نخصص هذا البوست من الذاكرة 5 الى ذكريات قديمة عن لعبة الوست .
ولمعلومية حرفاء اللعبة في الهدى إن تاريخ دخول اللعبة الى الهدى كان تقريبا في بداية اربعينات القرن الماضي . وجاء بها الى الهدى مجموعة من الشباب قادمين من منطقة ربك لزيارة اقربائهم بالهدى ( عمنا حسن فكي محمد ) .. وهؤلاء الشباب علموا الناس في الهدى كيفية لعب الوست .. وأول الذين لعبوا الوست من ناس الهدى في ذلك الزمن (عمنا حسن فكي محمد رحمه الله ) وعمنا حاج حمد عبدالله ود التويم (رحمه الله ) وعمنا المصباح ود ابراهيم ( رحمه الله ) والوالد مامون محمد البشرى ( رحمه الله ) وعمنا عبدالرحمن الزوين ( رحمه الله ) وعمنا (التلب رحمه الله ) .وكانوا حينما يلعبون ويقولوا (اتو ) يندهش الحاضرين ماذا تعني (اتو ) وكان ورق الكوتشينة به صورة حصان فأعتقد الكثير بأن (اتو) تعنى هذا الحصان الفي صورة الكوتشينة .. وايضا إشتهرت الجملة المعروفة في ذلك الزمن ( شك وأدي الزوين ) .. يعنى كانوا كلما لعبوا يختوا الورق قدام عمنا الزوين ويقوم يوزعوا من جديد .. كما وأيضا إشتهرت جملة عمنا المرحوم الحاج حمد عبدالله ود التويم الشهيرة ( نحنا لعبناها تحت ظل الفجل ) ..
ومنذ ذلك التاريخ واضحت اللعبة معروفة في الهدى ..

سلام ابو وضاح
ياطارق الحاجة العارفة انك ماكبير قدر ده لكن الله يديك العافية بتجيب الكلام ده من وين
شكلك كدة بتاع قعاد عجايز
ربنا يزيدك عشان تزيدنا بي هنا

شكرا الحبيب طارق
موضوع شيق وزكريات الله يرحمهم
عمر الجزلي لو حضرهم كان وثق منهم زكريات

الحبيب ابو الطيب
الأخ الحبيب محمد الطيب إبراهيم

لكم التحية . ـ

هذه ذكريات قديمة طبعا أنا ما كبير يعنى اكبر منكم شوية وماحضرت الزمن داك .. وهي بالسمع فقط ومحفوظة في الذاكرة .. وحبينا إضافة معلومة .. وتوثيق لتاريخ الهدى عن بعض الأشياء التى نعرفها فقط .. ونتمنى ان تكون قد وصلت ..

طارق مامون كتب:

الحبيب ابو الطيب
الأخ الحبيب محمد الطيب إبراهيم

لكم التحية . ـ

هذه ذكريات قديمة طبعا أنا ما كبير يعنى اكبر منكم شوية وماحضرت الزمن داك .. وهي بالسمع فقط ومحفوظة في الذاكرة .. وحبينا إضافة معلومة .. وتوثيق لتاريخ الهدى عن بعض الأشياء التى نعرفها فقط .. ونتمنى ان تكون قد وصلت ..

يا عم طارق متعك الله بالصحة والعافية وايدك طوله العمر
بس يا ابو وضاح عادل خياري دفعة صلاح الشيخ وبابكر إمام ومحمد الطيبإبراهيم دفعة معنا في الهجرة وسنة 1986 وانا جيت مع الوالد زياره وكانت ملامحك هي نفسها تكون انت دفعة احمد ودحامد وعثمان البلال ؟؟؟

الأخ هيثم
ومتعك الله بالصحة والعافية ويديك طول العمر
لايعني بأن اقول بأنني اكبر منكم شوية أخفي عمري الحقيقي .. ليس هناك ما يخاف منه المرأة معانا والأولاد معانا والحمد لله .. ولكن إذا اردت معرفة عمري الحقيقي هنالك بوست اسمو الحصـة مكتبة موجود في هذا المنتدي ذكرت فيه بعض ابناء الدفعة الذين درسنا معهم وهم لنا أتراب ..
طبعا ما أظنك تقصد بأنني زاملت ود حامد و عثمان البلال في الدراسة .. اما زامالة غربة فهذا صحيح حيث اننا كنا نسكن جميعا في عزبة واحدة .. كما وأن منزلكم في ايام زيارتكم للمملكة أذكره جيدا خلف البنك الأهلي في كيلو 8 طريق مكة ومازال حتى يومنا هذا لم يحصل عليه تحديث ..

يا ولدنا كيفك
ياخى انا كتبت لى
تعليق هنا عن قميص
التلب وديتو وين
يا طارق والله تانى
ما بعيدو...........

يازول مالك بتنكت ؟؟ بنكت !!

يازول ما تبحت ؟؟ ببحت!!

انت عارف يا طارق الخلانى ابحت وانكت فى حاجاتك القديمة دى شنو؟؟ لانو الواحد بعد جولة طويلة فى المنتدى بتجيهو جوعة .. يقول كدى اخش على عمو طارق دا يمكن الواحد يلقى ليهو حاجة ياكلا ( قاشيت - ملاح رز - طماطم - بطيخة متآمرين عليها - سكسكانية - وملاحكم مع احمد ودالعباس داك الما انعرف ليهو اسم لا يوم الليلة )!!..
طبعا عمنا التلب طرائفه كثيرة مع هذه اللعبة وياريت تسعفنى الزاكرة واكتب ليك عنها لاحقا

وماتنسي ياوليد
في سلطة بادنجان خش عليها شوية بس أوعى من الكبدة نية او نص نجاض عشان ما يصيبك المرض قي البوست حق خالتك سيدة بت ود مدثر ( النقرس او داء الملوك ) .

وياريت تسغفك الذاكرة وتكتب لينا عن قفشات عمنا التلب ( رحمه الله ) ,,

ياود مامون

كبده نص نجاض دى ابيت ما اكتبا عشان بكرة الضحية ولو ربك هون راجيانا مرارة رهيبة ..

ياريت تكتب لينا من الزاكرة6

عن شاى امال مامون والديوان مليان طلبة!!

يا أخي ياوليد .. حكاية شاي آمال دى مافي داعي ليها .. طبعا الجماعة بكونوا كتار شديد
الناس البصحوا أول بشربوا الشاي مركز وسمح وتقيل .. يالا بعد كدا يقوم يصحى واحد تاني ويجى واحد من برة .. وشاي يكون بقي في النهاية آما ل تقوم تزيدو بي نص كوز موية .. بعد شوية يظهر ليها تاني في واحد ماشرب .. تقوم تاني تديه كباية موية لحدى مايبقي زي موية المطرة لاهو شاي بي لبن ولا هو شاي سادة . هسع الفضائح دي ليها لزوم ... ياوليد ماقلنا ليك ماتنكت يا أخي ...