احمد عبدالرحمن الطيب سعيد جدا بالمنتدى وبتجمع أبناء وبنات الهدي عبر الشبكه العنكبوتيه ومتابع عن قرب كل مايثار بالمنتدي_بس غلبو الدخول_قال وهو صاحب نكته_جيت بي جنبه غلبني الدخول _ ملصت هدوم الجزاره قلت إمكن منتداكم دا نباتي برضو ماقدرت_أولاد هنونه ديك كسرتو ليهم الحوش_أحمد بحي كل الاعضاء وإلي أن يجاسف طريقه تدخلو _رعاكم الله_
ع/ أحمد عبدالرحمن

الدخول ساهل جدا بس داير ليهو
نص كيلو من الزمن.

حلوه نص الكيلو دي_ بالمناسبه القرع بدا يتقرع؟
أحمد عبدالرحمن رجل جميل_مبتهج جدا بالمنتدى__وعشان الدخول وكدا_محول ليك نص نص كدا_إنشاءالله الناس الدخلتهم يدخلوك الجنه_غايتو أنا وأبوشيبه بندخلك في ديون_

نرحب بيهو ترحيب ضاني سمين
ويا سراج قول ليهو ما تزوزي ساي الخياراب ديل مستننك بفارغ الصبر
وأهم شي تجي ليهم بهدوم اللحم وكان جبت معاك كلوة في جيب المريلة يكون ما قصرت
ويلا حبابك يا ود الخال يمين تخش

والله ضحكتني الكلوه الفي جيب المريله_لكن أحمد ماهين لو طلعت منو فردة كوارع يكون ماقصر_والخياراب برا أحمد دا مافي زول بقدر عليهم_هسا بسخن بره بره_ داير يعمل أرضيه ودراما كدا _
ونلتقي

كان فيها نص كيلو ابو شيبه اول زول بجيبوليكم

يا سراج مساء الخير ذكرتنا السوق والجزارة طبعا اخوك لمن يكون في السوق اللحمة والكبدة ملح من عمي محمد زين وكدا , لكن هاك تشكيلة الفريق دا
من سوق الهدي , احمد جبريل حارس مرمي قوى قوي و متوكل حسن حمد متوسط دفاع , صلاح العبد طرف يمين , رافع خالد طرف شمال , محمد السماني و صديق الخليفة ارتكاز , عبد الله الطيب السماني , و عبد الرحيم ببسي صناع لعب , الطيب الشيخ وعثمان الشريف هجوم , محمد الطيب طبيب الفريق وعلاج طبيعي , أحمد عبد الرحمن الطيب مدير اداري ومسؤل المعسكر , كباشي حكم وسط عشان الضرائب وكدا , غازي خياري للاعلام والاتصالات , باقي ليك الفريق دا ما بشيل كأس ويمسح الصفر الكبير
ولك تحياتي

الحبيب احمد عبد الرحمن الطيب
الف مرحب بيك
جوة وبرة المنتدى
وقد كنت تشكل منتدى للدراما والفكاهة
وتمشى بين الناس بضحكتك وابتسامتك ووتطلق النكات وساخر التعليقات
ويا سراج قول ليه الدخول ساهل
بس ركك على شوربة ضان
من الفخدة وسن البرك
بتلقى نفسك متحكر
وسط المنتدى

مرحب احمد الطيب احمد الطيب وابوشيبة وصديق عبدالله كان دخلو نحن بنجيب ودالجراد ومعاهو اي شريقاوي تاني بننقدر ياسراج