لاشك ان أمر الزواج اصبح أمرا شاقا على الكثيرين
من ابناء هذا الجيل ويقوم بعض الشباب بتأجيل الزواج لحدى مايكون فى وضع احسن
وبعد ذلك يصل الى سن النضج ومافوقها اكثر ممايصل الى جمع مال الزواج والشي..........و الشن.........والشب.........والش..والقرفة ووو
وهذا الوضع ادى الى مشاكل اجتماعية من انحلال اخلاقى وغياب الوازع الدينى مع كثرة الافكار والطموحات .
لابد من ايجاد حل وتذليل الصعوبات امام الشباب لكى تجرى الحياة على طبيعتها وتتجلى لنا اهمية نصف الدين لعذابنا
دار نقاش فى ايام العيد من بعض الشباب وكنت جليسهم حول مشاكل الزواج وفى اثنا النقاش صاح احدهم وجتها قلت له من هى قال فكرة
كيف لو عملو زواج بالاقساط المريحة
وتناقشنا سويا وقلنا لم لا ؟؟
لان كل شىء اصبح بالتقسيط البيت العربية الثلاجة البتجاز الملايات
الثياب لماذا لايكون الزواج من ضمن هذه القائمة ويتم تقسيمها لفترات متباعدة مخثلا الشينطة ثم بعد شهرين الشيلة ثم بعد شهرين الشبكة ثم بعد شهرين تتم مراسم الزواج وتكون الكرامة فى اخر الاقساط التى يتم سدادها
بس الاشكالية التى واجهتنا فى اخر النقاش متى يتم تسليمالعروس فى اخر قسط ام فى اوله
لابد ياخوة من ايجاد صيغة لحل مشكلة الشباب
لابد ان تجدو معى صيغة زكية وشرعية واكرر شرعية
ادلو بارائكم حول هذا الموضوع

شكرآ الاخ منهد على هذا الموضوع
اما بالنسبة للزواج بالتقسيط هذا غير ممكن يكون في السودان قول ليه لانه عندنا في السودان مافي حاجة اسمها مهر محدد ومبلغ كبير ومقارنة بالدول الاخرى ومافي حاجة اسمها التزامات علي العريس مقارنة بالدول الخرى.
عندنا في السودان الزواج ميسر اما اذا عايز فنطز وشوفوني دا شئ ثاني هاك ياغرفة نوم وهاك يامهر وهاك ياحفلة وهاك ياام العروس وهاك وهاك وهاك تلقى نفسك خسرت وتحسب بان الزواج صعب لكن لا والف لا
الزواج ميسر جدآ جدآ
الاخ ايمن في دول الخليخ المهر مايعادل بالسوداني 70مليون الواحد هنا ممكن يقسط
لكن عندنا في السودان في ناس بدفعوا 50الف وفي ناس بدفعوا 50مليون حسب الاستطاعة.
ولكم مني كل الود

الحبيب مهند
فعلا موضوع الزواج اصبح هاجس كبير للشباب ولكن لماذا لا نعود الي فكرة الزواج الجماعي اعتقد انها الحل لما فيها من تيسير وبركة

بسم الله الرحمن الرحيم
اخى الزواج من اعظم النعم على الامة
حيث قال الصادق المصدوق ( الدنيا متاع وخير متاعها الزوجة الصالحة)
اخى لقد ضيقت واسعا لماذا التقصيد والشيكات ثم السجن
اخى زوجة بالمجاااااااااان كما فعل سلف هذه الامةكما فى قصة سعيد بن المسيب , حيث خطبة بنته امير زمانه حيث المال والشرف والرفعة والجاه الحكم لكنه رفض
في يوم لامة احد تلاميذه عن غيابه
قال له انى زوجة ماتت ليست لىمن يخدمنى
قال تزوج
قال من يزوجنى وليست لى الا ثلاثة دراهم
قال له سعيد زوجتك ابنتى بدرهمان
قال التلميذ انا فى بيتى بعد مغرب هذا اليوم اذا طارق يطرق الباب قالت من الطارق
قال سعيد معه ابنته (العروس)
قال الرجل خطر على بالى كل سعيد الا ابن المسيب
قال سعيد خشيت ان تبيت هذه الليلة عازبا
قال الرجل والله لم ارى اجمل منها فى النساء

