ياسلام عليكم أنتو لما تتلمو ...تتزاحم الأفكار ...تتلاقى الرؤى .. وتتوارد الخواطر والكلُ يتنافس في عشق الهدى غبتُ عنكم فترة ما شاءالله عيني باردة الحوش اتملى والأفكار تجنن أسعدني بوست لله يا محسنين وكفاية يا أمة والشجر وجمعيات الاحياء وترقيم وتسمية الشوارع وياسلام عليكم انتو وياسلام على المنتدى اللماكم وياسلام على الهدى ال....
إخوتي دعونا نرتب أمرنا حتى لاتتشت جهودنا نقسم انفسنا لمجموعات ونوزع المهام والتكاليف في شكل مشروعات رايكم شنو ؟مثلاً مشروع محو الأمية التقنية ود مدثر وحسبو وعوض وكل من يأنس في نفسه الكفاءة ، مشروع التشجير ودالياس ووليد و..و.مشروع جمعيات الأحياء د خالد وحسبو و..و.ومشروع تسمية وترقيم الشوارع هيثم وعلاء الدين .المدارس وغيرها من المشروعات .والشاطر يسبق اخوه .واصلو ما نقول واحد بعد واحد لا لا الحمدلله نحن كتار والفهم كبير وعالي وراقي والهمة تناطح في السحاب وعشان المراد تتعب الأجسام ..

الاخت مسرة الفكرة ممتازة ولكن اقترح نجتمع كلنا في مشروع واحد ونتهي منو ونمشي لبعدو واول مشروع1/ محو الأمية التقنية2/ مشروع التشجير 3/ومشروع تسمية وترقيم الشوارع , وقبل دا نكون الجمعيات في كل الاحياء عشان تتولي هذه المواضيع ,
يعني نقسم الشغل علي الجمعيات في الاحياء ويكون هناك تنافس ,

ما احلى اللمة فى رحاب الدوحة الظليلة هدى المتقين

وما احلى الانس فى رحابها وكيف لهذا الانس التلقائى ان

يصبح دردشة عمل تتولد الافكار والبرامج الطموحة ..

وبيناتنا نائب نشيل ونعلق ليه المشاريع فى كتفو

وعليهو بعد كدا يباصر الدريبات ونحن معاه

الاخت العزيزه مسره
الطرح ممتاز ويجب ان لا ننتظر انجاز مشروع بعد الاخر بل يجب ان تقوم كل الاشياء في وقت واحد اذا امكن لازكاء روح المنافسه وماشاء الله الهدي ليست ساهله بها ما بها من الشباب ويجب ان يتم تأهيل الشباب وتدريبهم علي العمل العام حتي يصبحوا قيادات في هذا الوطن الغالي وليس للهدي فقط وحان وقت صقل قدرات أبنائنا واظهارهم بانهم قادرون علي القياده وليس الانقياد فتقسيم العمل الي لجان شيئ مهم ولكن اقترح ان يختار كل شخص العمل الذي يجد نفسه فيه ويمكن ان يقدم من خلاله الكثير حسب امكانياته واتمني شاكرا الاعتماد أكثر علي الشباب وخاصة شباب الداخل (المتواجدون داخل السودان) لارتباطهم الكامل بكل جديد ويمكن ان يقدموا حلول فوريه ولحظيه.والله الموفق ولك تحياتي

سلام لكل المتداخلين
ما احلى الكلام وسهولة القول المنمق
لا اقول اسمع جعجعة ولا ارى طحينا
ولكن اين ضربة البداية والتي اسهلها
بيد ولدنا وليد وهي تحليل عينات التربة والمياة
وبعدها لكل حادثة حديث
والاقتراحات المطروحة يمكن ان تعمل جنبا الى جنب
ان نقوم بتكوين جمعيات الاحياء ويمكن ان نترك لها مسالة ترقيم الشوارع
المسالة ماصعبة للدرجة دي لكن عايزة الصبي البدق سدرو ويقول هاانذا ابدأ وارجو الانميل الى استعراض الكلمات والاقوال بل الافعال
وفقكم الله لما فيه خير الهدى

