيرو ويهني الفريق الفائز وتكون اخلاقو رياضيه
لكن امس اللعيبه دايرين يدقو الحكم
ياخي دي لعيبه قليله ادب
طيب لو قليله ادب مسجلنهم وملعبنهم باسم السودان ليه
نعمل شنو
كيف تعمل شنو
نحن ناس مخدرين
يازول ده كلام شنو ده
مسيرنا واحد بس اسمو مزمز اقصد مزمل
ده ممكن يشطب ويسجل ويشجه وكلامو كلو مطاع

اوكي يلا مع السلامه
ماشي وين
ماشي النيجر
اعمل حسابك من الجيش

ياحسن ماتفقع مرارتك ساي
المريخاب البتكل عليهم
بودوه الاخرة
ديل مش شوهوا سمعتنا وبس
ديل رجعونا للوراء
مهزلة وفضيحة
وكمان عدم اخلاق
وشكل وجنس حاجات
ومع دا كله طولة لسان
المهم
اليوم سيكون الاستمتاع الحقيقي
بسيد البلد
ومطبطب الجراح
والالام المريخية في خاصرة الوطن
وربنا يوفق هلال الملايين
ويفرح السودانيين
ويسكت الخشامة
ودالامين

كك التحيه حسن اسماعيل
بركه الطلعت
هلااااااااااابى
بالله هو المريخ اخد اتنين
والله أنا كنت لابس نمره سبعه
عشمان فى تكرار سبعه الوحدات الحراريه
لكن ما مشكله اكان يا هو ده حال المريخ ولعيبتو بنشبع سبعات¡¡
محمد كمال ده ناقص الزول ده كملو بالاسم سااااااى
‏ قال نفطى قال ...نفطيكم ده زناد ما بولعو
كاسروقا
....
المفلوق ما بكاتل
طارق مختار ...برشه بالنهار
وامام جيش جرار
اتو لاعبين فى كنار¡¡¡
ولنا عوده الى بقيه المواسير
وخساره فى عز الهجير
ياخى انتو معسكرين بى جرجير
ولا مياكلين لحم حمير
المشتهى وارقو...بطير
فاصل ونواصل

ياود الامين
اخوانا الطيشاب ديل مشكلتهم مادايرين يقتنعو
هسي يجوك بتبريرات ماانزل الله بها من سلطان
في واحد مريخابي قال لي الهزيمه الحكم
قلت ليهم محمد كمال برضو مسجلو حكم والله شنو
والله كاسر ركبه حكم
لكن معاك حق انو النفطي كان حكم امس
قرووووووش الحكومه دي هااااااااااااااااااااااااامله ساااااااااااااااااااااااااااااااااااااااااااي

اخونا علاء الدين
مواسيرنا ولا طلمبات غيرنا
قلقنا في حلتنا
وزومتنا ولا تمر ميسي
ومزمز ديمه احتار في تبرير الهزيمه
وجانا الخبر شايلو الغبار الليله ضلنا من الكونفيدراليه طار
والوالي دليلو حار
وجيوش المك اتفرتقت في عز النهار

عدنا من جديد
قلنا سفارى....
قلتو السم الهارى
والله الزول ده ابارح بقى دامه دينارى¡¡
قلنا الزومه
قلتو حكومه
حكومتو انقلبت وشالتو نومه
زاد الطين (بله) الجابر
سارح تائه وديمه مشاتر
لاسانا .....جابوك فزعه خليت النص صلعه
سعيد و وبيلعب ارتكاز
والله بى حالتك دي الا تلعب بى عكاز
(راجى) منك بس اشاره
عشان الموسم الجاي تكون
فى مريخ باره
العجب ..
وعبد الحميد ..
مع السلامه يا احبه بى لقاكم جينا نسعد

ما شاء الله يا اخ حسن
انا من قبيل قلت بقراء في عامود محمد عبد الماجد
اصل المواسير ضغط المويه والبرد والمطره ما بتستحملها بطرشق سريع
ما بتصمد ..رواكيب وعواجيز ..ويقولو نحن الصفوه صفوت مطرة ولا برد
زعيم ديل زعيم في الليق
القرد في عين امو غزاله
وكمان سجلو حارس كان مشي معاهم النيجر كان الحكم جاو حجر من الشوط الاول
بركه الما سافر...الله يستر علي ناس سادمبا من الفلق

اشوف لسانكم اصدق اعاين لكاساتكم استغرب
الصفر صفري براي منو البقاسي معاي
زمان ماقلتو الكونفدراليه دي حمام ميت اها مبروك عليكم اشبعوا فطايس

اللهم لاشماته تفرحون لخروج الزعيم اكثر من تاهل هلالكم وياريت لوكده بس اضافو لها عد م وطنيه واخلاق ردئيه و فضايح جنسيه المشكله في جماهير سيد اللبن عندهم عقده اسمها الردكاسل التى تضاهي الاستادات العالميه وليس الزريبه التى فيها...................... ؟ على راي المثل القايل الي ماتلحقه جدعه فهم صفوة وزعامه ورياده ومازال الصفر الدولي كبيرا

برضو فهم انو كاس الكونفدراليه فطيس لانو انتو
اهلو ومصادقنو من زمان نسوقكم معنا للكبار ما بتقدرو
مصارعتهم نحنا خايفين نقبل منكم او نسافر لمباراه
نلقاكم في الرد كاسر اتغلبتو فضحتونا نخليكم تلعبو
مع مستواكم وكان في واحد غلبكم ورونا ليهو بسده ليكم
حاااااااااااار لكن ما تسوها طوالي كده
وحدات.... الوصل..اتحاد مدني .. نتسدا ليكم في منو

