مقولة سمعناها ولا ندري كنهها الا انها والعهدة على الراوي من احدى القاده والساسه الذين خبروا الشعوب وتعاملوا معها
اجتررت تلك المقولة وانا اتصفح مقاطع من اليوتيوب لدخول حركة العدل والمساواة لمدينة ام درمان وهي تدخل بآلياتها وعتادها الحربي لتسمع جمهور من المواطنين يهتفون لها عاشت حركة العدل والمساواة
هل هذا التاييد حماية للنفس عشان ماتجيك طلقة منهم
او حقد على الحكومة ونكاية بها نؤيد اي جيش
او هو عدم الموضوعية والانقياد وراء كل جديد دون مضمونه
ام سُلِبت ارادتنا وصرنا نؤيد كل حكومة فانطبقت علينا المقولة
مرحب شعب كل حكومة

الاخ / أبو الطيب
تحية طيبة
فعلا نحن شعب كل حكومة عموما الشعوب العربية تغلب عليها صفة الإنطباعية والسطحية السياسية ( دي من روائع الفلسفة وكدا ) وعدم وجود الأهداف والخطط المستقبلية لذا نجد الحكام يمكثون عشرات السنين ومنهم من يورث الحكم كما هو معد له الان في مصر , و الشعوب العربية تفتقد إرادة التغيير , وتنعدم فيها ثفافة الديمقراطية والشورى , لذا نحن شعب كل حكومة ,
والحديث في هذا الموضوع يطول
ولك تحياتي

الحبيب عادل

لك التحية . ـ

صحيح نحن شعب كل حكومة .. وفينا من يأكل في الموائد وفينا يقول دعوني أعيش ..

الحبيب ابو الطيب
متعك الله بالصحة والعافية
نحن لسنا شعب كل حكومة
ولكن هناك
الطفليين والانتهازيين
والذين يعيشون على فتات الموائد
هؤلاء هم الذين يصفقون لكل حكومة
حيث لا مبادئ ولا ضمير ولا اخلاق ولا مثل ولاقيم
وديل ناس ملئ بطنى ولا وطنى
واخرون ايضا يطبلون لكل الانظمة
لتمرير اجندتهم الخاصة
واخرون قطع شطرنج تحركهم ايادى اجنبية
فتجدهم يؤيدون كل حكومة
والسؤال الذى يجب ان يساله كل منا لنفسه
اين يقف من فضايا الوطن
وماذا قدم وماذا يمكن ان يقدم

الاخ هيثم لك التحية
تشكر على المرور والاضافة

اقتباس :

فعلا نحن شعب كل حكومة

تشكر على التأكيد

ابووضاح الواضح
تشكرات سيدي على المرور

اقتباس :

الحبيب عادل

لك التحية . ـ

صحيح نحن شعب كل حكومة .. وفينا من يأكل في الموائد

اسه ياطارق آخوي كان اكلوها كسرة بي طماطم وشطة مش كان ريحو بطونهم وقلبهم وضميرهم عشان البلد تمشي لي قدام

سلام ابو محمد متعك الله بالصحة والعافية

اقتباس :

والسؤال الذى يجب ان يساله كل منا لنفسه
اين يقف من فضايا الوطن
وماذا قدم وماذا يمكن ان يقدم

والله يازياده انا شايف انك رومانسي وطنية
كلامك ده زي شعارات الانتخابات نعمل ليكم ونسوي ليكم
ونعمر ونصلح ونجيب ليكم الكهرباء
المدارس
المستشفيات
الزلط
واول الواحد مايتوهط في الكرسي تاني في صيوان البكاء مابتشوفو
ربنا يكون في عون البلد

غايتو انا من العنوان فهمت الموضوع غير شعب كلة حكومة
لان هنالك نقطة تسربت عفوا اوان ضغط الاصبع على الجيم بدلا عن الحا
فصارت شعبا كلة جكومة
لكن الموضوع غاية فى التشويق ويمكننا التنظير وتوضيح الرائ ونثبت لك اننا شعب كلة حكومة
وذلك هذا الموضوع سوف ياخذ حيز والكل يدلى فية براى
طبعا فى زيارة لرئيس من الرؤسا قال الرئيس الاسبق جعفر نميرى انت التحية لك وانت تحكم شعب كلة سياسى
وفى موضوع طريف عنوان لمانشيت قال صاحبة وزير لكل مواطن
ووزارة الزير وحكومة انتقالية للكراكة ام دلو
والكثير المثير
فالبلد اخ عادل مصابة بحالة من الحوكمة الشخص الحاكم لايعرف من يحكم
وعلى ذلك قس

