الاخوة بالمنتدى ، انقطعتا قطعة خفيفة ذى الكهرباء بعد المغرب فى الهدى ، وانتو يا وليد قطعتو فى انقطاعتي تقول شغال معاكم بالقطعة ولا بالكرتونة،
نكته سطر جديد
واحد ملخوم راحت منو كرتونتين وشنطة سالو راح منك شنو قال بي سرعة شنطوتين وكرته.
بعدين القلم ليو دافع ، وانا كان لقيت موطئ قلم ، بسدا واقدا (يعنى ماعملتا حاجة)
فعلا ذى ماقال المثل القلم مابزيل شنات الحواجب.
الا (الرموش كنترول) تكون غزيرة
وقليلة رايح.
اخي وليد الهدى هذه الايام تنتظر (الدرت) لتنتعش اقتصاديا
وان شاء الله تكون (درت علي خير)
هل تعلم الهدى الان تشارك فى (جنوب افريقيا) ليس كاس العالم انما فى اطار العيش من (دقيس _ وداحمد _ وهجين ) وهلم اردب.

نننتظر انخفاض اسعار الطماطم حتى تصل مع كل حبتين ادوك تلاتة حبات طماطم ملاح مش ذى هسه حبتين عند اللزوم.
شهدنا الدوره المدرسية وفازت مدارس الهدى بنين وبنات بمعظم الفقرات. فقرة جديدة
نتمنى ان يمتد بنا الزمان لنشهد كل فعاليات ومناسبات وتاريخ وحكم وحكمة الهدى علي صفحات (النت)
حتى يسير الراكب من الهجرة الي القنطرة لايخشى الا فوات ضيف في الفيس بوك بتاعو.
الواحد البس احسن ماعندو وإلف (عمتو)
عمتو اخت ابو والشال والمركوب واتعطر واقول ليك انا ماشي المنتدى .
والماشي اكلم الخاشي عشان مافي زول اخش فى خاطرو، وادونا خاطركم بندور نخطر يجيكم
وكان فطرنا بنجيكم بس مانكون
فطرنا ولم نجدكم

صديقي الجميل عثمان ابوشيبة
احقا هذا انت
فرحة عامرة غامرة دخلت فينا تش وماقالت كش عند دخولك الموقع ولانو عمر الفرح دايما قصير (العضم الكبير البختوه للابو) وقصير اقصر من المسافة الزلطية بين الفريجاب والهدى علمنا من مصادر انك ماقادر تدخل وحتى مشاركاتك بتدفعها لي زول يكتب بي اسمك يعني قلمك برضو ليه دافع
بس ان شاءالله المرَة ماتقراها المراة حلو حلا
المرَة دي تكون انت حقيقة ماخيال علمي عشان الكلام معاك بختلف من القلم الليه دافع
المهم ل حين ميسرة ح ارجع ليك لما اعرف انو ده انت ولا ماانت
تجدني ارحب بك بكل لغات الترحيب الخفية على العامية مية مية

الدفع ذاتو أنواع .. حدد نوع الدفع.. دفع آجل دفع عاجل دفع بالبطاقة الإتمانية .. ياتو فيهم ..

يمكن دفع أمامي يا طارق

سلام الاحباب ابو شيبه عندو بطاقه تامين صحي ربع القيمه ما بدفعها
بملح والملح الكتير بضر

عادل خياري كتب:

صديقي الجميل عثمان ابوشيبة
احقا هذا انت
فرحة عامرة غامرة دخلت فينا تش وماقالت كش عند دخولك الموقع ولانو عمر الفرح دايما قصير (العضم الكبير البختوه للابو) وقصير اقصر من المسافة الزلطية بين الفريجاب والهدى علمنا من مصادر انك ماقادر تدخل وحتى مشاركاتك بتدفعها لي زول يكتب بي اسمك يعني قلمك برضو ليه دافع
بس ان شاءالله المرَة ماتقراها المراة حلو حلا
المرَة دي تكون انت حقيقة ماخيال علمي عشان الكلام معاك بختلف من القلم الليه دافع
المهم ل حين ميسرة ح ارجع ليك لما اعرف انو ده انت ولا ماانت
تجدني ارحب بك بكل لغات الترحيب الخفية على العامية مية مية

صديفى العديل عادل وينك انت انا يا هو انا (منتت) مع عوض الله وكان هذا (خيارى)
والنفوس كان اطايبت الموبايل بشيل شريحتين بس ما تقول دخلت لى شريحة مع اننا من الشرايح الفقيرة وشرحو فى بطنو.

طارق مامون كتب:

الدفع ذاتو أنواع .. حدد نوع الدفع.. دفع آجل دفع عاجل دفع بالبطاقة الإتمانية .. ياتو فيهم ..

الاخ طارق طرقت الباب حتى كلا نتى
ولما كلا نتى كان ردك بردا وسلاما
اطفأت نار شوفى لك ،تحياتي وسلامي
كتير ذي الريحة في الفتيل والفتيل ما بشيل كتير كتير العوامرة.

