دعوة للاكتتاب فى بنك الفلس
يقال ان (أفلس الرجل ) بفعل رباعى هو (أفلس ) اا فقد الفلوس وفلس الشافع اذا وقع فى موية المطرة والعلاقة بين الفعلين هى ان حالهما يصبح (طين) . وقد إتفق علماء (الصرف) على (تعاريف) الفلس .
وأختلفوا فى تعريف (المفلس) تعريفا مانعا جامعا ، فقالوا ان المفلس سخص يستهين باهمية إختراع النقود.وقالوا ان الفلس راجلا كلس ولو لا ذلك لقتلته ومشيت فى جنازته . ولكن سادتى الفلس انواع مثل الانفلونزا فهناك الفلس الدام وهنالك الفلس المؤقت ، وهنالك (فلس ) مثل مرض الصرع له نوبات وورديات فقط تكون مفلسا بالضهر مقرشا بالمساء والسهرة والعكس صحيح زوقد جاءت دعوتنا بالاكتتاب فى بنك الفلس وشراء اكبر عدد من الاسهم طبعا بدون فلس واحد وانما بكمية ومقدار فلسك فربما رجل مفلس اغبش اغبر اصبح بفلسه هذا رئسا لمجلس الادارة
وربما رجل قليل الفلس لم يزد على ان يصبح غفيرا فى بنك الفلس . كيف تقاس درجة حراة الفلس ؟ بالجيب ، فى جيب تمام وفى جيب (طمام) والجيب من جيب وجيب والمراة قاطع طريق معترف به . والمراة فى فترة الخطوبة والحب (عابر طريق نام فى العيون )وبعد الزواج قاطع طريق يمارس على الرجل عادة (شق الجيوب ) وهو حى خصوصا يوم الماهية طبعا اذا مارست المراة (شق الجيوب ) مارس الرجل (لطم الخدود) والايدو فى جيبو ماذى الايدها فى خدها . قالوا الزواج يعلم الرجل غسيل الملابس ويعلم المراة غسيل الاموال ،هسه مرات المره مابتغسل (عشرة الف ) فى الجيب داسيها منها ،أها دا ما غسيل الاموال ذاتو.
عموما الفلس يصيب صاحبه بمرض خطير لاشفاء منه (الدين ) وكلمة (بعادين) ونبقى فى (حاو وهش) ،والدين سادتى فى الكتوف ، ولكن من اين تؤكل الكتف ، الدين يعلمكالقدرة على إكتشاف طرق جديدة وحديثة لتفادى صاحب الدكان ،ويعلمك ان تدخل السوق من ابواب متفرقات ، بل يجعلك مثل الكابوى فى الافلام ، كلما راك اصحاب الدكاكين اغلقوا متاجرهم خوفا والديون فنون ومواهب وقدرات عالية (وحنك سنين ) ومداخل للخروج ، ولكن (الدين ) يعلم الكذب ، وكل لك من الفلس ، فمتى ما اصبح الرجل (متدين ) لاحقه (الهم) ، ولكن واعوذ بالله من كلمة (لكن) الهم كذلك انواع ودرجات ومقاسات ، فى هم (6 سلندر )، وفى هم (12 قدم ) وفى هم (3 عيون اتوماتك ) .
اللهم اعوذ بك من تاجر ( لا يدين ) ومن (موس) بقت ما بتزين ، ومن صاحب دين تجيهو بالشمال اجيك باليمين .اللهم حل الدين ، وادينا مائة الف رصيد فى شريحة زين . اللهم كتر لى القروش ، وسهل فطور البوش ، وبناء الحوش ، وادخل مع المروقين تووش . امين

ياخوي كشفت سر النسوان المرة قالت الزول ده قاصدك عديل بقيت الجلابية مابتخلي فيها التكتحة ! قلت ليها الزول دا بمر بتجربة عاصفية شخصية والنومة دي بتريحو شوية

الاستاذ الرائع ابوشيبة
هذة القفشات ذكرتنا ايام قلب الشارع ونبض الكاركيتر
والايام الجميلة
ومسرورين ان عاودتا الاطلال من داخل المنتدى ودخول المنتدى مش ذى الخروج منة
لكن بنرجع ليك

خلي بالك ابو شيبة دا يخطط لجائزة نوبل .. زي بنك الفقراء في بنغلاديش ..
وبعد كدا يفكر يعمل إندماج بين البنكين ( الفقراء والمفلسين ).. عشان ايكون شبهينا وإتلاقينا .. او التعيس علي خايب الرجاء
واللهم نعوذ بك من بنوك مفلسة وأخري فقيرة وعدمانة .
وشكلك كدا دخلت غلط .. تووش وركبت باص السيرة

في مثل بقول
اخوك كان فلس ابعد منو
ههههههههههههههههه

الاستاذ ابوشيبة كيفك ؟!

نعوذ بالله من الفلس ونسأله الفلوس .. وطبعا بنك الفلس دا بتكون اسهمو بالدين !! وصاحب اكبر عدد من الاسهم عوض ديون!.. والشخص البدين فى ضل البنك مايقعد.. وبعدين لو داير تمنع قصة غسيل الاموال النسائية دى .. ماتنسى فى الجيب إلا الفكة و جنيهات الحديد عشان الكشكشة .. وقبضتك !! والعلاقة بين فأر المسيد والزول البأجل السفر كتير .. الاتنين ماعندهم حق التزكرة

أ: ابوشيبه
سلام كتيييييييير

فلس شنو ؟؟؟
جاتك اخر صرفيه وقالو منتظر اخر .........

علي الفلاس اقصد الطلاق مشتاقين .