سلام شباب وكل عام وانتم بالف خير
وعيدكم مبارك ان شاءالله وصور باقي رمضان والفرقة المسرحية في العيد لحظات هنية عشناها مع كاميرة ودمدثر الانيق
لكن ياحبيب لا تبتئس بما لاقيت من هجوم على حبك للهدى ومحاولاتك للتبصير بالكشف عن المستور فهذه ضريبة لابد منها فهناك من همهم الاول المصالح الشخصية الضيقة على حساب المصلحة العامة لذا يحاولون ابعاد كل من يقف في طريقهم واذا لم يجدوا ضالتهم فيحاولون التخريب نظام حسادة وكدة زي حسادةالارنب
قال ليك عمك زارع جزر ووقت الحصاد وعندما استوي واستغلظ عايز يبيعو قوموا يالارانب اكلو الجزر كلو صبحو ليك قش مافي ولا جزرة واحدة قام زعل ومسك ليك الارانب دي واحد واحد وكسر ليك سنونهم بالدور وزرع جزر تاني ونفس القصة وقت الحصاد لقى ليك الجزر كلو مأكول استغرب وعاين جاي وجاي بارى ليك الدرب وطب كب قبض ليك ارنب قال ليه انا كسرت ليكم سنونكم كلها الجزر ده اكلتوه كيف (وطبعا السنون مكسرة اللسان بطلع مع الكلام والحروف بتتغير )
قال ليه ثِرِبناهُ عملناه عثِير
فهناك من يلتف حول الحقيقة ويرى بغير عين الحق يرى بعين الشيطان الذي يجمل ويحلل له الاشياء
فنحمد لك انك تطرقت لمشكلة بلد وليس اشخاص والحمد لله تم تغيير الدكتور المذكور فان تتعرض وتتصدى وتقاوم العاصفه خيرا من دفن الروؤس في الرمال
عبر المنتدى والحوار البناء نسمع من بعضنا ونتحاور لنخرج بما يفيد وينفع المنطقة
وياريت نسمع اخبار حملة المدارس وصلت وين وماتم انجازه وماتبقى
لكم محبتي جميعا الحادبين على مصلحة بلدي وليس الارانب حتى لو كانت بي ملوخية

عادل خياري كتب
((فهناك من يلتف حول الحقيقة ويرى بغير عين الحق يرى بعين الشيطان الذي يجمل ويحلل له الاشياء
فنحمد لك انك تطرقت لمشكلة بلد وليس اشخاص والحمد لله تم تغيير الدكتور المذكور فان تتعرض وتتصدى وتقاوم العاصفه خيرا من دفن الروؤس في الرمال
عبر المنتدى والحوار البناء نسمع من بعضنا ونتحاور لنخرج بما يفيد وينفع المنطقة
وياريت نسمع اخبار حملة المدارس وصلت وين وماتم انجازه وماتبقى لكم محبتي جميعا الحادبين على مصلحة بلدي وليس الارانب حتى لو كانت بي ملوخية ))
الاخ عادل لعمري هذا أجمل ما كتب في المنتدى ولهو شهادة حق لاناس عرفو الحق

الحبيب عادل

متعك الله بالصحة والعافية ..

ولنا في الأرانب عبرة وعظة .. ولكن هل من معتبر ومتعظ ؟ وكما هو معلوم أخي الحبيب بأن الحسد من أخطر الأمراض الأجتماعية التى تفتك بالمجتمعات .. نسأل الله أن يهدي .. وأن نكون حادبين جميعا على مصلحة الهدى

سلام حبيبنا ود مدثر
لك التحيه السرمدية وتحلى بالصبر الجميل وهذا شيمة الاخيار كما جاء على لسان سيدنا يعقوب
صبرا جميلا والله المستعان

اقتباس :

تسلم ياحبوب

ونلتقى هنا لنرتقى اكيد

من يلتقيك ولو عبر النت حتما سيرتقي من خلال سردك الانيق وبك ومعك يحلو الاُنس ومن خلاله نخرج برؤية تطويرية في قالب سلس
مودتي

عبدالرحمن مدثر كتب:

