الشاعر :سيف الدين الدسوقي
رسائل

مافى حتى رسالة واحدة بيها أتصبر شوية

والوعد بيناتنا انك كل يوم تكتب .. الىّ

هل يجوز والغربة حارة بالخطاب تبخل علىّ؟

***

لما أخر مرة شفتك قبل ما أودع وأغادر

كنت حاسس أنى خائف إنى متردد ..وحاير

داير أتصبر أمامك داير أضحك ومانى قادر

بس دموعك لما فاضت ضيعت صبرى الشوية

وصحت موعدنا الرسايل وين رسايلك وين كتاباتك الىّ

***

وصرت بعدك يا حبيبى ذرة فى بحر الزمن

بعت للتجار مواهبى بعتها بابخس تمن

وحشة ما بتعرف رسايل وغربة عن أرض الوطن

بس أمل واحد بعيشه لو رسالة تصل ..إلى

بيها أطمن عليكم وتنقذ الموقف شوية