اكتبوا لينا عن الظرفاء
الذين يجملون الجلسات
والمناسبات ويدخلون البهجة
والسرور والنفوس
والذين لا يمكن لذاكرة المدينة
ان تسقطهم

هناك اسر اشتهرت
باطلاق النكته او المزحة
او التعليق الساخر المحبوب
مثل اسرة اولاد خلف الله
الامين وعطا المنان
والصديق ومهدى..
ومن النكات التى تروى عن جدنا خلف الله رحمه الله
كان لامؤاخذة بتنقل من مكان لمكان على ظهرحماره
وكلما يقابلو زول بعرفو اسلم عليه
حبابك يا فلان والحمار طوالى يقيف
وياخد ليهو خشم خشمين ويواصل
وهكذا كل يوم..
فى يوم الحمار وقف لى زول ما بعرفو
فقال للحمار والله ده الا كان بتعرفو انت

روى لى حامد محمد نور
وكان جدنا خلف قليل الشوف
وحامد جاب لجدنا جبنة وقال ليهو
جدى خلف الله هاك امسك
قال ليهو شنو
حامد قال ليهو(جبنه)
جدى خلف الله قال
سبحان الله اجى ابنى وما يكلمنا
ههههههه

روى لى الصديق خلف الله
قالى كان ابوى لمل امشى الجامع بمر على واحد من اصحابو
وبمشوا مع بعض
وقبل صلاة العشاء دق الباب لصاحبو
وفتحو ليهو ناس البيت وقالو ليهو ابوى جوة
ودخل لقاهم بتعشوا
عزموه فال ليهم اتعشيت
صاحبو قال ليهو
كدى شوفها
ابوى قال ليهو
شايفها وشايف القمرة فوقها(العشاء كان كسرة بى موية)
هههههههههه

من الاسر التى اشتهرت بالظرف ايضا
ال الشريقاوى..
فى وفاة المغفور له باذن الله عمن المامون والد طارق وبلال بالطائف
التقيت الاستاذ شيخ الدين الشريقاوى بعد غيبة
وسالته يا استاذ وينك طولت من الهدى
قالى والله اشوف
انا نقلت كفالة مرتين
قلت كيف
قالى نقلت كفاله من الهدى لام عضام(يقصد بنى بيت وسكن فى ام عضام اهل زوجته)
ونقلت كفاله من ام عضام للخرطوم(يعنى ترك ام عضام وسكن فى الخرطوم)

من الاسر التى اشتهرت بخفة الظل
اولاد عبد الحمن ود الطيب ود الريح
الصديق(الملقب بجلواك)
وحسن واحمد وبشير
عندما كان احمد فى بيشة اتصل على
وبع ما تونسنا قالى
امى طالبة ارسل ليها تلفزيون بالريموت كنترول(كان ذلك قبل دخول الكهرباء)
تانى قالى ياخى انا عندى اقتراح
قلت ليه اتفضل
قالى عوزين نعمل دعاية زى بتاعة حليب السعودية والمراعى فى تلفزيون السودان
قلت كيف..
قالى نجيب واحد يحلب فى البقرة..ونقول لبن الهدى
ونجيب واحد اكب الروب من السعن فى كورة ونقول روب الهدى

من الاسر الظريفة وصاحبة النكته
اسرة الخياراب الممتدة
حكى لى الحبيب صديق المهل
قالى كان فى بارتى فى حوش احمد خيارى
وبعد شوية دخل احمد زد خيارى والحاج فى بيعة
قالى كان تشوف ..لا مواخذه الدحش جوة البارتى
واحمد يحلف على الحاج..
حرم كان تجربو
ههههههه

لك الشكر الاستاذ زياده
ولا يفوتك الطرفه احمد محمد البشير
ذكره انه ذبح خروف
فقال الراوي
اخذنا قليل لي زوجة حمدالله
ثم قليل لي جابر معاهو ضيوف
ثم قليل
ثم قليل
اخيرا غضب غضب شديد وقال
والله الحوامه الحامه الخروف دا ميت ما حامه وهو حي
:
:

الاخ زيادة
كل التحايا والود حتى لايبقى لهما متسع
من الاسر الظريفة
على امتداد الهدى هم كثر

واذكرك بعمنا (الزوين )له الرحمة
عصام لديه الكثير عن ابيه اتصل به ولن يبخل
هو فى الجنوب( بيشة )
وقول ليه الوالدة مرسلة ليك اللابرى والويكة لانى علمت ان رطل الويكة 20ريال - واشاء اخر بعرفها هو

وبمناسبة الروب ياخى سلم لى على حليب(المراعى )

