الزوجة الضلع الاخر ست البيت وكما يقولون البيت مرأه !! هاهو الشاعر الكبير محمد ودالرضى

يصفها فى رائعتة ست البيت والتى اهداها لمبارك حسن بركات ملك الحقيبة الآن فاجاد وابدع

وجعل للوصف قدمين بالشدو الجميل
ست البيت

كلمات: ود الرضى

اداء: مبارك حسن بركات

::::::::::

اريدا براها ترتاح روحي كل ما اطراها
ست البيت
قالت جارتا مجاوراها تجي شايله وتجي مزاوراها
تلحظ احتياجنا براها نشكر سعيها بي وراها
ست البيت
ربنا بالجمال كافاها لامن قال قواما كفاها
المسروره مي تافاها ياحلاة الكلام الكلام في فاها
ست البيت
راقيه سكوته من ميلادا مو سكاتاً تنو بوبلاده
نضيفه ومنظمين اولادا برضها عندي حلوه جلاده
ست البيت
تتلاصف سرور وجناتا الرافيه الكتار حسناتا
طيبة عشره مي غلاتا ماسابت الشباب لي بناتا
ست البيت
مابتحسب علي كليا تكرم كل منسوب لي
اطوع من بناني الي واشفق من جنايا علي
ست البيت
ماقالت بقيت حبوبه وتركت بوخته المحبوبه
لوجات من رياحا هبوبه بتحيي عروقك المهبوبه
ست البيت
من صابحتها وماسيتا طاعمه وناعمه لومسيتا
ماقاستني ماقاسيتا وتشكر فضلي كل ماكسيتا
ست البيت
مي العزايه دايما ًساقده ومي الغبشه المفبره حاده
مي اللهفانه بي ورا الماده دي اللي شبابا ديمه موادا
ست البيت
فاضي البال حليللا جنابو مااتغضبن لمس اشنابو
ولايوم سوء تفاهم نابو دي الامثالا نتغنابو
ست البيت
لو كان يوم حبيب واصلي الكرم العريض يوصلي
منها قط خلاف ماحصلي بس ازعاجا لي قوم صلي
ست البيت
ليه ماشكرا مطاوعاني وحافظه لمتعتي وحافظاني
حاويه من الانوثه معاني ومهما ابقى مر بالعاني

الاخ ابو الطيب اشكرك على الإضافة الضافية والرائعة

وطبعا ما دايرين نقول ليك زى ما انت قلت لصديق

خالد (انت رافعين ليك المفراكة)؟!!

الحبيب ابو الطيب

لك التحية . ـ

لقد ابدع ود الرضى وأجاد مبارك حسن بركات .. في وصف المرأة ست البيت .. ومهما قلنا عن المرأة وأهميتها في حياتنا سوف نجد أنفسنا مقصرين .. ست البيت أم العيال .. المريحة وشايلة عننا هموم كثيرة
حافظة لبيتها وأولادها .. الأهتمام بالزوج والأولاد وعند الضيوف صبورة لا تكل ولاتمل ..
ولاعجب أن وصانا رسولنا صلى الله عليه وسلم بالنساء خيرا ( خياركم لأهله) وأهله هنا معناه أهل البيت أي الزوجة ..
أجدد لك التحية أخونا ابو الطيب .

أخونا وليد التلب كتر خيرك نحن نعاين ليك تجيب لينا كلام الاسلام فى وصف المراة ومكانتها إجيب لينا كلام ود الرضي طيب النديك كلام فرح ود تكتوك قال ( النسوان ثلاثة مره , نصف مره , ولا مرة ) المره من العتبة ليوره , نصف مره بالجيران بالضره , ولا مره ناس السوق والشارع جابوا خبره ) أها أنا رديت عليك الشوال بي شوال ما مشيت ليك ليجوه ؟ وشكرا

يا ود فضل البصير احييك على المرور
و إيراد حكم ونوادر الشيخ فرح ود تكتوك وعهدى بكم انكم لا تستشهدون بكلام الشيوخ !!
وما قاله ود الرضى فى زوجتة لا يبعد عن مضمار الدين .. حيث الاسلام يؤطر للعادات السمحة والجميلة فى مجتمع الجاهلية قديما وما ابيات عنتره بن شداد العبسى ببعيدة وهو يقول :واقض الطرف ان بدت لى جارتى حتى يوارى جارتى ماواها
وقد اقر الرسول ذلك لما فيه من دعوة للفضيلة .. وما قاله ود الرضى بلغه سهلة وخفيفة يدعو جمبع الزوجات للتشبه بهذه الصفات والتى فيها - الطاعة - الرقة - النظافة -الحياء - الطهر - العفاف وهى من صميم ما دعى له الدين !!