الكمبيوتر له فوائده التي لاتحصى للبشرية وتزداد اهميته يوما بعد يوم ويزداد التطور واستخداماته واحتياجاته
مالفت نظري وانا استمع لاخبار الثامنة مساء بتوقيتنا الواشنطوني ماعارف عندكم كم حسب مراعاة فروق الوقت ماعلينا
المهم في الاخبار انو برنامج ايران النووي سيتاخر لمدة لاتقل عن ال3 سنوات وذلك للعطل الذي طرأ على الكمبيوترات والتي من المفترض ان تعمل بطريقة معينة لانجاز البرنامج النووي في فترة محددة وحسب بقية الخبر من المصدر wtop ان اسرائيل ارسلت فايروس لتلك الكمبيوترات مما ادى لتعطيلها
يعني يا آر بجي تجي ولا ماتجي مامهم الزمن دة
والرجالة مابقت عضلات تبش مخ تبش

يا ود خياري
التكنولوجيا دي بتاعة كل شئ في العالم المتقدم
ونتمني أن تكون كذلك لأجيال السودان القادمه اما الآن فنحن محلك سر والحكومه الالكترونيه ما زالت كالمدينه الرياضيه تذكر كل خمسة سنوات لأنها مدرجه في الخطه الخمسيه والتي لا تذكر الا مرور الذكري الخمسيه تلو الخمسيه والله يكفينا شر الخمسات.

لك التحية الأخ ابوالطيب

إنتهى عهد العضلات التبش .. والفتوة والرجولة .. واصبح السلاح هو الفيروسات وضرب وتدمير المدن والبرامج الإلكترونية .. وهذا سلاح فعلا فتاك وخطير .. يشل الحياة كاملة .. بعد أن تم ربط الكهرباء .. والمصانع .. والدوائر .. فأي ضرب لمثل هذه المنشاءات هو شلل كامل وتوقف للحياة .. وهو خطر من الصواريخ والطائرات ..
لك التحية ياحبيب

الحكومه الاكترونيه اصبحت سيدة العصر الحديث الاسلحه بقت باليزر وضرب موقعٍ ما اصبح بزر الاصابع عبر الاقمار الصناعيه وهذا يشكل خطراً علي حياه الانسان المغلوب علي امره . حليل زمن السيف والدرقه والسكين والحربه .

طبعا الكمبيوتر هو لغة العصر كما يقولون
وهوالسلاح الحالى ,, حيث كل الاجهزة الاخرى ارتبطت به ارتباطا وثيقا .. !!
والثورة الحالية هى ثورة المعلومات الرقمية
والدولة القوية هى التى تمتلك العقول والخبراء والعلماء والتى تحيل كل النظريات الى مجال تطبيقى عملى ( اختراعات وابتكارات جديدة )
وحسب ما اشار خبراء ومحللى الاستراتيجيات ان القطبية العالمية فى اتجاهها الى الصين
بفعل الثورة الصناعية الرقمية الضخمة
وقرأت فى مقال قديم لرئيس فرنسى سابق قال فيه : ان امريكا سبقت فرنســـا فى مجال التكنولوجيا بخمسين سنة .. !!
ياترى بكم سبقت السودان ؟؟

سلام وليد كيفك وشجرك وحسنك ود الصافي

اقتباس :

وقرأت فى مقال قديم لرئيس فرنسى سابق قال فيه : ان امريكا سبقت فرنســـا فى مجال التكنولوجيا بخمسين سنة .. !!
ياترى بكم سبقت السودان ؟؟

انت ياوليد ماقالوا ليك بطل اللعب الخشن ده شوت شنو الضفاري ده ده سؤال ليك
طبعا ده الا نجيب ليك ارقام استاذ مضوي كشح ليون ديك