ياعادل فى قصة زمان بتاعت القرود فى الابتدائى

مابتذكر تفاصيلها لكن بتكيف لمقولة القرود وهى تجتمع وتقول

واااا وااااا وااااا العمل صعب لانقدر عليه وحدنا

يعنى ممكن ناخد الحكمة من القرود وغيرها

ودمدثر تاني حبابك الف
طبعا انتو اولاد المنهج الجديد لكن على زمنا نحن كان الدجاجة الصغيرة الحمراء
والتي قالت الفول فولي زرعته وحدي وحصدته وحدي وسآكله وحدي
ومفادها الاعتماد على الذات والتخلي عن الكسل
يعني ممكن ناخد الحكمة من الدجاجة وفي النهاية كلها حيوانات وطيور
وبعث الله غرابا يبحث في الارض ليريه كيف يواري سوأة اخيه
يعني ممكن نتعلم من المخلوقات التانية

الاخ هيثم لك التحية وشكرا على المرور

اقتباس :

الاخ عادل لعمري هذا أجمل ما كتب في المنتدى ولهو شهادة حق لاناس عرفو الحق

الحق اولى ان يُتبع فلنتبِع الحق لنحقق الشعار قبلة الانظار ياأرض الهدى

الاكرم ابو وضاح لك التحية والتجلة وانت تزين صفحات المنتدى
ومرورك يطربني وهو بطعم شطة العوامرة التي تفتح النفس
[quote ]
ولنا في الأرانب عبرة وعظة .. ولكن هل من معتبر ومتعظ ؟ وكما هو معلوم أخي الحبيب بأن الحسد من أخطر الأمراض الأجتماعية التى تفتك بالمجتمعات .. نسأل الله أن يهدي .. [/quote]
نسال الله الهُدى والتُقى والعفاف والغِنى

الاخ ابو الطيب كيف اخبارك وعيالك وانت فى بلدالعم

ابوباما .. الحسادة تطير وتقع البير وهى اصلا بتعتر لاى

زول ماشى فى طريق الاصلاح .. حكاية الارنب دى زكرتنى

بحكاية ام سيسى بتعرفا؟ دى بتاكل الحمام .. فى واحد

رباطابى جننتو جن كل يوم يلقى الحمام ناقص وفى يوم

شرك ليها قبضاومغيوظ منها شديد قام جاب الزردية

قلع ليها سنونها وقال ليها يلا بعد دا امشى الحسى

مديدة.. لك ودى

حقيقة العيش بدونكم حرام
فبعد ان كنا يئسنا من المصلحين والحادبين على مصلحة البلد
ودخلنا فى دوامة الياس
ولد المنتدى باسنانة وضاربا فى التانك كل القبيح
ومولدا لجميل الافكار ورابطا لابنا الهدى وجامعا لكل الاجيال
وسوف يعيد سيرة الهدى من جديد
لله رجال
ونحمد الله على هذة النعمة
التواصل الاثيرى
ولك ياود خيارى كل الود
ولارانبك حلة الملوخية
ولنا العبرة
وفقنا واياكم الله لما فية الخير والصلاح

الاخ وليد التلب لك التحية وعبرك للاسرة الكريمة والتي اكن لها كل احترام
تشكر على المرور وحكاية ام سيسي طلعت احلى من الارنب
لكن العبرة والعظة من الموقف الطفيليين والنفعيين دوما يجدون منفذا ومدخلا
لاهوائهم المريضة فهلا احكمنا القفل على هذه المنافذ ولنا في تخريب المستشفى المثل الماثل

سلام عزيزي باشمهندس علي

اقتباس :

فبعد ان كنا يئسنا من المصلحين والحادبين على مصلحة البلد
ودخلنا فى دوامة الياس
ولد المنتدى باسنانة وضاربا فى التانك كل القبيح
ومولدا لجميل الافكار ورابطا لابنا الهدى وجامعا لكل الاجيال
وسوف يعيد سيرة الهدى من جديد
لله رجال

انتم الامل المنشود في التطوير والتنوير سواء بالكشافات او التبصير بماهو ينفع الناس في هداهم
بهداكم يهتدي الجميع وبحبكم لخير المنطقة واجتهادكم وتخطيطكم والذي نتمنى ان يؤتي اكله اليوم
قبل الغد
نعم لله رجال وانتم الرجال لله دركم ياشباب الهدى وانتم تشمرون عن ساعد الجد للتطوير والتنوير
سيروا وعين الله ترعاكم سيروا ونحن من خلفكم نشد ازركم وفقكم الله