الأخت / مسرة
لك التحية وأنت تفعلين الأحباب وتثرين النقاش بما ينفع الناس
ولك التحية وأنت تنظمين وترتبين الصفوف وتوحدين المجهود والآراء والأفكار
وأرى من وجهة نظري ومن تجربتي البسيطة جداً أن هذه تمثل أس القضية في العمل الطوعي والعام
وأقول للأخ / عادل خياري ناس الهدى فيهم خير كتييييير وتنقصهم فقط المبادرة
أنت بس تبدأ مشروع وبعد كدى شوف والله بخلوك تتفرج بس ، أرجو ألا تستعجل الأمر
فكل ما تشرع في عمل خيرتكتشف كوادر تنفيذية جديدة ، وأدوات وآليات جديدة تدهشك
ولا تخشى أبداً من أمر يوكل إلى الأخت مسرة أو الأخ / الصادق السني أو الأخ الدكتور / خالد أرباب
لأنهم جميعاً يعملون وفق رؤى وأفكار مستنيرة وينفذون عبر خطط وبرامج عمل
كما أنهم بفضل الله يجدون قبولاً كبيراً وسط أهل الهدى ، وناساً مجربين تب
وإشارة لموضوع القتال في كل الجبهات أضم صوتي للأخت مسرة والأخ صديق خالد
مع احترامي الشديد لوجهة نظر إبني الهمام هيثم ، لكن أرى أن تطرق المواضيع جميعاً
وطرح تناول مثل هذه الأمور بالتوازي أجدى منه على التوالي حتى لا تفتر الهمم
وسأعود بعد صلاة المغرب إن شاء الله 

الاخ علاء لك التحية وشكرا على بعث الامل

اقتباس :

وسأعود بعد صلاة المغرب إن شاء الله

اها الصلاة انتهت ربنا يقبل
وين انت

السلام للكرام
تقبل الله منا ومنكم صالح الأعمال
طبعاً بعد صلاة المغرب رجعت للحبيب/ عادل خياري في التلفون
تداولنا نفس هذه المواضيع المطروحة لا أقول للنقاش بل لوضع خطط العمل والتنفيذ
ود خياري دا زول مسكون والله يا أحباب
لكن ما بالجن
بحب الهدى والغيرة عليها
كما الأحباب جميعاً والحمد لله
.....
من هنا برسل تكليف للأخ / حسبو بمتابعة تكوين بقية جمعيات الأحياء الخيرية التى لم تكون بعد بالتنسيق مع د. خالد أرباب
حتى لو اضطرهم الأمر السفر للهدى لو المتابعة بالتلفونات ما كفت يمشيو في لأقرب فرصة يلقوها
لأنو يا أحباب بفترض أن الجمعيات هي فرس الرهان لكل هذه الأعمال الجليلة ، والعمل المنوط بهذه الجمعيات كبير جداً وكتير جداً ،
حيث أن نجاح باقي المشاريع المطروحة إلى حد كبير مرتبط بنجاح تكوين هذه الجمعيات
......
وبرسل تكليف ثاني للأخ / حسن الصافي بمتابعة موضوع العينات فوراً ، بالتنسيق مع الأخ / السني والباشمهندس وليد التلب
ووضع برنامج عمل لموضوع التشجير ، لا سيما وأن هنالك عملية حفر تجري لبئر في حي التعاون ويتابع أعماله مهندس جيولوجي
.....
وبرسل تكليف للإخوة هيثم ، عوض خياري ، وعبد الرحمن مدثر بالتنسيق فيما بينهم ووضع خطة عمل
لإنفاذ مشروع محو الأمية التقنية
.....
وبرسل تكليف آخر للأخ / الصادق السني أن يشرع لينا في مشروع تسمية الشوارع والترقيم
بصفته كأمين عام اللجنة الشعبية ، أو كمندوب جمعية الهدى الخيرية المقيم ، وبالتأكيد بكون عنده
ملف سابق قريب من الموضوع دا ، المهم لو ما كان عندو يعملو طوالي
.....
وبرسل تكليف للأخت مسرة بالمتابعة اللصيقة لهذه المواضيع ، ووضع برنامج مكثف للعيد
يعني يا أحباب عطلة العيد تطلع منها صلاة العيد فقط والباقي يكون كلو شغل
والله نسأله أي يخلص النوايا ويكلل مساعي الخير بالنجاح
ودمتم ذخراً للهدى
أبو هدى