الشعب ياابو الطيب تاه اي زول كلامو في الورق وفي الانتخابات وبره سمح لكن بريق السلطة يجرفو الفي البرعوام نبكي علي الحكومة القديمة ونجهز بكانا علي الجديدة وكل زول يدعي الوصل بليلى وهو الشريف الرضى وشايل طمبور البلد الوطن الدين والهم القومي ونحن نصفق اقصد نصدق وبكرة يضحك وتشوف سنونو صفر ب

نحن شعبنا ده والله فيهو تناقضات عجيبه خلاص
ماتؤيده اليوم يمكن ان تعارضه بين ليله وضحاها
ماعندنا حاجه ثابته كده

حسن اسماعيل كتب:

نحن شعبنا ده والله فيهو تناقضات عجيبه خلاص
ماتؤيده اليوم يمكن ان تعارضه بين ليله وضحاها
ماعندنا حاجه ثابته كده

ســـــــــــــــــلام يا حســــــــــــــــــــــــــــــــــــــــن
دي الســـــــــــــــــطـــــــــــــــــحـــــــــــــــيـــــــــة
بعينها
ولك ودى

هيثم إبراهيم محمد الشيخ كتب:

حسن اسماعيل كتب:

نحن شعبنا ده والله فيهو تناقضات عجيبه خلاص
ماتؤيده اليوم يمكن ان تعارضه بين ليله وضحاها
ماعندنا حاجه ثابته كده

ســـــــــــــــــلام يا حســــــــــــــــــــــــــــــــــــــــن
دي الســـــــــــــــــطـــــــــــــــــحـــــــــــــــيـــــــــة
بعينها
ولك ودى

سطحيه في كل شي

اقتباس :

والله يازياده انا شايف انك رومانسي وطنية
كلامك ده زي شعارات الانتخابات نعمل ليكم ونسوي ليكم

عدوله .. الرومانسيه دي دايره ليها بلد حنييييييييييييييييييييييييييييييييييييييييييين

حبيبي عادل أولاً نشرك علي تفقدنا أثناء غيابنا الطويل غير المبرر عن المنتدي.
ثانياً: لا أعتقد أن هذه المقولة تنطبق علي كل الشعب السوداني؛ بل علي فئة إنتهازية لا يهمها إلا الجري وراء المكاسب والمغانم.
والآن علي مستوي الهدي هناك من هتف لكل الحكومات التي عاصرها؛ وأيضاً هناك من المسئولين من تنطبق عليه هذه المسألة.
فإذاً هذه المسألة تنطبق علي الذين يتعاملون مع السياسة ليس كمبدأ؛ وإنما كوسيلة للإسترزاق.
وطبعاً هذه مصيبة كبيرة؛ لأن السياسي الناجح لا يمكن أن يبني أحلامه الإقتصادية علي السياسة؛ بل علي أجتهاده الشخصي، وبعد ذلك السياسة تُمارس في الأوقات الثانوية.
فإذا تعاملنا بهذا الفهم فأعتقد ان نسبة النفاق سوف تقل، وسوف لن نجد مثل هذا السلوك بصورة كبيرة في المجتمع السوداني.

الحبيب عادل خياري
الشعب السوداني شعب طيب يقولو الحكومه انقلبت يقولو ليك حباب النافع
يعني دايرين عيشه رخيه وعلي قدر حالهم

من كواليس زيارة الأمام الصادق المهدي للهدى ... قال عن شخصية .. تعتبر مشاركة في كل الحكومات : ( يعنى من ناس كل حكومة )
قال : دا زي لوح الثلج في بيت الفرح بتلقاه وفي بيت البكي بتلقاه .. إتعاملوا معاه كماهو ..

ولدنا الفات الكبار والقدرو الزبير
حفظه الله ورعاه

اقتباس :

فإذاً هذه المسألة تنطبق علي الذين يتعاملون مع السياسة ليس كمبدأ؛ وإنما كوسيلة للإسترزاق

اعملوا انتم ابناء الهدى كل على مبدأه لانطالبكم بتغيير قناعاتكم ولكن الجُزئية الاخيرة وسيلة للاسترزاق لكل اهلكم بالمنطقة نرجو كل من كان حزبه في السلطة ان يسترزق اهل منطقته ويعمل لرفعتهم بالخدمات والتي تخدم حزبه ايضا سياسيا بمزيد من التاييد حسب الخدمات
كونوا كما انتم وقناعاتكم ولاتنسوا ان تضعوا الهدى في حدقات العيون