عربة يدوية صغيرة بمقبضين وعجل ووعاء حديدى يسع لحمل خفيف ..

تمتاز بسهولة استخدامها وانسيابها خصوصا فى اماكن الزحام والتى يصعب دخول العربة او الكارو اليها

وفى الآونة الآخيرة اخذت رواجا وشهرة .. !! وذلك للخدمة التى تقدمها حيث توجد فى كل بيت

تساعد فى نقل الطوب التراب الغاز الدقيق وكثير من مستلزمات البيت !!

وايضا تدر دخلا معتبرا لصاحبها فى الاسواق وذلك بتأجيرها لنقل بضائع المسافرين والمتسوقين

حيث اصبحت تباع توكيلات عطاءات( تشغيل درداقات) وذلك فى كبريات الاسواق .. والذى يفوز بالعطاء

له حق الامتياز فى تشغيل ما يقارب من ال500 درداقة فى السوق ويقوم بتأجيرالواحدة مقابل 3 جنيه لليوم الواحد

اذن هى تدر دخلا معتبرا وهى مفيدة .......!!

وكذلك المعلمة .. لى بلدنا مفيدة .. المعلمة .. ربنا يزيدا .. المعلمة !!

وفى الاونة الاخيرة ومع ظهور هذه الآلة العجيبة تمت تسمية معلمة الاساس بالدرداقة نظرا لما ذكر سابقا

حيث المقارنة تمت فى وجود الدخل المشترك من كليهما ..!!

واحيانا تسمع من اراد الزواج يقول : ( داير لى درداقة ) يعنى انه يسعى للزواج من معلمة !!

وكل ما كبر حجم الآلة كبر دخلها ولذلك سموا معلمة الثانوى الاكثر دخلا من معلمة الاساس بالركشة

بالله شـووووووف !!!

مساء الخير الاخ وليد
الكلام دا صاح انو بتقوم بالذكرتو لوصاح
ماعندك لي واحده من النوع الاول
بس بقولو اسأل مجرب

محمد خالد تسلــــــــــــــــــم

النوع الاول محجـــــــــــوز !! رايك شنو فى النوع التانى ؟؟
وحكاية مجرب دى لا تنطبق على
اما النوع الاول من المعلمات موزعات بالارياف عشان تلقى واحد الا اجازتك تكون كبيرة
وتمشى مكتب التعليم و تاخد الكشف وتحوم بالحلال

لك التحية وليد ..

تظل المعلمة محل إحترامنا جميعا .. ولها منا كل التقدير .. ومع ذلك وبلغة السوق وبلغة هذا الجيل وهذا العصر العلاقة نقاطة او جنينة حاتة .. وبالله شوف

طارق مساء الخير

قم للمعلم وفه التبجيلا كاد ××× المعلم ان يكون رسولا

والمعلمــــــــــــة لها منا كل تقدير ووقفــــــــــة اجلال و إكبار

اخ وليد تشكر على المعلومات الثره والقيمة والدرداقة تتواجد فى اغلب بيوتنا وتقدم لنا خدمات جليلة

المعـــــــــــز مرورك اسعدنا

ياحبيب بعد شوية بتخش لينا فى الدردقو
ما تقول لى الدردقو دا منو انا قاصد التبش.

عوض خيارى كتب:

ياحبيب بعد شوية بتخش لينا فى الدردقو
ما تقول لى الدردقو دا منو انا قاصد التبش.

ما فى مشكلة يا حبيبنا ,, ما هو الدردقو ذاتو من ذوات القرع .. !!!

لكن يا عوض عليك الاهتمام بالقرع ,, لانو من النباتات التى لا تقبل شراكة

بعنى كدا زى ثعلب مضوى ....... !!!

بالله شوف ... !!

صديق عبدالرحمن التلب كتب:

بالله شوف ... !!

بالله شوف واتعجب !!!

يا مان أنت إتكلمته عن الدرداقه وقلته يعني المراه الأستاذه في تعريفك وفي المراه الغير موظفه بايطلقو عليها با القوقايه لنو بتاكل من غير متدخل وأنت ماقصرتا جمعتهم الاثنين بالبارد الدرداقه وصديقة حبوباتنا الهي البتاكل مابتشبع عرفتها طبعآ لك منا كل الود والإحترام

التحيه للدرداقه بشتي انواعها

وماتنسي كمان وعببر منتديات الهدي نهدي التحيه لابو الدرديق
ههههههههههههههههههههههههه
( طبعا ده استاذ الاساس)

يا امجد قلنا دى تسمية اوجدتها ظروف معينة

لكن

لايمكن ان نطلق على ربة البيت القوقاية إطلاقا

ولا كيييييف ؟؟

تشكر يا سى حسن

استاذ الاساس تعبان وشقيان ربنا يكون فى عونو .. !!

ونحى معك الدرداقة لغة واصطلاحا ,, وكذلك ابو الدرديق

هه هه ههههه هه هه