علاءالدين عبدالرؤوف السني كتب:

السلام للكرام
.....
وبرسل تكليف للإخوة هيثم ، عوض خياري ، وعبد الرحمن مدثر بالتنسيق فيما بينهم ووضع خطة عمل
لإنفاذ مشروع محو الأمية التقنية
.....
ودمتم ذخراً للهدى
أبو هدى

ابشر ياحبيب طبعا الموضوع بتاع الامية التقنية دى هاجس بالنسبة لى
واعتبرو ضربة بداية
انا حاقوم بهذا العمل بالاجهزة المتاحة
في المدارس ونبدا بالمعلمين والطلبه
وبحاول اشوف لي جهازين ابداء بيهم في نادى المشعل وبالتوفيق ان شاء الله.

]quote]ابشر ياحبيب طبعا الموضوع بتاع الامية التقنية دى هاجس بالنسبة لى
واعتبرو ضربة بداية
انا حاقوم بهذا العمل بالاجهزة المتاحة
في المدارس ونبدا بالمعلمين والطلبه
وبحاول اشوف لي جهازين ابداء بيهم في نادى المشعل وبالتوفيق ان شاء الله.[/quote][/quote]

بشرك الله بالخير ونحن واثقين منك ياحبيب عوض
بس قلنا دايرين العمل يكون منظم عبر اللجنة
ويعمل ليه خطة بالتنسيق مع الإخوة المكلفين معك في اللجنة
والله ما قصدنا البيروفراطية والتطويل بقدر ما أن التنبيه كان لتنظيم العمل
وإشراك أكبر قدر من الأحباب وتوسيع الماعون حتى نضمن استمراريته وزيادة موارد الدعم
وانت براك (أدها وأدوود)
فجزاك الله خيراً[quote]

الحركة مطلوبة
واليد الواحدة مابتصفق
وانا الحمدلله الان متحرك
في حدود المستطاع
وذى ماقلتا الشغل لمن اكون
مدروس ومقنن بتضمن ليهو
الاستمرارية.
واشان ماتبقى فورة لبن ياريت
الناس تنسق وتخطط .
والتخطيط السليم مفتاح النجاح
لكل المشروعات .
وعلي بركة الله.

الاحباب عادل خياري و وعوض و وود مدثر والخال علاء الدين , لكم تحية والله فكرة تكليف دى جميلة شديد وبتسهل العمل ويلا يا عوض ويا عبد الرحمن نبدأ و ننال شرف السبق يا عوض ويا عبد الرحمن اهم حاجة هسع المقر والتأسيس وبعدها نشوف الأجهزة انا مستنيكم نتشاور

يا عوض المدارس هل فيها أجهزة حاسب هل يدرس منهج علوم الحاسوب ؟

هيثم إبراهيم محمد الشيخ كتب:

الاحباب عادل خياري و وعوض و وود مدثر والخال علاء الدين , لكم تحية والله فكرة تكليف دى جميلة شديد وبتسهل العمل ويلا يا عوض ويا عبد الرحمن نبدأ و ننال شرف السبق يا عوض ويا عبد الرحمن اهم حاجة هسع المقر والتأسيس وبعدها نشوف الأجهزة انا مستنيكم نتشاور

