[color=green]تم تصنيف السودان كثالث أفشل دوله في العالم بناء علي المعايير الاتيه:


[/b]1-الضغوط الديموغرافيه.
2-اللاجئين والمهجرين والالمشكلات الناتجه عن الهجره والنزوح.
3-فقدان شرعية الدوله وفساد الحكم .
4-غياب المحاسبه والشفافيه.
5-ضعف الثقه بالمؤسسات.
6-هجرة العقول من أوطانهم.
7-تدهور حاد في تقديم الخدمات للجمهور.
8-استفادة أقليه معينه من النظام السياسي وهضم حقوق الاغلبيه المهمشه.
9-وجود تراجع افتصادي حاد واختلال الميزان التجاري وضعف سعر الصرف بالعمله المحليه.
10-انخفاض في معدلات الاستثمار.
11-هبوط في الدخل الاجمالي.
12-انتهاك حقوق الانسان.
13-انتهاك القانون.
14-وجود انشقاقات داخل النخب الحاكمه.
15-ظهور انقسامات دستوريه حاده.
16-تدهور الوضع الأمني (دوله داخل دوله) مثل سيطرة نخبه عسكريه داخل الجيش أو مجموعة أمنيه معينه .
17-اندلاع نزاعات مسلحة بين مراكز القوي المختلفه
18-غياب التنميه الاقتصاديه.
19-عدم المساواة بين السكان في الوظائف والتعليم والمداخيل .
20-تدخل دول اخري في شوؤن الدوله الداخليه من خلال دعم تنظيمات عسكريه وشيه عسكريه.
21-الاستعانه بقوات دوليه أو قوات حفظ سلام.
هذه هي المعايير فما رأيك أخي العزيز فيها وهل تتطابق كليا أو جزئيا مع الوضع السوداني ارجو ان تكب رأيك بحياديه تامه بغض النظر عن ميولك السياسيه.
ولكم تحياتي

سلام عزيزي صديق خالد

اقتباس :

البرلمان يرفض تصنيف السودان دولة فاشلة

قلت لي قال للقاضي شنو خلو كلامي انا انت رايك شنو
ياصديق ياخوي المسالة ماعايزة تقرير المسالة واضحة وضوح الشمس ورحِم الله عمنا الطيب محمد الهادي كان دايما يردد جينا نرفع المعَانا من الشعب اي زول معاهم يرفعوه ويدوه من الكيكة نصيب واي زول مامعاهم الصالح العام اولى به
ناس بكل هذه الانانية والتسلط والضلال والكذب والنفاق على الخلق عايزهم بكل برود يقول ليك ايوا نحن دولة فاشلة
عليك الله خليك في يمنك دي ماتقلب علينا المغائص ساي

الأخ الحبيب صديق خالد

تحياتي ..

يعنى في دولتين غيرنا .. والله هذا تقدم ملحوظ .. أحسن من تصنيف الفيفا ..

الغريبه انا قريت التقرير الصادر من منظمة الشفافية العالمية والترتيب
مانيمار
الصومال
العراق
السودان
يعني ترتيبنا الرابع رجعنا مرحلة تانية ولا شنو
ربنا يعدل الحال بعد الحال

يا ابو الطيب يعني hopeless case نحن والله كان عندنا الامل نرجع بلدنا ونزرع وننتج ونفتخر بالفي والمافي ولكن في كل يوم يطلع علينا الجديد غير المفيد

حبيبنا ونسيبنا طارق حمد الله علي السلامه
تقول نحن أحسن من الطيش شويه يا ربي ناس الطيش ديل عايشين كيف

يا عادل
دا غير تقريرالشفافيه العالميه دا شغل جديد لنج (بس نحن رافضنه لأنه يستهدفففففففففف بلدنا ) وهو مغرض كما قيل.