هلالنا أول مالو تاني
باللعب ما بالأماني

مافي زيك ولد يا سيد البلد
هلالنا عقد منضوم
مليان بريق ونجوم
هلال حبيب الناس
يلعب بجد وحماس
في لعبو مافي تماس
دائما بجيب الكأس
مافي زيك ولد ياحبيب البلد
هلال المعجزات فات المجموعات
يارب النهائيات يحقق الغايات
مافي زيك ولد ياحبيب البلد
جمهورو راقي تمام
بشجع الهلال
مافي زيك ولد ياحبيب البلد
مافي زيك ولد ياسيد البلد

الف مبروك لكل الأهلة .. والقبيلة الزرقاء

نبارك لكم الممتاز ... وبرغم هزيمة المارد الاحمر تعتبر هذه المباراه من اجمل مباريات القمة فى الفترة الاخيرة

حبيبنا الوليد التلب
تشكر على هذه الروح الرياضية .. وهاردلك للمريخ .. ومباراة كانت قمة في كل شيء في الذوق والأداء الراقي للفريقين .. مبرولك حبيب البلد وهاردلك لنده التقليدي المريخ

السلام عليكم ورحمة الله وبركاتة
مبروك يا با با فوز الهلال وكما يقا ل الهلال سيد البلد

مبروك للهلال
ما تفرحوا كتير يا هلالاب لانو يـــــوم23 الجاي في
لعبه تاني بين الهلال والمريخ
وزي ما قالوا : الاولي ليك والتانيه عليك
ومره تانيه مبروك للهلال

هـــلال السجـــــــــــــــــــــــــم
امـــــس سوه حكايـــــــــه
بالعشره إنغلب ... ...ياخي 2 كفايه
دراويش اللعيبه وحارسن الصفايه

نحن وبأدب الروح الرياضية التى تغيب عن الكثيرين والتى لايفهمها من هم في نفوسهم مرض
نقول لأخونا هيثم الشيخ هاردلك ..ودي رياضة غالب ومغلوب .. يوم لك ويوم عليك .. كما وأن هنالك فرح هستيري .. هنالك ايضا شماتة هستيرية .. فتحتوا لها بوستات .. في هذا المنتدي احلال اليكم وحرام على الآخرين .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا أخي من حقنا أن نفرح ونرقص ونسمر حتى النخالة .. هزمناكم وأخذنا من أمامكم الكأس ... اسياد حق وأسياد بلد ... ولايوجد لنا واقع مر .. وحتى أنتم لم تحافظوا على هذا الكأس .. بل بالعكس الهلال خرج وبشرف أحسن منكم ومن نفس الفريق الذي أخرجكم بالإربعة في عقر داركم وأمام النائب الأول سلفاكير ودا ذنبوا شنو بالله عليك ؟

الاخوة اهل القبيلة الزرقاء جميعا الف مبروك
طبعا الكورة غالب ومغلوب ومباريات هلال مريخ لها طابعها الخاص فهما الندين التقليدين وقد تكون الهزيمة من احدهما اثقل وطأة من فقدان بطولات خارجية فقد تحلو المناكفات بين مشجعي الفرقتين
ولكن هنا في منتدانا بالذات نتوقع تلك المناكفات الاخوية ونرجو عدم الزعل والذي يفرق بين الاخوان
مبروك للهلال وهاردلك للمريخ
ولو جيتو للحق نحن في السودان كورتنا دي كلها محلية بس

الاحباب طارق , عادل وكل الأخوان فى الهدى تحية طيبة وكل عام والجميع بخير , ونؤكد للجميع أن مابينا أكبر من مريخ هلال ويربطنا رباط الهدى المتين , ولكن نكتب فى موضوع بعيدا عن وصف الآخرين بما لايعجب وبدون همز أولمز ولم اصف أحد فى حياتي باى صفة لا تعجب وتجريح أو مرض أو جهل أو عداوة فرح كما درج الآخرين كلما أشتد النقاش أو لم يعجبهم ما نكتب , ليس عجزا وإنما إحتراما لكل فرد فى المنتدى وخارجه ,عليه نرجو من الجميع الإلتزام بروح النقاش بود وإحترام , وما ذكرته عن الصفر الكبير ومتلازمة الفشل الهلالي فى المجالات الدولية هو حقائق موجودة فى سجلات الكاف وليس من بنات أفكارى فلماذا الزعل و إطلاق الصفات و الخروج عن النص ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ويظل التاريخ يحفظ ذالك الصفر ذو الثمانين عاما
و ختاما كل الود و الاحترام للجميع و كل عام وأنتم بخير

التهاني لكل الاخوة بالمنتدي بالعيد السعيد وربنا يحقق امانيكم ويجعل الالفة هي الرابط بيننا واللهم اجعل الرياضه سفارة لنا عبر جميع انديتنا السودانيه ولكن المناكفة والمداعبه مطلوبة وحقا تعجبنا مداخلات وليد التلب وصديق خالد وتتطردنا مداخلات هيثم الشيخ من البوست نهائيا فراجعوا الارشيف لتجدوا ما اصابني منه من تجريح واساءة وهو الان يدعو الي الالتزام حقا نتعجب لذالك فلا تنهي الاخرين عن ما تفعله انت فواعجبا ....فيا هلالاب افرحوا كما تشاؤا دعكم منه سامحوا الله فلننظر لفرحة كروجر وجماهير المريخ الهستيرية بفوزهم علي الخرطوم ... واحد ظريف قال الممتاز دا مسكون بالجن الازرق والارقام لاتكذب ...