زين يازين والمقر مقدور عليه
شايف عمنا حسبو اقترح بابور النور

سلام يا أحباب
كل عمل يحتاج لتنظير قبل البدء بأي خطوه ونقصد بالتنظير التخطيط السليم ويا ليت التأني يكون موجود قبل تنفيذ أي عمل لأن التنفيذ يجب أن يكون وفق ما خطط له وبناء علي التخطيط السليم يمكن المحاسبه ان كانت هناك اخطاء( من أجل تدارك ومعالجه أسباب التقصير) لأن التسرع (وليس الأسراع) في العمل قد يؤدي الي ظهور اشياء ما كانت منظوره وتخلي الناس يرجعوا للوراء اكثر من التقدم. وعندما سئل احدهم ما الذي أخرك.قال أني تسرعت.
محو الأميه التقنيه مهم ومحو الأميه (القراءه والكتابه) أهم.وكل عمل يخص الهدي هو أولويه وكل عمل ينفذ أكيد له أهميه ووقع خاص في نفوسنا.
وفقكم الله
ولكم تحياتي

(هيا نعمل للوطن يلا ما نضيع زمن)
فلتكن شعارنا
ضع الوطن امام حدقات عيونك واعلم أنك محاسب علي ضياع الوقت واستفيد منه في خدمة أهلك وأحبابك.
وكما يقول أهلنا (فاقتك عين بيها عدوك) فما بالك بأهلك يا أخي.

هيثم إبراهيم محمد الشيخ كتب:

يا عوض المدارس هل فيها أجهزة حاسب هل يدرس منهج علوم الحاسوب ؟

يا سيد المدارس منهجها نظري يعنى اشبه بالتاريح او تاريخ فعلا يعنى عملي مافى.
اما الاجهزة اي مدرسة فيها ذي 3 اجهزة ودائما بكون مستقل جهاز واحد في الاعمال الادارية.

[b](هيا نعمل للوطن يلا ما نضيع زمن)
فليكن شعار المرحله القادمه

ياسلام عليك انتي لمن تتذكري انو في منتدي للهدي
وترجعي من زحمه الشغل اللي ما بتنتهي
وارجعو تنورو من تاني
حتي لو في الشهر مره
بس انقطاع زي ده ما بنقبلو تاني
وما تقولو مجلس تشريعي
اهاااا ماتخلينا نخش في السيايه ياخ
ههههههههه

ياريت بدل التقسيم تكون الاولويات اولي

وأخيرا ظهرت مسره برؤاها الثره__الاخت مسره والاخوه علاء_عادل_عوض_صديق_هيثم__أناعجبني تقسيم المهام وبدل الافكار تكون حبيسة الاذهان نكون عمليين وواقعيين_ونحن في الهدي حضور وجاهذين للنفرات وتسلموا

شنوا يا أحبابنا الموضوع ما يبرد
يلا ورونا عملتو شنو في التكليفات

الخال علاء سلام وكل الاحباب سلام
بالنسبة لمحو الامية التقنية طبعا كل عمل يحتاج الي المال و التخطيط , تقريبا الاخوان اقترحو المقر , بابور النور , او خلاوى جدنا ود مدثر عليه الرحمة , باقي الاجهزة , تقريبا متوفر جهازين , ولدنا المعز , واخونا عبد الرحمن , مشروع ذي دا أقل حاجة لازم عشرة أجهزة اليوم قمت بجولة في شارع خالد بن الوليد أكبر سوق كمبيوتر في جدة اقل جهاز وبمواصفات جيدة ب 1200 ريال تعادل 864000 سوداني ( عشرة اجهزة ب 8640000) ويلزمها توابع من محول شبكةو وصلات وغيرها لو قلنا نبدأ بنصف الاجهزة بتكون نصف التكلفة هيا فكرو معي في كيفية التحصيل والدعم لهذا المشروع
ولكم تحياتي

