قالوا واحد مسطول عندو دقن دخل الجامع بالغلط لقي الناس بتصلي دخل معاهم وبعد ما سلم الامام قام واحد من المسبوقين سلم عليهو قائلو شيخ فتوى قال ليهو ياشيخ أنا دخلت مع الامام في الركعة الرابعة وسلمت معاهو
أكمل بي كم ركعة ؟
المسطول ... سرح كدا فترة وقال ليهو ... لمن دخلت في الصلاة في زول شافك ؟
الراجل قال ليهو ...لا
المسطول قال ليهو شتت ..

واحد مسطول بشاغل في واحدة في التلفون ، قالت ليه: "إنت مسطول؟"
رد عليها "بالله عندكم كاشف؟"
مسطــول لقي اثنين في المقـابر يفتشو علي قبر ابوهم وهم يتغالطوا .. ياهو ده .. لا ماياهو ..ياهو ده لا ما ياهو...... قاليهم المسطول انتو دايرين تدوهو الفاتحه ولا مصـــاريف
ســـــــواق امجـاد راكب جنبو واحــــــد سميــــــــن لدرجة إنو ماقادر يســــــوق . في واحـد مسطـول راكب في الكنبه الخلفيـــه قال للسـواق.. ياابن العـم شيل دركسونك وتعال معانا بي ورا

..............................

- مســـــطول مشي الحـــج قالو ليه قوم طـــوف واسعي ؟ قاليهــــــم إنتو مش قلتو كل شئ علي البعثــــــــــه

- واحـد عندو ارنب عاوز يبيعــــو جاهو واحـد مسطـــــــــول قال ليه القرد ده بي كم ؟ رد الراجـل : دا ارنب ما قــــــرد المسطول قال ليه يا ابو الشباب انا سألت الارنب ما سألتك أنت
مسطول بصلى العصر واحد اتصل عليهو فى جوالو قال ليهو انت وين ؟ المسطول قال ليهو أنا فى التشهد

مشكور محمد خالد والله فرقت لينا وخرجنا من الدوام الممل للحظات لكن ارجعنى له صوت الساعى حينما قال لى : المدير عايزك أخخخخخ ..

يا وليد كيف المدير عندكم اتجاه شنو ؟ ما يكون من النوع الهنا يحب كسير التلج - هنا كسير التلج أسموا أدهن الجوج زكرتني معانا مهندس مصرى متخصص كسير تلج بقول للمدير : ياخي انت فيك ذكاء فطرى رهيب أها المدير يتنفخ ويصلح القطرة و العقال ويمشي الشغل طبعا الدوام هنا 8 ساعات من 30-7 ص وحتى 30-3 ظهرا , لو كل الناس الفي الغربة بتشتغل فى بلادها بنفس الحماس و الغيرة على العمل ما فى حد بتغرب وين لدوام السودان , من الصباح فطور فتة فول و جرايد وونسة فى السياسة والكورة وشتات و العمل واقف زى صفر الجماعة