لكم التحية سادتى /موسى /هيثم /الخزين
نحن امام امر واقعى يعيشه شبابنا

ليس هنالك ضيق يالخزين بلى الامر فيه سعة
طرحت هذا الموضوع لكى نجمع على صيغة تسهل عمل الزواج

حبيبنا هيثم
الزواج الجماعى اظهر فشله
لانه من سنن الانقاذ
ويحكى انه غير مبارك لان جل حالات الزواج الجماعى
حصل فيها طلاق
لان مال لم يعلم مصدره


اخى موسى
عيد مبارك عليل وانشاء الله من عواده
امابخصوص الزواج فى دول الخليج بالتقسيط
لانهم اذا عجزوا عن ذلك فالدوله كفيلة بالسداد

شيخ مهند
اوعي يكون التقسيط من عبد اللطيف محمد عبد القادر

لماذا بالتقسيط ياحبيبنا يامهند ؟
يا أخي دعني أخلافك الرأي .. نحن في السودان ما أيسر واسهل الزواج عندنا دول غيرنا من الدول ..
المشكلة ليست في الزواج في حد ذاته المشكلة في تحمل المسئولية .. اما الزواج ما بين يوم وليلة بتم ..

غير كدا هنالك زواج الكورة البفك البورة .. لكن الشباب عازف عن الزواج إذن المشكلة في الزواج نفسه..
ودي المفروض يكون البحث لها عن حل ..
وماتنسى ياحبيبنا مهند .. أي شيء يبدأ بالديون نهايته سريعة وربنا ما بيبارك فيهو ..

ولك محبتي ..

لك الود\ طارق
نعم الشباب عازف عن الزوا ج من اكبر الاسباب ماذكرته الوضع المادى
ام ان يتم بين يوم وليلة ليس كذلك لانها رباط سنين مامكن يتم فى ليلة
مثلا بلاش تقسيط
عاوزين صغة نخرج بها للتخفيف على الشباب
مثلا تنازلات عن الشيلة ومثلا شنطه 2=2


محمد طيب لك التحية بطعم العيدية

عبد اللطيف بقسط البناء والاساس

اقتباس :

حبيبنا هيثم
الزواج الجماعى اظهر فشله
لانه من سنن الانقاذ
ويحكى انه غير مبارك لان جل حالات الزواج الجماعى
حصل فيها طلاق
لان مال لم يعلم مصدره

ههههههه عشان بتاع الانقاذ عشان كده ما مقبول
الانقاذ جابت السنه دي من وين ... اليس فيه تسهيل للزواج بغض النظر عن من استني هذه السنه
اما حكايه انه غير مبارك دي فالحل موجود
اعملو زواج جماعي مبارك يعني من قروش الهدي وناس الهدي زي نفره المدارس ومن خلال المنظمات الخيريه في الهدي

شيخ مهند
عبداللطيف ما عندو مانع يقصد الزواج حتي السمايه

لكم السلام والانعام /ابومزن /محمد

طيب يااحباب اتلمو وتعالو قراب
ونشوف ماهى الاسباب والعوامل التى ادت لعزوف الشباب عن الزواج


كلامك سمح ياحسن تكون هنالك نفرة بخصوص ذلك

شيخ مهند كيف اخبارك لعلك بخير

طرقت موضوع مهم وحيوى واعتقد ان تقدبره امر نسبى

فهو سهل لمن استسهله وصعب لمن استصعبه.. والموضوع ما

بستاهل تقسيط لانو فى حالة عدم السداد بستلموا

البضاعة وهى (المحروسة) ويمكن يكون الحظ منيل ويصادف

شهر العسل

عندى ليك فكرة قول لصاحبنا الهارش دا امسك قريشاتك

وامشى لخالتنا (بتول بت الماحى )عدل تديك الوصفة

السحرية وما تنسى الشاى مع كباشى