بالنسبة لمشروع تسمية الشوارع بحمد الله جهزت معجم شامل لاسماء الصحابة والتابعين رضي الله عنهم , والادباء والشعراء و الشخصيات العامة و الحكام والولاة واسماء المناطق و المفسرين و المحدثين ( عندي فكرة بعرض هذا المعجم علي جهات تنفذه في المدن الكبري في الجزيرة حيث عدد الشخصيات التي في المعجم يصل الي 12000 أسم ) والمعجم يشمل الأسم و التعريف و المرجع الذي أخذت منه المعلومات مثل ؛- أدريس محمد جماع شاعر سوداني ولد ب ..... ودرس ..... وله دواوين ...
ثم ذكر المرجع مثل شعراء السودان لحسن نجيلة
تكون هذه المعلومات في قاعدة بيانات مفهرسة ومصنفة يسهل الرجوع الي أي معلومة , اما كيفية وضع الاسم في الشارع سوف يكون علي لوحة مستطيلة الشكل يكتب في الاعلي أسم الحي والاسم باللغة العربية اسفله مباشرة الاسم باللغة الانجليزية في الركن الايمن اسفل رقم الشارع في الركن الاسفل تصنيف الاسم بكلمة واحدة مثل صحابي , أديب , عالم وهكذا

يا أخوانا في المجموعات الأخرى اتحركوا شوية
أهو مجموعة التشجير أتبعت القول بالعمل ، وأرسلو رسالة بعثت الطمأنينة في نفوس كل المهتمين بأمر الهدى
وقالو نحن بنسوي
وأخوانا في محو الأمية التقنية عندهم تحركات قوية جداً على مستوى الترتيبات والتخطيط ، لكن لسه ما ورونا عمل
باقي ناس تسمية الشوارع والترقيم دايرين نشوف ليهم أي حطوة لي قدام
وفقكم الله جميعاً وسدد خطاكم في عمل البر والخير

الأخ حسبو أرجو أن تفيدنا في موضوع تكوين جمعيات الأحياء الخيرية
وتتحركوا كلكم على بقية الأحياء التي لم تكون جمعياتها عشان تقيفوا على المشاكل وتساعدوهم في الحلول

الخال علاء تحية طيبة بالنسبة لمشروع محو الامية اليوم سجلت زيارة الي معهد الخليج لتدريس الحاسوب وهو من كبريات المعاهد المختصة في هذا المجال بغرض الحصول علي منهج كامل ليكون اساس لهيئة التدريس المنهج يغطي 6 مستويات اساسية وبعد يكون الدارس قد حصل علي دبلوم حاسب , ونحن في طور المناقشة و المفاوضة , وبجهد خاص تحصلت علي برامج علي سي دي في الورد , أكسيل بوربوينت , فوتوشوب, ومع مراجع أساسية من مكتبة جرير والعديد من البرامج والمراجع تفيد من يرغب تعلم أساسيات الحاسب , ولو لا الحقوق الادبية لمعهد الخليج لقمت بتصوير هذه المراجع ونسخها و تزويد الاحباب بها حيث حقوق النشر و النسخ لهم
وباذن الله سوف ننجح في الحصول عليها دعواتكم معانا
ولكم تحياتي

يلا نعمل للوطن يلا مانضيع زمن نحن مادايرين كسل

يلا نعمل للوطن يلا مانضيع زمن نحن مادايرين كسل

بسم الله الرحمن الرحيم
الحمد لله الحمد لله الحمد لله الذى تم النعم لعباده
لقد تغيبت عن المنتدى نسبة لمشاركتى بمعرض الخرطوم الدولى لكتاب
والله طالت فترة غيابى عنكم لم افرح و اسر مثل فرحى وانشرح صدرى وانا أقراء فى المنتدى الذى اعشقه
عند قراءتى لبوست كان الجميع امامى فى اجتماع واحد ونتاقش هذه الافكار الجميل
واقول لاخوتى الذين كلفونى ( حملونى امانة كبيرة)
الله المستعان على امره سوف ابذل قصارى جهدى
انشاء الله الواحد الاحد سوف تسمعوا عن عملا قريب جدا
وعلى استعداد لى اعمل تامرونى به بتو فيق الله