الحبيب و الاستاذ الفاضل مضوى عبد الرحمن كل عام و انت بخير
يا حبيب المسألة ما جابت ليها طرد يأخي البيت وسيع و الدار واسعة وانت سيد بلد وكيفن تنطرد -نعم كتبت مداخلات عنيفة جدا بس ما بتلحق ضرب مساوى للنفطى ولم أصف اى هلالي بالمرض وغيرها من الصفات - واصدقك القول لو كانت مداخلاتي طاردة لكم انا مستعد اترك المنتدى وليس فى ذلك حرج لى -
بس برضو بقول :- فمن كان مساحة فرحه لا يتجاوز مساحة العرضة وشوارعها فلن نمنعه من ذلك ولكن بعد يفيقوا من مخدرهم يجب الا ينسوا واقعهم المر والصفر الكــــــــــــــبــــــــــيــــــــــر ...
وفى الختام لو كانت سعادتكم وراحة بالكم فى عدم
وجودنا معكم فلكم ذلك

اخي هيثم انت سيد الدار ونحن الضيوف فافسح لنا مساحة في قلبك وليس المنتدي لكي تكون زادا لسفر الكلمة وبلسما لعناء السفر .ولك محبتي

الاخوه بالمنتدي لكم التحيه
والله نحن نبارك لكل الهلالاب ولكن لابد من المناكفات من بين التبريكات يعني معقول نديها كدي صافيه(بنكون كذابين).
عادل جاء من الآخر وقال لو جيتو للحق نحن في السودان كورتنا دي كلها محليه (طبعا يقصد منو.......... عارفين ولا نقول ليكم) نحن الحمد لله بره الموضوع ولو نلسون مانديلا الذاكره حقته شغاله بشهد علي الكلام دا.
طارق ومضوي وعادل وحسن ومحمد الطيب وكل الهلالاب والله بنحب مناكفتكم والله يشهد علي حبنا لكم اخوه كرام (وبالمناسبه مش حنقدر نبطل مناكفات) وأحيانا كثيرا أشعر أنها تقربنا ولا تفرقنا (ولك الشكر أحي مضوي).
أهلكم اليمنيين بقولوا الفسح في القلوب ( فيرد الساخرون الفسح في الجيوب).
نحن هسع خايفين من الطبقه وربك يستر.
ولكم تحياتي

الاخ صديق خالد الحمد لله براك ذكرت ان ذاكرة مانديلا لو شغاله نفهم كاسكم دا قبل مانديلا يفقد الذاكرة والله حالتكم دي صعبه شديد اصبحتوا تتحدثون عن التاريخ فالحاضر فراقتو فراق الطريفي لاتحاد الخرطوم نتمني عودة المريخ لان قوة الهلال في قوة المريخ وقوتهما قوة للقومي _قيل ان رجلا اعمي وهبه الله نعمة البصر 5 ثواني فلم يبصر غير فار فكان اذا جلس مع الناس وتحدثوا عن اي شئ فيتداخل قائلا وين للفار فتحدث احدهم عن كاس مانديلا فتداخل الاعمي قائلا كاس مانديلا دا يا جماعة وين للفار ...!!!

مضوى تحياتى وبركة الجيت بسكويييييييييييت !!

والتحية للمريخ الذى اتى بكم الى هذا المنتدى بعد غيبة حينما نتكلم عن الزعيم طوعا تاتى السين لتقف مع الفار ليصبح الزعيم الفارس !! ولكن حينما يذكر سيد اللبن تفر سين الفارس ليصبح الهلال الفار !! ..
الفار من مباراة وفاق سطيف الجزائرى .. مشكلا اول سابقة فى تاريخ البطولة ومن من ؟؟ من سيد البلد كما تقولون

مضوي عبدالرحمن كتب:

الاخ صديق خالد الحمد لله براك ذكرت ان ذاكرة مانديلا لو شغاله نفهم كاسكم دا قبل مانديلا يفقد الذاكرة والله حالتكم دي صعبه شديد اصبحتوا تتحدثون عن التاريخ فالحاضر فراقتو فراق الطريفي لاتحاد الخرطوم نتمني عودة المريخ لان قوة الهلال في قوة المريخ وقوتهما قوة للقومي _قيل ان رجلا اعمي وهبه الله نعمة البصر 5 ثواني فلم يبصر غير فار فكان اذا جلس مع الناس وتحدثوا عن اي شئ فيتداخل قائلا وين للفار فتحدث احدهم عن كاس مانديلا فتداخل الاعمي قائلا كاس مانديلا دا يا جماعة وين للفار ...!!!

هههههههه
والله يااستاذ فار الجماعة ديل
ضحكنى من الاعماق
براحة الجماعة نفسهم قصير
اسي بطلعوا من الخط٠

والله يا عوض نفسنا سلبــــــة !! لكن ما زى سلبة الحكم بتاع مباراة الصفاقصى المداها ليكم وانقطعت !!
والله فعلا الفاقه بتعلم المشاط !! مشطوا ساااااااااااااااااااى وخليكم فى ضل المحلية !!

امنية طارق كتب:

السلام عليكم ورحمة الله وبركاتة
مبروك يا با با فوز الهلال وكما يقا ل الهلال سيد البلد

الف مبرووووووووك سيد البلد
وعقبال كاسات افريقيا

وعقبال سيادة أفريقيا