الأخوة الأعزاء
متعكم الله بالصحة والعافيــة ..

ان تدخل منتدي الهدى من بوابة الخروج أو تخرج من بوابة الدخول .. لا أحد يسأل عنك ..
لقد غبت عن المنتدى قرابة ال5 ايام ولا حد عبرني .. ولا سأل .. حتى ساورتني الشكوك ..

غير أن إتصال الحبيب هيثم الشيخ .. ومن قبله عمه صلاح الشيخ بدد مابي من وحشة النفس .. فكم أنتم رائعون ابناء الشيخ ود هنونة وما فقدناكم وماحرمناكم ..
ولكم التحية والتجلة ..

سلام ياطارق
ياخي انت فضيحة كدة مالك والله ماطالبني حليفة لي يومين عايز اتصل عليك تلفون واسال لكن جري الوحوش في البلد دي وفرق الزمن وفرق العملة لعبا دورا كبيرا
وفي هذه اللحظة ارفع تلفونك اصلي مساهر مساهر
اها رايك شنو

الحبيب عادل

كتر خيرك كتير .. يأ أخي والله إنت الوحيد الدائم السؤال .. وإنت الوحيد الشايل الهدي في عيونك أنة وجع .. وكتر خيرك وأنت مهموم بي لمة الناس ووحدتا
وتسلم يا الهميم .. تسلم

نخت اللوووووم على ظرووووفك

يا حسن اوع يكون طارق
حسب عليك واحدةإإإإإإ
انت لو عبت يوم واحد
على طول يرفع السماعة
انت وين ياحسن ياخى
(نسأل عنو كان طول وما هاميهو كان غبنا)
دى كسير تلج مشو كدا

ود المامون
ننساك(رائعة ود البادية)
هو انت بتتنسى ما انت روحنا وحبنا
بعدين الواحد بخش المنتدى
زى الخاشى بيتو...بلقى اولادو واخوانو ما بفتش ليهم
متاكد بلقى عادل وود الياس وهيثم وطارق وودالشيخ
وعلى ود ابشنب
ووليد التلب
والجنى ابوقميص احمر(ود الطيب ود ابراهيم)
والشيخ مهند...وودعبد العزيز موسى
ووداحمد الطيب النجار
والمريخابى الحر ودخالد ود عوض الكريم..
وبلال وبت حاج الماحى ..ومصعب
ووائل وابوه وامه..ديل ليهم نجمة انجاز لانهم من الصفوة
وابو النسب..الخرباش
وبعد البوست الرائع بتاع اهلنا القلاليز
بندى الخرباش ترقية
ونسميه نسيب بدرجة قليز
طبعا جبناه مسك الختام
ولزوم التحليه

الاخ ابو وضاح ان شاء الله يوم شكرك مايجى والله خجلتنا عديل كدا انت من الاخوان المابقصرو وبفقدو ويلاحظو ويردو ويرحبو وياتو بالجديد المفيد ماقلت ليك ان شاء الله يوم شكرك مايجى ؟ونحن مقصرين شويه لطبيعة عملنا معليش امسحا لينا فى وشنا.... ياخى نحن نعاين ليكم تجوا الطائف ...تحياتى لك وللاسره بجده

الحبيب ابو محمد زيادة وأكثر

لك التحية . ـ

معك كل الحق .. المنتدى دا بنوم وبنصحى عليهو .. عشان بنلقى فيهو كل السمحين والزينين .. وبقي بيجري في العروق مجرى الدم .. لكم التحية جميعا ..

الحبيب محمد أحمد عبدالرحمن ( ابو وائل )

لك التحية والتجلة .. وعبرك الى باقي افراد الأسرة الكريمة (الأخت أم وائل ) وولدنا (وائل ) وأخوانه الباقين وإنشاءالله يوم شكركم ما يجي ووشكم دائما أبيض .. وإنشاء الله تامين ولامين .. وقريبا جائين عندكم عشان نطهر الولد ( ههههها )

طارق مامون كتب:

الحبيب ابو محمد زيادة وأكثر

لك التحية . ـ

معك كل الحق .. المنتدى دا بنوم وبنصحى عليهو .. عشان بنلقى فيهو كل السمحين والزينين .. وبقي بيجري في العروق مجرى الدم .. لكم التحية جميعا ..

يا ابو وضاح سلام و سلام
في مثل بقول :- فلان لحق الزينين _ ما بنلقي عندك ولا عند واحد من الاحباب قصة المثل ولماذا يضرب ؟؟

ابنة العم العزيزة أم ضحى ..

كتر خيرك كتير .. وجزاك الله عنى خير الجزاء ..
وبنفس القدر نحن نتمناك دائما وأبدا بدوام الصحة والعافية .. لاتنسي عبرك التحية الى الأخ عثمان الحوري والأبنة ضحى .. ولكم جميعا كل الأماني الطيبات ..

ودالمامون سلام ننساك كيف زي ماقال زياده وانت واحد من اعمدة المنتدى اها رايك شنو انا شهرين راقد بي عملية مافي زول سأل عننا ولاخبر برضو مازعلان غنمي في المدرسة واولادي في الزريبة ؟

يا ود المامون لك العتبى

الزعلة دى موجهة ولا غفل ؟ بالضم

ياخى ما تزعل ان غبت فما غابت مساهماتك الشيقة

والجميلة

أولا أعتذر وآسف أشد الأسف لعدم ردي على الأخ العزيز الحبيب صلاح ود هنونة . وأنا متأكد 100% بأنه ما حيكون زعلان مني لأني ماقصدت وحاشا لله أن أتجاوزه في الرد لأن هذه ليست من شيمي .. فلك العتبى حتى ترضى أخونا صلاح ود هنونة ..

وخليناها للظروف .. زي ما خليناها نحن للظروف ..

العزيز كباشي خياري

الف حمدا لله على السلامة أولا .. ونحن والله العظيم لا علم لنا بمرضك .. كان جيناك وجبنا ليك كيسك وزرناك في المستشفى .. وختينا ليك تحت المخدة ..
يا أخي شرك مقسم فوق الدغشم ( إنشاء الله قلتها صاح )
أكرر لك التحية والف حمدا لله على السلامة ..

الأخ ود التلب

لك التحية يا حبيب ومشكور وماقصرت .. ودي زعلة وحردة ..بسيطة وكدا عشان نعرف قيمتا .. ولكن لقينا الناس على الوعد وعلي حب كبير ..

لكم جميعا محبتي ..