نطلب من اخونا في اداره الموقع وجود ممثل من لجنه الخدمات المشتركه بالهدي حتي يكون رابط بين المنتدي و بين اللجنه للمساعده في حل المشاكل وتقديم الخدمات للهدي٠

تم احالة الموضوع للعام لمزيد من النقاش
والاراء حيث ان موضوعك حيوي ويخص مشاكل الهدى العامة
نتمنى ان يجد حيزا جادا من النقاش باستفاضة
الموضوع كان في منتدى الاقتراحات والشكاوي الخاصة بمشاكل المنتدى سهوا

الباب مفتوح لكل ابناء الهدى من اجل
الهــــــــــــــــــــــــــــــــــــــــــــــــــدى

ابوضحى
كلام مئة مئة
على الاقل عشان نعرف نحن واقفين وين
على قول واحد صاحبى انت بتعرفوا

الاخ الحبيب الكابتن تركى
لك التحية والود..
عهدناك..حريصا على
المساهمة القوية فى العمل العام..
ولك الشكر على هذه اللفتة
البارعةجدا والتى ستدفع
بنا للامام محدثة نقلة
نوعية خاصة فى العلاقة
بين الناس الحايمين برة ديل
والبلملموا فى الدولارات واليوروهات والفرنكات
والريالات والدينارات والدرهمات
واشتروا فى الحاجات شئ ارضى
وشئ حواشات ودكاكين وكمان عربات
واجنس استثمارات..فى الشهادات
وفى ناس فى البنوك فاتحة حسابات
..خلينا نطلع منهم
مساهمة او ضريبة عديل كده
ما كنا بندفع لترعة الرهد وكنانة
ودمغة الجريح ودمغة الشهيد
والفضائية السودانية وخدمات المغتربين
ديل كلهم ما احسن من الهدى الوطن الام
خلونا ندفع حسب ..
حسب الدخل..لانو بصراحة كدة حتى الان
دور مهاجرى الهدى يكاد ان يكون غائبا
فى الشكل الجماعى..الا على مستوى الافراد
وزى ما بقولو ايد على ايد تجدع بعيد
وانا اقترح ان ينضم للمنتدى كل اعضاءلجنة الخدمات المشتركة
واقترح ان تتم دعوة دورية لرئيس اللجنة..والسكرتير العام
وامناء الامانات المختلفة للمنتدى وان نتناقش معهم فى كل الامور
المتعلقة بالهدى..ويقوموا بتنويرنا..وزى ما بقولو..
وسمح الكلام فى خشم سيدو..
وانا هنا اقدم الشكر الجزيل جدا
لكل ابناء الهدى..
الخيرين الذىن لم يبخلوا عليها
وقدموا الكثيروالكثير فى غير من ولا اذى
وما زالوا يقدمون..ومنهم من يقدم بيمينه
ولا تعلم شماله..فلهم منا الشكر والعرفان

رغم قناعتي بان اي موضوع داير تغطس حجرو سولو لجنة ولادخل فيهو لجنه لكن ادعم هذه اللفته من اجل الغالية الحبيبة نجنب كل القناعات والهواجس ونقول عديلة وزين
ونسمع ونقرا ونشوف وكل زول يدفع قدرحبو لامو قبلة الانظار

التركي صاحب الفكرة الناس دي منتظراك بتعليق او تعقيب
وين انت
ولا ااااااااااه يكون مشيت تجيب ناس اللجان عشان ينوروا الناس
سمح اها منتظرين بس ماتتاخر نحن ماشين في البوكس الطالع الحصايصا ده بعد شوية

اولا نشكر كل اخونا في المنتدي داحل وخارج السودان للرد في هذا الموضوع وبرشح اخونا عوض الله للابصال بالاخ علي جاموح او الصادق السني وشرح لهم الموضوع الذي تريدون مناقشته لاني يااخونا عادل انا في الخرطوم وشغال معاكم بالموبايل (قدر ظروفك)

هذا الاقتراح جميل جدا وكنا عايزين نصبر عليه شوية عشان نلم اول حاجة أبناء الهدى كلهم فى هذا المنبر العام .. مرات القروش بتشرد الناس
نحىى الابن البار فتح الرحمن التركى وعجبتنى جدا حكاية قدر ظروفك دى
وأى حاجة تخلى الزول يتواصل مع الناس فهذا جيد