النطلع سااااي الجماعه كلهم
هـــــــــــــــــــــــلالاب

يا مريخاب وين مشيتوا

يا وائل و الله ناس الصـــــــــــفــــــــــر
ديل احسن حاجة ما نرد عليهم لو رديت بتعب روحك ساي خليهم في صـــــــــــفــــــــــرهم دا احسن

هيثم إبراهيم محمد الشيخ كتب:

يا وائل و الله ناس الصـــــــــــفــــــــــر
ديل احسن حاجة ما نرد عليهم لو رديت بتعب روحك ساي خليهم في صـــــــــــفــــــــــرهم دا احسن

-----------------------------------------------------------------------------------------------------------------

اصلو دي حالكم الا نديكم سادمبا وكاريكا ومساوي عشان يقلل ليكم السكري والضغط

الجماعه بعد مافقدو( الامل) بقو معزورين

حسن اسماعيل كتب:

الجماعه بعد مافقدو( الامل) بقو معزورين

يا حسن كدى امرق من زرة اليوم وبعدين نشوف

الحمد لله البقيتو فراجه الله يجازي النيجري كان سته نقاط مضمونه. المشاهدين الكراممن علي المساطب الشعبيه

يا رشاشات
يا صفراب
الزريبة كيف
وزنك المقصورة
لقيتو وله لسه حايم فى الهواء
وسيد اللبن كيف
وثورة الجياع كيف
مش كاس الكونفدرالية
ده نحن شلناه
زمااااااااااااااااااااااااان
مسجل باسم الزعيم مانديلا
وكمان كاس سيكافا ون
وسيكافا تو
وكاس دبى الذهبى
وكاس جوبا
جوبا مالك على
(وسامى شلت عينا)
وانتو تشوفو شوف بس
وتشمو قدحة..وتهضربو بيهو
خلونا النشوف جكتكم
وانتو هسى الكاس كان شلتو
بتختو وين
عندكم ليه استاد
وله عندكم ليهو نادى
والله الا تودوه الرد كاسل
والله كان المريخ
بعد الانجازات المسجلة باسمو
فى الكاف وفى الفيفا
مريخ سجم
ابقى الهلال
هلال السجم والرماااااااد
يا رماد

الحبيب زيادة الكثير يستخدم الألفاظ ولا يعرف المقصود بها أو المعني ومن تلك الكلمات كلمة سجم و اليك أنت والأحباب ما جاء في لسان العرب عن معني كلمة سجم


سجم (لسان العرب)
سَجَمَتِ العين الدمع والسحابةُ الماء تَسْجِمُه وتَسْجُمُه سَجْماً وسُجُوماً وسَجَماناً: وهو قَطَران الدمع وسَيَلانه، قليلاً كان أَو كثيراً، وكذلك الساجِمُ من المطر، والعرب تقول دَمْعٌ ساجِمٌ.ودمع مَسْجوم: سَجَمَتْه العين سَجْماً، وقد أَسْجَمَه وسَجَّمَه.
والسَّجَمُ الدمع.
وأَعْيُنٌ سُجُومٌ: سَواجِمُ؛ قال القطامي يصف الإِبل بكثرة أَلبانها:ذَوارِفُ عَيْنَيْها من الحَفْلِ بالضُّحى، سُجُومٌ كتَنْضاح الشِّنان المُشَرَّبِ وكذلك عين سَجُوم وسحاب سَجُوم.
وانْسَجَمَ الماءُ والدمع، فهو مُنْسَجِمٌ إِذا انْسَجَمَ أَي انصب.
وسَجَّمَتِ السحابة مطرها تَسْجِيماً وتَسْجاماً إِذا صَبَّتْه؛ قال: دائماً تَسجامها (* قوله «دائماً تسجامها» قطعة من بيت للبيد وأورده الصاغاني بتمامه وهو:باتت وأسبل واكف من ديمة * يروي الخمائل دائماً تسجامها) وفي شعر أَبي بكر: فدَمْعُ العين أَهْوَنُه سِجامُ سَجَمَ العينُ والدمعُ الماءَ يَسْجُمُ سُجُوماً وسِجاماً إِذا سال وانْسَجَمَ.
وأَسْجَمَتِ السحابة: دام مطرها كأَثجَمَتْ؛ عن ابن الأَعرابي.وأَرض مَسْجومة أَي ممطورة.
وأسْجَمَتِ السماءُ: صَبَّت مثل أَثْجَمَتْ.
والأَسْجَمُ الجمل الذي لا يَرْغُو.
وبعير أَسْجَم: لا يرغو، وقد تقدم في زيم.
والسَّجَمُ شجر له ورق طويل مُؤَلَّلُ الأَطرافِ ذو عرض تشبَّه به المَعابِلُ؛ قال الهذلي يصف وَعِلاً: حتى أُتِيحَ له رامٍ بِمُحْدَلَةٍ جَشْءٍ، وبِيضٍ نَواحِيهِنَّ كالسَّجَم وقيل: السَّجَمُ هنا ماء السماء، شَبّه الرماح في بياضها به.
والسَّاجُوم: صِبْغٌ.
وساجوم والسَّاجوم: موضع؛ قال امرؤ القيس: كَسَا مُزْبِدَ السَّاجومِ وَشْياً مُصَوَّرا
ولكم تحياتي