اي زول عيد في الهدى يجمع بي هنا
والناس الماعيدت في الهدى يجمعوا بي هنا التانية
اولا عيدكم مبارك والسنة الجاية ربنا يحقق امانيكم الخاصة جدا
الداير يعرس يعرس والداير يحج يحج والداير يقرأ الجامعة يقراها
وامانيكم العامة بخصوص الهدى من تشجير وتزليط
وهنا ياتي سؤالي الاول
هل هناك اي تنسيق باغتنام فرصة حضور عدد كبير من ابناء المنطقة للتشاور
والتفاكر فيما بينهم بخصوص الزلط الهاجس الاكبر الان من حيث التكلفة ورصد الميزانية
وحتى حق الجاز للاليات وفطور السواقين عشان مايرجعوا زي المرة الفاتت
والسؤال التاني
موضوع التشجير هل هناك اي متابعه من قبل نفر كريم من ابناء المنطقة
ديل اهم سؤالين في الوقت الحالي
اسئلة اختيارية لكن تزيد من درجاتك في محبة الهدى
محو الامية التقنية كم عدد الكمبيوترات التي وصلت حتى الان
وهل تم تجهيز المكان المتفق عليه وابور النور من ترابيز وكراسي
وكل المستلزمات
شباب لازم ناخذ هذه الامور بجدية وعلى وجه السرعه لان اي تاخير تاخير اكتر
طيب هل في الامكان تعيين اشخاص يعتمد عليهم ويوكل لهم تلك الاعمال الجليلة
حتى يمكن متابعة الامر معهم
نسمع الاجابة بعد الفاصل

الاخ عادل سلامات وصباحتك بيضاء
طبعا نحن نجمع بي الجهة التانية
والله أسئلة مهمة خالص
بالنسبة محمو الامية التقنية اخر الاخبار عدد الاجهزة عشرة وسوف تصل الى 15 باذن الله ( دا كان اخر اتصال مع عمك حسبو )

الاخ عادل تحية امريكية من شوقى مروية

طبعا نحن من الناس البجمعوا بى هناك مع هيثم

بخصوص موضوع الزلط لعلك تابعت فيما كتب بخصوص حضور تيم من مهندسى المساحة الى الهدى وقاموا بعمل المسح الاولى للمسار وفى انتظار وصول الاليات وبدأ العمل وطبعا هذه المرة مشروع الزلط لا يحتاج لحق الجاز وفطور السواقين .. لان هناك تعاقد من حكومة الولاية مع شركة شريان الشمال
اما موضوع التشجير ليس به جديد وكل الملف بطرف الاخ حسن
موضوع محو الامية التقنية وتجهيز المكان .. فقد قامت جمعية الهدى الخيرية بعمل دراسة لصيانة وتسوير وابور النور وتم رصد تكلفة مبدئية وقد قامت الجمعية الان يتوفير 50% من التكلفة وهى الان جاهزه بطرف الاخ حسبو والذى من المقرر ان يكون قد ذهب الى الهدى لشراء مواد البناء والصيانة الاساسية ..
ومع ذلك قامت جميع الهدى الخيرية بدعم مالى مقدر لكل جمعيات الاحياء وذلك لتفعيل النشاط بالمنطقة وكحافز بداية لكل جمعية وليدة ..

الحبيب وليد لك التحية على هذا التنوير على سير المشاريع ونتمني المزيد من التقدم للهدى

الاخ هيثم حياك الله ونشكر لك وقفاتك القوية ومتابعاتك الاقوى لما يهم البلد واهلها الطيبين

علي حسب كلام اخونا السني الذي سافر مع الوفد الي وزاره التخطيط العمراني وبشرونا بان الخطاب سلم شركة شريان الشمال والاسبوع القادم ان شاء الله حضور الاليات وبدء العمل واتصالات مستمره من الحبيب الغيور د.سيف مع مدير الشركه وبشرنا خيراً

الاخ هيثم لك التحية والعيدية المباركة
تشكر على المرور

اقتباس :

طبعا نحن نجمع بي الجهة التانية

والسنة الجاية ان شاءالله من ناس الجهة التانية ولو اجازة نتمنى ان توافينا بكل جديد
تشكر لاهتمامك بمتابعة الامور واهتمامك بالهدى
وكثر الله من امثالك

سلامات ولدنا وليد
انت قريب كلها ساعتين ناس هيثم ديل في غربة
شكلك كدة انت شمس التهاني الاشرقت دي اخرتك من الجهة البي هناك دي
على كل ربنا يرد غربة الكل الداخل والخارج
عودة لموضوع التشجير

اقتباس :

اما موضوع التشجير ليس به جديد وكل الملف بطرف الاخ حسن

كويس انو في متابعه لمعرفة اخر الاخبار ولو انها اخبار ماجميلة لكن طالما في شخص بعينو واضانو ممكن نطرح له هذا السؤال والتلفونات عندكم بعد 9 م مجان تقريبا
وياحسن مالجديد في الامر

سلامات يادكتور
وصباحاتك جميلة

اقتباس :

علي حسب كلام اخونا السني الذي سافر مع الوفد الي وزاره التخطيط العمراني وبشرونا بان الخطاب سلم شركة شريان الشمال والاسبوع القادم ان شاء الله حضور الاليات وبدء العمل واتصالات مستمره من الحبيب الغيور د.سيف مع مدير الشركه وبشرنا خيراً

اي عمل يوكل للسني ودكتور سيف قطعا في ايد هميمة
ولكن نريد ان نكون متابعين لمعرفة اخر المستجدات
نسمع منك بعد اسبوع وجهز الصور