درس العصر وحصة الصباح الناس انقسمو واحدين قالو مفيدة ومهمة وناس قالو مكلفة زمن وقروش واخرين بفتكروها زحمة وضغط على مخ الطالب و__ و__ وانتو رايكم شنو ?

زمان الفصل طلبتو شوية والاهتمام بيهم ساهل لكن الليلة كم وسبعين والمقرر كتر والمواد زادت دايرين زيادة مجهود ودوام الحكومة مابقضى ظهر درس العصر وحصص الصباح وحصص التركيز والدرس الخصوصي وانواع من المعالجات منها الايجابي ومنها السلبي وقضية التعليم قضية حساسة مستقبل امة متعلق بيها

والله ياولدي نحن زمان كنا بقرا عصر وصباح
وفيها مزاكره كمان
كانت عندنا حاجه اسما المذاكره
يعني بعد درس العصر اذا وجد تبدا المذاكره لحدي الساعه 8 موعد المسلسل
ماسمعنا بالكلام البتجيب فيهو ده
وماشالو مننا قروش
ولا مليم
لو كان داير راينا في درس العصر وحصه الصباح بغض النظر عن القروش في او مافي فالصباح تجد فيه الطالب اكتر استيعابا من اي وقا اخر.. وفيهو كمان تعويده للصحيان المبكر وصلاه الصبح حاضر

اما درس العصر علي اقل تقدير يمكن ان يقيد الطالب ويحعله مركزا في جراسته بدلا من لعب الكوره والجري في الشوارع في مثل هذه الاوقات

بس ياريييييييت لو رجعو المذاكره دي تاني

العم كباش لك التحيه
الموضوع مهم جدا
لابد من درس العصروالحصص الصباحية
بس لابد ان يكون المعلمين مراعين الوضع المالي
وتكون الجيا اجباري والدفع اختياري
زي ماكان يعمل معانة استاذالهادي الفكي عبدالرحمن
يجبرناعلي الجيا في الصباح والعصر وقبل يبدا
اليوم الجديديسالنامن حصة امس وفيها ضرب وتسميع
كانهايوم دراسي ولاينظر للمقابل المادي
بل ينظرللتحصيل العلمي

الاهم من درس العصر
وحصة الصباح والمذاكرة
زخم الطالب وزحمة الطالب
بي الحاجات الكتيرة ومسيخة
ما عارف (انسان وكون واشياء حولنا وهلمجر
يعنى كان شفتا ليك شافع شايل ليو
شنطة تحن في حالو
دا اكيد حا اتخرج عتالي نجيض.

الاخ حسن شكرا ع المرور الهدف من الحصص نبيل ومسالة القروش صحيحة ،بس الترتيب مهم وتنظيم الوقت اهم زمانا مازي الليلة اختلف الايقاع والتربية اشتركت عوامل كتيرة في التنشئة التلفزيون والاتارى وسيد البيت دورو قل بسبب لقمة العيش ، يعنى الطالب بالاضافة للدراسة عندو عالمو الخاص وهواياتو الرياضة والرسم والخ

الاخ المعز الاف تحايا وسلامات كلامك صاح اول هم المستوى وتاني تجي المسائل المادية ،والتحية عبرك للاستاذ الهادي ولكل المعلمين وياريت لو جونا داخلين المنتدى ليهم كل الاحترام

الاخ كباشي
التعليم في هذا الزمن المناهج تغيرت تماماً بقي استيعاب التلاميذ ضعيف
وقد شكي بعض المعلمين من صعوبة فهم التلميذ للحصه وموضوع درس العصر او الحصه
الصباحيه مهمتان جدا فيظل السلم التعليمي الجديد .
زمان التعليم له هيبه تفهم الحصه كامله بكل سهوله

محمد الطيب ابراهيم كتب:

الاخ كباشي
التعليم في هذا الزمن المناهج تغيرت تماماً بقي استيعاب التلاميذ ضعيف
وقد شكي بعض المعلمين من صعوبة فهم التلميذ للحصه وموضوع درس العصر او الحصه
الصباحيه مهمتان جدا فيظل السلم التعليمي الجديد .
زمان التعليم له هيبه تفهم الحصه كامله بكل سهوله

شكرا ودالطيب نحن ماضد درس العصر لكن محتاج ترتيب وتنظيم في شكل وجبة سهلة الهضم للطالب

لك التحية والسلام الاخ كباشى
العلم يرفع بيتا لاعماد له * والجهل يهدم بيت العز والشرف
موضوع مهم والحال تغنى عن السؤال ولوسالت احد الطلاب تجده مابعرف ابو الناء دى حال
هو رقيق وتمو موية
الحصص لم تفهم هل فى رايك يفهمو ليك يهتمو بالحصص الاضافية يعنى مافى همة وعزيمة وكل هذا له عوامل كثيرة
ولى عودة

شيخ مهند سلام واحترام
حلوة قصة هي رقيقة وزادوها موية دي تعبير يعكس واقع الحال وقريب منها في البير ووقع فيها الفيل ,وانت زول قريب من حقل التعليم رايك مهم لك التحية ومبروك شيخ الامين