وايضا اذكرك - بعصام الفاضل
لديه الكثير عن حكاوى ظرفاء الهدى

ودمت \ مهند

الاحباب الاعزاء
من الاسر والتى اشتهرت بخفة الظل
ولطلاق القفشات والنكات
اسرة اولاد السراج
وهى ايضا اسرة فنية
يروى هذه الطرفة عطا المنان خلف عن صديقه
الهدى الفاضل على
وكان وقتها عازف الطبل فى فرقة ثنائى الهدى
والتى يغى فيها عطا والامين
يروى عكا ان احدى جارات ناس الفاضل على
طلبت منها(كرة دقيق)
فاعتذرت لها الخالة زوجة عمنا الفاضل
وقالت لها
(انتظرى لما اجى الهادى من الطاحونة انحتو ليك)

الاحباب الاعزاء
كل عام وانتم بخير
من ظرفاء الهدى اولاد المصباح ابراهيم
يروى محمد المصباح(اب عضل)
ان رجلا مسطولاقد صعد الى اعلى مئذنة المسجد
ورفض النزول وقد باءت كل محاولات الحاضرين بالفشل
وكل ما حاول واحد معه يزداد عنادا
واخيرا حضر رجل اخر مسطول
وسال عن الحاصل
وحكى الناس ان الرجل رفض كل النداءات والرجاءات للنزول
فصاح فيه
يا اخينا تنزل ولا انفسه(بفتح الاف والنون وتشديد بالكسر على الفاء وفتح السين)
فنزل الرجل

لك التحية العم زيادة
ايضامن ظرفاءالهدى اسرة عبدالعظيم ودالحسنابي
بشيروعبدالقادرحركة
من الطرايف كان بشيرفي ليبيا مع احمد المصباح
جوماشين في عماريصوبوفي الاعمدبتاعة
قال بشير لي احمدعاين دي دايرة سنة عشان تتم
اهلك الصباحاب يبنوة بالسريق سريع سريع يقولوا الدنية فانية

من الظريف عمنا خلف الله عطا المنان زمن الفردي جي المكتب بدري وحواشتو ما انتجت قطن وبداء المفتش بيندهه في المزارعين فلان الفلاني وعمنا خلف الله فطو اسمو لانو ما عندو صرف ركب الحمار ومشي لاقاهو واحد سالو ياعمو صرفت كم قال ليهو والله كان ما اخر بيت عتر للمفتش كان مرق في ترعة السديره بيقادي .

من طرائف عمنا خلف الله الله يرحمو زرع قمح كم سنه ما نجح سالو واحد يا عم خلف الله السنه دي ما داير تزرع قمح قال ليهو والله يا ولدي كان نور لقيمات ما بزرعو..

الاخ/ ابو محمد
لك التحية على هذا البوست البهيج .. ولكن اين من الظرفاء عمى التلب عليه رحمة الله فقد كان فى حديثه ظرف وفى هندامة ظرف وفى مشيته ظرف ..
ذات مرة ذهبنا لى فاتحة وكان معنا وما ان وصلنا وشلنا الفاتحة , ذهب يسلم على الاهل فتأخر كثيرا وعندما عاد وجدنا قد فطرنا وشربنا الشاى وركبنا البص ومنتظرنو بالدفتر قلنا ليهو بعد دا زمن مافى سجل فى الدفتر واركب فتلفت يمنة ويسرة وقال : اكتب محمداحمدالتلب لا أكل لا شرب ..
ذات مرة دعاه الاخ على عيد لكوتشينة وقال ليهو انا عازمك وبجيب ليك المعلمين وهم ابراهيم عيد وبله جاموح
ولعبو وست واداهم إسنة .. قال ليه ديل المعلمين ؟؟ ياخى ديل معلمين الله ..

يحكي عن محمد المصباح انه كان في جدال مع احد السعوديين فقال له السعودي انتو ماعندكم فهم تحضرو من السودان لزيارة قبر الرسول (ص) فرد ودالمصباح قائلا الرسول لو مات عندنا كان الفراش لسه مارفعناه

عمنا ودالحسن التقي بي ومعي ودالبشير فبعد تناول بعض الحديث قال لي ودالبشير اتخرجت من ياتو جامعه فرد من جامعة الفاتح اه انت ياودعبدالرحمن فرديت السودان فقال السودان جامعاتو كتيرة ياتو جامعه.....

في مناسبة لحاج دفع الله كنا انا والبر علي الدفتر فقال لي البر انت تمسك الكراس عشان خطك فحضر عمنا التلب الله يرحمه فقال لي :خطك شين يا ابني قلت اتخارج كيف ...فقلت له صاح فقال :طيب فارض نفسك ليه ...

في بداية رمضان كنا حضور في انتظار الأذان فقال احد الجالسين نشرب ونصلي وقال اخر نشرب وناكل ثم نصلي فقال عمنا خلف الله ياجماعه الصلاة مابتاكل غنمايه .......

بالمناسبة اخونا اسماعيل النور متخصص في طرائف عمنا التلب والطريف ايضا يحفظها بالارقام بعني ان تذكر له تلب 14 وهو يسرد لك مباشرة الطرفة فيا للتوثيق اخي زيادة لكم هذا يمثل ذكري للزمان والمكان والانسان ....فلك مني كل المني