الأحباب الكرام السلام عليكم ورحمة الله وبركاته
لكم التحية مجدداً
العيد قرررررب يا أحباب
وقد نما إلى علمنا أن كثير من الأمور تسير بصورة طيبة ، نرجو توثيق ما تم من انجازات
كما نرجو من كل جمعية إعداد برنامج للعيد ، وأيضاً المجموعات التي تم تكليفها بمتابعة بعض المشروعات
قصدت أن أنقل هذا البوست للصفحة الأولى لما له من أهمية

هيثم إبراهيم محمد الشيخ كتب:

الخال علاء تحية طيبة بالنسبة لمشروع محو الامية اليوم سجلت زيارة الي معهد الخليج لتدريس الحاسوب وهو من كبريات المعاهد المختصة في هذا المجال بغرض الحصول علي منهج كامل ليكون اساس لهيئة التدريس المنهج يغطي 6 مستويات اساسية وبعد يكون الدارس قد حصل علي دبلوم حاسب , ونحن في طور المناقشة و المفاوضة , وبجهد خاص تحصلت علي برامج علي سي دي في الورد , أكسيل بوربوينت , فوتوشوب, ومع مراجع أساسية من مكتبة جرير والعديد من البرامج والمراجع تفيد من يرغب تعلم أساسيات الحاسب , ولو لا الحقوق الادبية لمعهد الخليج لقمت بتصوير هذه المراجع ونسخها و تزويد الاحباب بها حيث حقوق النشر و النسخ لهم
وباذن الله سوف ننجح في الحصول عليها دعواتكم معانا
ولكم تحياتي

ماحاقدر اتكلم بوضوح هنا
لكن انشا الله تفهمني بس
ماتتقيد بالحقوق دي وخلي الهدي تستفيد

حسن اسماعيل كتب:

هيثم إبراهيم محمد الشيخ كتب:

الخال علاء تحية طيبة بالنسبة لمشروع محو الامية اليوم سجلت زيارة الي معهد الخليج لتدريس الحاسوب وهو من كبريات المعاهد المختصة في هذا المجال بغرض الحصول علي منهج كامل ليكون اساس لهيئة التدريس المنهج يغطي 6 مستويات اساسية وبعد يكون الدارس قد حصل علي دبلوم حاسب , ونحن في طور المناقشة و المفاوضة , وبجهد خاص تحصلت علي برامج علي سي دي في الورد , أكسيل بوربوينت , فوتوشوب, ومع مراجع أساسية من مكتبة جرير والعديد من البرامج والمراجع تفيد من يرغب تعلم أساسيات الحاسب , ولو لا الحقوق الادبية لمعهد الخليج لقمت بتصوير هذه المراجع ونسخها و تزويد الاحباب بها حيث حقوق النشر و النسخ لهم
وباذن الله سوف ننجح في الحصول عليها دعواتكم معانا
ولكم تحياتي

ماحاقدر اتكلم بوضوح هنا
لكن انشا الله تفهمني بس
ماتتقيد بالحقوق دي وخلي الهدي تستفيد

حسن السلام عليكم
ان كان هناك ما يمنع التوضيح فأرجو ان تبين ما تريده عبر رسالة خاصة
و لك الود

الاخت مسره
والاحباب في المنتدي
سلام
المبادرات المباشرة والعمل وفق برامج محددة
وتحييد لتكاليف بعينها لناس بصفتهم الشخصية ضربة معلم
فلكي الاخت مسره الفضل ولك شيخ علاء الدين ترجمة الافكار لاوامر وتكاليف التجلة
فلكما كل التقدير
انا اصنف نفسي مع مجموعة تسمية الشوارع ساكون علي اتصال مع ود السني
هيا نبلور من حواراتنا ونقاشنا وممحقاتنا برامج (عملية )ومشاريع ملموسة
نراها باعيننا
ودالامين