علاءالدين عبدالرؤوف السني كتب:

يمكن دفع أمامي يا طارق

الرد السمين على علاء الدين ازيك يادفعة ، قالوا لمن جيت تخش النت لبست احسن بنطلون عندك.لبست ولاجابو ليك . انا غايتو بعد دا خليت قلب الشارع فضيت للمنتدى داير لى فيهو (مربوع) القامة وكافتريا ناصية انتظروني، ماتقول لي بنتظرك خائفين منك.

محمد الطيب ابراهيم كتب:

سلام الاحباب ابو شيبه عندو بطاقه تامين صحي ربع القيمه ما بدفعها
بملح والملح الكتير بضر

اخى محمد طيب بطاقة تأمين ولامين،الزول كان جاء المستشفى بتقول ليهو (نعل مافى عوجة)
ات المنتدى دا ادوك فيهو زاوية،
بالمناسبة واحد سأل الصيدلي . عندك شريط بندول .قال ليهو أيوه
رد عليهو : شغلو لي.

ايها الرجل الجميل لك التحية والتقدير
ادفع بقلمك والله معاك

أبو شيبه_ياملك السربعه والتضاد__والضد يظهر حسنه الضد(ماضدي حاج الماحي) _البوست توووش_مهجور وتقفيلتو إتفكفكت_بعد دا بتسكن_ أوعا تخشو توووش أعمل رقيه أول_
اها بدل تمشي الخرطوم للنشر
جاك في محلك دلفري

عادل خياري كتب:

صديقي الجميل عثمان ابوشيبة
احقا هذا انت
وحتى مشاركاتك بتدفعها لي زول يكتب بي اسمك يعني قلمك برضو ليه دافع
القلم الليه دافع
المهم ل حين ميسرة ح ارجع ليك لما اعرف انو ده انت ولا ماانت
تجدني ارحب بك بكل لغات الترحيب الخفية على العامية مية مية

سلام عادل غايتو ياهو(وهوت ميل)
ابو شيبة ذاتو بس ذى ماقال ليك
خطو ماسمح اشان كدى بكتب ليهو
واسى قرب اعادينى .

ابوشيبة

سيد الضحكة والحوش الكبير والقرقرابة

والقرقريبة قريبة زى ناس العقد

وعقد الفرحة بجى منك ... وماشى ليك

اها

انا جبت طوبتى

وحجوووووووووز

بس ماتطولوا الغيبة

تعال بسربعتك المعهودة

وحضورك الانيق

القلم لقينا واقع ستة شهور ضايع ماتغيب كتير المبدع ابوشيبة وكان ضربتك ماسورة الماسورة ليها رافع ارجع ارجع يازول ارجع غير بلدك ماليك مكان

ابو شيبة ازييك عاديتنا بالانقطاعة الخفيفة ولى كم

يوم كدا ما نتت ! وطبعا زى ماقلت القلم ليهو دافع

دافع خالد ؟ ( هييييى يكا ) وزى ما قال طارق

مامون الطماطم والشطة مواسم فرح وحكاية حبتين عند

اللزوم دى كويسة معاكم لانو لو بقت شٍرٍاكة

بالتشديد حاتبقى مواسم زعل !! اها الدرت كيف ؟

انشاء يصح عشان دفوعات القلم تكون بردا وسلاما

على المنتدى ومايشهد انقطاعات يعنى تسدد فاتورة

القلم بدرى !!.

أها ياشيبة ..

ما ظهرت ليك كم يوم كدا.. سمعت ولا دفعوا ليك ؟؟..

يااستاذ ابوشيبة
شكل المنتدي بولع بقدومك الميمون
ولو ماخففت الدفع وقرط شوية سيضرب المنتدي فيوز
الحاجات الخفيفة والظريفة والطريفة
بطلع الناس من لخمة الحياة والجري والمساسكة لرحاب
التمتع بالحياة والنظر للامور بزاوية مختلفة ممزوجة مابين الانبساطة (كدي صاح)والتبسيط ووضع الحاجات في الاطار اللائق والمعاينة لبكرة بعين الرضا من الليلة مع بعض التحديرة (كدي صاح )لامس واول امس
فالطرفة لاتعني باي حال من الاحوال العبث والخروج عن المالوف وانما مكمل لاهم جوانب النفس الانسانية خاصة تلك التي تاتي من بيت الكلاوي وتضحك من الاعماق لتشفي قوما مرضي
فلك التحية وانت تحرر ورشتات بالمجان لقضايا جادة في ثوب اكثر جدية وواقعية
بس مافيش مربوع (قطعة ) الا بعد موافقة ودالسني المكتوبة ولكن موضوع الزاوية ممكن ينظر ويفاد من قبل ادارة المنتدي
ياناس المنتدي الموسسين والقدامي ابوعشرة علي مرابيعكم القصة شكلها جابت ليها ناس متمرسين وجاهزين
واليكم والخروج من الشبكة
ودي طبعا وصية للناس البتلي
ودي مناسبة للاعتزار عن عدم الدخول في الفترة السابقة واحتمال تتكرر
لكم ودي
ودالامين