ابو الطيب بارك الله فيك الكميوتر الشى دى بقى مسيطرسيطرة
يعنى كما اسلفت هو اصبح فتوة العصر.
والعالم انتقل من حوسبة المعلومات الى حوسبة الالات
يعنى اليوم توجد مصانع تدار كليا بالكمبيوتر والايدى العاملة
هى( الربورتات)الانسان الالى .
الصراف الالى (انتهى عهد البنك بقفل الساعة 12 والموظف
بشرب فى الشاى .
المطارات الحديثة اليوم ممكن انت فى البيت تحجزواحددوا ليك
الرحلة بتاعتك.
الطرق الموصلات الحروب الصناعة الطب التجارة وغيرها
اها التجارة دى كلامها براهو يعنى الليلة عوض الله فى الهدى
اعرف القرع فى بكين بى كم (التجارة الالكترونية)

اول السلام عليكم جميعا اولاد خيارى بلا فرزوخصوصا صاحب البوست عادل مش عارف تكون فاكرنى ولا لسا عساك بخير والناس المعاك فى امريكا اما الكمبيوتر من اروع ما تفتق عنه زهن البشر ونعمة ما بعدها( من مايو الفين وتسعة وانا مشترك فى خدمة الانترنيت نعمل مع الشركة السعودية S T C خدمات المشتركين منز مايو 2009 ماعرفت منتدى الهدى الا قبل يومين والله فرحت فرح شديد واكاد اطير من الفرح

سلام عزيزي صديق خالد لك التحية وعبرك للوالد متعه الله بالصحة والعافية

اقتباس :

والحكومه الالكترونيه ما زالت كالمدينه الرياضيه تذكر كل خمسة سنوات لأنها مدرجه في الخطه الخمسيه والتي لا تذكر الا مرور الذكري الخمسيه تلو الخمسيه والله يكفينا شر الخمسات.

بتكلم مع واحد في السودان وسالتو عن المطار الجديد قال لي المطار الجديد والمدينة الرياضية صارت مستحيلات جديدة العنقاء والمدينة الرياضية والمطار الجديد
اما مسالة الخمسات فارجأ الخوض فيها ومحول للاخوة حسن اسماعيل وطارق

سلام ابووضاح تشكر دوما على المرور بنكهة الفهم الممزوج بخفة الدم

اقتباس :

إنتهى عهد العضلات التبش .. والفتوة والرجولة

طبعا محمد علي باشا عند فتحه للسودان كان من اجل الرجال والمال وكان الجندي السوداني مضرب المثل في البسالة والصبر على الشدائد ولكن هذه الرجالة والفتوة انتهت الان بعد التطور الهائل في اسلحة الدمار الشامل الخير والشر يعني ياعمي طارق بقينا مكشوفين لارجالة تنفع لاتكنلوجيا تدفع عنا البلاء وقت الحروب وشكرا لابراهيم خليل الذي كشف المستور حين توغل الى داخل امدرمان برا ولم يهبط من السماء فكشف لنا قدر مقدرة الجيش السوداني

الاخ مصطفى البلة علي لك التحية والف واحدة زيها كمان تشكر ياسيدي على المرور والاضافة

اقتباس :

اول السلام عليكم جميعا اولاد خيارى بلا فرزوخصوصا صاحب البوست عادل مش عارف تكون فاكرنى ولا لسا

يامصطفى وهل يخفى القمر طبعا لا وابدا لا
انت انسان خلط بين طيبة القلب وطيبة العشيرة فلذا كنت محبوبا للجميع جيلك ومن سبقك ومن اتى بعدك
اما تلك الجُزئية

اقتباس :

ماعرفت منتدى الهدى الا قبل يومين والله فرحت فرح شديد واكاد اطير من الفرح

والله لاتدانينا فرحة عندما وقعت عيني على رسالتك الخاصة وانها منك شخصيا وكانت فرحة النصر بانضمام قامة مثلك وهذه احدى ثمرات المنتدى ان نلتقى عبر النت بعد ان عز اللقاء في دروب الهدى
نرجو منك التكرم بالمرور على صفحة التعارف والتواصل لتترك لنا بقية المعلومات للتواصل

الاخ المدير عوض الله لك التحية وتشكر على المرور

اقتباس :

اها التجارة دى كلامها براهو يعنى الليلة عوض الله فى الهدى
اعرف القرع فى بكين بى كم (التجارة الالكترونية)

