ود مدثر دارك عامرة
مبروك الدار الجديدة
الحبوب ان شاء الله دارك عامرة بالحبان
سمعت الخبر من الناس الجو يباركوا البيت
قالوا لى مشينا وجينا ونسينا ما كلمناك
قلتهم خير وربنا اباركلو فيها
وان شاء الله عامرة بالطاعة والزرية الصالحة والعمل الصالح

اها الديوان كيف نجيب باقة العسل ونجيك
ولا شنو .بينك بينى كان نفسى اكون معاهم
لاكين ملحوقة

الف الف مبروووووك الديار عبدوش

وربنا يجعلها دارا مباركة ومبارك اهلها

واعمل حسابك من اهل (عوض ) ديل يقولوا ليك جابين ليك عسل

وبعدين يقولوا ليك : والله ما لقينا عسل اصلى عشان كدا جبنا معانا

مربة قرع ...!!

نبارك للحبيب ود مدثر الدار الجديدة .. وإنشاء الله دائما عامرة
وبخرها .. بي بخور ود مدثر المعتق ..
بارك الله لك فيها وجعلها بالذرية الصالحــة ..وبي لمة أهل والحبان ..

اخي عبدالرحمن الف مبروووووووك الدار وربنا يزيد ويبارك لك فيها وربنا يحفكم ويحرسكم بالخير ويملأكم عافية ولك كل التهاني

يا عبد الرحمن مبروكه الدار وان شاء الله تكون دار مرحبه بأهلها.
ان في الأول كنت فاكرها في الهدي لكن من ما سمعت جركانات العسل وأهل العوض عرفتها في البندر
اها نحن أهل العوض متوجهين عليك تب.

مبروك الدار ابو مزن
داراً عامره بكم انشاء الله وربنا يبارك لكم فيها ومقاماً طيب

منزل مبارك


الف الف مبروك
من سعادة كما قال عليه الصلاة والسلام
الدار الوسيعة والزوجة المطيعة والدابة السريعة

مبروك الدار ابو مزن بالرفا والبنين

سلام الحبيب ود مدثر
الف مبروك الدار ودار عامرة بالايمان والحبان
لكن عزومة المراكبية دي شنو
كان جابكم الدرب دي
نحن جاينك عديييييييييل والحمد لله لقينا لينا منزله لمن نجي االخرتوم
كتر العناقريب ساكت