ود الماذون حبابك وبضلك وتبروقتك
وحديثك الليو نكهة خاصة ماعارف لاكين
الجبنة والشاى على ده بعد ما نكون
ضربنا الشية والمرارة بتاعت كرامة
قدومك الاخضر الينا الدار دارك
يابا وانشاء الله اتعلى مقدارك

مرحبا بوليد وضله الوريف

ودالماذون.حياك الله.بلادي حنان وناسا حنان يكفكفو دمعه المحزون.اهل النفاج ولقيمات صباح العيد وجرتق عريسا فوق برش احمر ونلتقي في الضل العامر

الاخ وليد المأذون
اولا نرحب بيك وبانضمامك للمنتدى العامر بوجودك وجودك وضلك وكلك
ترحيب يليق بك وان لم تستطع الحروف فاعلم ان مكانك اسمى واعلى مما نكتب وفعلا انت اضافة حقيقية للمنتدى ونتمنى ان تواصل المشوار

ودمت لنا عزا
[ندعوك للتسجيل في المنتدى أو التعريف بنفسك لمعاينة هذه الصورة]

اهلاً وسهلاً بك ابن الخال على المأذون واتمنى ان لا تكون قد نسيت اسمى والعلاقة الرحمية التي تربط بننا .ورغم مرور الزمن الذى طال بيننا لكنني لن انسى فترة وجودك بيننا بالهدى وتلك الايام الجميلة حيث كنت ممثلاً بارعاً بمسرح مدرسة الهدى الثانوية حيث الاناقة والشعر المموج وان شاء الله ما يكون بقى صلعة وكيف اخبار الاخ محمد على الماذون الذى نسى اهله بالهدى نتمنى ان نلتقي وايلكم قريباً ونحمد للقائمين على امر هذا المنتدى ان جمعونا بكم وهذا هو المقصد والمكسب فلهم التحية

ودالمأذون عن إذنك أرحب بي في ضلك _ناولني البنبر داك_آآي_طالما النيل دا ممدود أصلو بلدنا دي ماحتكون سلة نفايات_حتظل سلة غذاء العالم_ بلد بتلد متل الكاشف وعلي المك وبابو نمر_بلد رقراق الشجر يلمها ومن سعن واحد نرضع شهامه وأرث خالد
ليك الحب وعقب برجعلك

الضل وشجرة مسرة
مفقودين

ياوليد ضل الضحى بجيب اللمة واللمة تحلى بالسمر والسمر ( سمح القول فى خشيم سيدو) ولك دوما تحياتى

ضل الضحي ما انت ضلنا
نشكرك وانت تجول بنا في ذكريات التبروقه والابريق وحليل زمن المطامير وقعده ضل الضحي وزمن المداقيق .
بدل المطموره بقي مخزن للفئران بدل العيش
ذكريات اللعب تحت ضوء القمر ولعب شليل وينو شليل وين راح
الماذون نرسل لك تحيانا من علي البعد وانت الذكري والتاريخ
ما انت تراثنا ومن دمنا.