ياعوض ياخوي لو كلمتك يمكن تقول عادل ده قاعد يزيدها كوز موية والله قاعدين نتونس ونحن ضيوف قوم انت واحد من الناس اتكلم غن التفزيون الجديد لم يعرض للسوق بعد ولكن في اطار التجارب التلفزيون عبارة عن قلم تشبكو في جيب القميص وتمشي وين ماوقفت تطلع القلم وتوجهه على اي حيطة جنبك وتدوس الازرار ويشتغل ليك زي العجب (مابتاع المريخ)
والكلام عن تطور التكنلوجيا قوم انت يا يسن طلع الموبايل بتاعك وجيب صندوق مناديل الورق ووجه عليه بي جهه معينة فيها ارقام كتار كدة الموبايل يقرا ليك السعر ويديك اسعار مقارنة في منطقتك يعني من الدكان ممكن تستعملوا وتعرف اذا كان السعر ده معقول ولا في سعر ارخص منو في محل تاني
تقول لي منو ماعارف بدل ليه حمارة بي شوال عجور

سلام ياحبيب د. محمد طيب تشكر على المرور

اقتباس :

الحكومه الاكترونيه اصبحت سيدة العصر الحديث

بقت سيدة وحكمها فريد
خلقوها زي ماتريد
تنفع ممكن وتدمر اكيد

الكمبيوتر دا يا عادل .. أنا لي معاه قصـــة .. طبعا بعد المطرة والسيول التى إجتاحت جدة تعطلت نسبة كبيرة جدا من السيارات .. وغالبية السيارات تعطل جهاز الكمبيور .. مما أدى الى خسائر لشركات التأمين للتعويض .. وأنا طبعا لأول مرة أعرف بأن سيارتي الموديلها 96 دي فيها كمبيوتر إلا بعد المطرة ديك .. وبديت البحث عن كمبيوتر .. الجديد طبعا ثمنه قرابة ال 1000 دولار لي سيارتي القديمة دي أما الموديلات الحديثة من 2000 ولي فوق دي حكاية تانية .. وإستمرت رحلة البحث عن الكمبيوتر غرابة الأسبوع .. في تشاليح السيارات القديمة ولم أجده .. وأخيرا لقيت واحد باكستاني بصلح إلكترونيات .. تلفزيونات ومسجلات وحاجات زي دي .. فربنا أكرمنا وصلحوا .. بعد رحلة من البحث ..
السيارات دي ماكان لزوم يعملوا ليها كمبيوتر .. تعرف ياعادل .. إذا جهاز الكمبيوتر تعطل على الواحد وهو داخل السيارة ومغلق الأبواب بعدين إلا أكان يكسروا ليهو زجاج السيارة عشان ينقذوه ..

سلام ابووضاح
وحمدا لله على سلامتكم من المطرة

اقتباس :

وأنا طبعا لأول مرة أعرف بأن سيارتي الموديلها 96 دي فيها كمبيوتر

وبي كدة ياشاب ماعندك مشكلة تخش من المكتب او انت سايق ممكن تخش المنتدى من كمبيوتر العربية او(الجزيرة)
عندك خيارين

السلاح ده في الدول المتحضره يا ابني

نحن هنا في العالم العربي سلاحنا بقي الجديد بقي لافيس بوك

يعني برضو كومبيوتر
لكن
كومبيوتر مع انترنت

لكن امضحك
انو كلو علي بعضو في النهايه

صناعه يهوديه

هههههههههههههههههههههههههههههه

عادل خياري كتب:

سلام ابووضاح
وحمدا لله على سلامتكم من المطرة

اقتباس :

وأنا طبعا لأول مرة أعرف بأن سيارتي الموديلها 96 دي فيها كمبيوتر

وبي كدة ياشاب ماعندك مشكلة تخش من المكتب او انت سايق ممكن تخش المنتدى من كمبيوتر العربية او(الجزيرة)
عندك خيارين

والله الكمبيوتر حقها لو شفتو زي جهاز التسجيل ( المسجل ) وموضوع في مكان مابتعرف .. تحت الطبلون بجانب كرسي الراكب الأمامي .. أكيد دا ما بجيب إرسال الجزيرة أو العربية ..