نهنئ الاخوه المريخاب بالفوز المستحق ببطولة كأس السودان وهزيمة ابو الهل ( 2/ صفر ) فى عقر داره و داخل استاد الهلال .. المقبرة التى قبرت احلامهم .. وكالعادة المريخ يجرد حسابات الموسم ..ويسترد الدين عنوة واقتدارا ..
ويلا تغنو لاجمل هنو !!
راجى منك بس اشارة وكلمة تدينى البشارة !!
وهاردلك يا طارق والكورة مدورة !!

نبارك لك ياحبيب .. وفوز مستحق .. يستاهل المريخ لعب للفوز .. وهاردلك للهلال الذي كان في خسوف مساء هذا اليوم .. وهكذا هي الكورة .. وزى ماقلت ليك سابقا الدنيا هداية .. ورضاية .. وسداية ..

تشكر يامعلم

ونحيى فيك روح الرياضة وعمق الفهم وسلاسة التشجيع!! وكما قالوا : الدهن فى العتاقى..

الاخوة قبيلة المريخاب
تهنئة بمناسبة الفوز
وبي كدة الكورة يكون ليها طعم غالب ومغلوب

الاحباب الكرام
مبروك فوز المريخ وحظ أوفر للهلال
ولكن هناك شئ مهم جدا هو السقوط الأخلاقي للجماهير عامة حيث حملت جماهير الهلال لافتات مكتوب عليها ( دفن السكرانين فى مفبرة الساجدين ))هكذا كتبت وحملت جماهير الهلال - العنوان من ناحية لغوية لا يستقيم -
وفى الجانب الآخر رددت جماهير المريخ هتافات لا أخلاقية تجاه كابتن الهلال
وكل هذا نتاج الشحن الزائد من مما يسمي مجازا صحف وقنوات رياضية وبالذات قناة قوون ,
ساهم كل هذا فى خلق حالة من التوتر وتصوير المباراة كأنها حرب وليس رياضة
وبين هذا وذاك سقطت الاخلاق والقيم وكان منظر قائد الهلال فى المقصورة إكمالا للمشهد
رحم الله أخلاق أهل الرياضة , مافى زول تاني يقول ((خلى أخلاقك رياضية ))

التهنئة لفريق المريخ الانتصار والفوز بكاس السودان ونشجب تصرفات بعض الجماهير التي خرجت من المعاني السامية للرياضه ونقول ان الرياضه تدعو للمحبة والصفاء وكل معاني الوحدة ومرة ثانيه اخي وليد الف مبروك ومزيدا من الانتصارات للسودان وكل الفرق السودانيه .ولكم مودتي

مبرووووك الفـــــــــوز يا زعيم

مبروك لوصيف الممتاز الفوز الذي اهداه لهم خالد عبد الرحمن . الجماعه رفضو اللعب ودخلو غرفه الملابس بعد محاولات من رئيس النادي اقصد الاتحاد العام حدثهم انه اختار حكم اعمي ما بشوف ركله الجزاء مع بكري المدينه وكان الحكم طه حسين لاحتسبها ضربة جزاء ناهيك عن سقوط الحارس بدون اي داعي ولا يوجد زمن اضافي وطرد مساوي وهو ممسوك من الخلف بدل فاول كرت احمر ما قلت ليك معتصم جعفر رضاهم

مبروك للصفوة ومبروك للزعيم هذا الانتصار
نحي أخوتنا الهلالاب بالمنتدي علي روحهم الرياضيه وهذا يؤكد ان الرياضه تزيد المحبه وهي مجرد تنافس في المستطيل الأخضر وصاحب المجهود الوافر هو من بستحق النصر و التتويج.
نتمتي للمريخ والهلال والنيل والخرطوم التوفيق في مشاركاتهم الخارجيه والحصول علي البطولات الأفريقيه وهذا هو الأهم ليس جديدا علي الهلال أو المريخ الفوز بالممتاز أو كأس السودان وان شاء عام2011 عام بطولات لكل الفرق السودانيه.
ولكم تحياتي

ألم تسأل نفسك لماذا ( الجماعة) رفضوا اللعب؟
طبعا انت كنت في غرفة الملابس وسمعت الكلام دا ( وهاك يا كشف أسرار)
- لو قلنا ضربة الجزاء صحيحة 100% و جابها يوسف محمد النتيجة حتكون كم ؟
- انت شفت المباراة كلها ولا مرات بتغمض عينيك يا خال؟ يعني الهلال بس العندو ضربة جزاء غير محسوبه؟
- مساوي لما كان ممسوك من الخلف (قال ليهو يا زول فكني وعلي طول الحكم أخرج الكرت الأحمر لأنه سمع مساوي يتكلم) ياأخي دا حكم عجيب.
معتصم جعفر ما قصر معانا جاب هدف في الشوط الأول( وغيرنا اسمه الي هنو زي 2 و 12) وهدف في الشوط التاني (وغيرنا اسمه لراجي ).
معتصم دا ما ولدنا لازم يرضينا ونحن أصلا جايبنو ليوم زي دا.
انتو ما معاكم معتصم جعفر تاني عشان يرضيكم.
الاعتراف بالهزيمه فضيله

يا محمد طيب
هل كنت تشاهد كورة تانية ولا شنو ؟؟؟ الحكم ما حسب ضربة جزاء مع مصعب عملها عمر بخيت , واخري للهلال مع بكرى
اليوم الساعة 6م فى قناة قوون الرشيد بدوي مع خبير التحكيم الطاهر ذكر كل الحالات دى ضربات الجزاء صحاح وطرد بلة و مساوى صاح ومفروض يطرد اكثر من لاعب من الفريقين ياخى خليك منطقى و صحى الغلب حار , ولا انت افهم من الطاهر فى التحكيم , اها يا دفعة اخبار الشكوى شنو ولا ما مشيت مقر الكاف كدى ادينا خبر الجماعة راجى اقصد راجينك

الاخوة الكرام
نشكر كل الصفوه الكرام الذين اسعدهم فوز الزعيم بالامس هيثم - صديق - وائل كما نشكر ونحى الاخوه الصفوه بالتجنس طارق - عادل - مضوى - محمد طيب ونحييكم على المرور الجميل ..
والكورة يامحمد طيب ان لم تكن نصر وهزيمة فقد فقدت معناها ومتعتها
ونحن شعرنا بحلاوة هذا النصر لانه اتى بعد هزيمة .. والتحكيم تحامل على الفريقين وتعامل بمدأ توازن الكفتين مع ترجيح كفتكم قليلا .. والتى حتما لا تعجبكم !! بالله ماذا انتم قائلون عن الحكم لو خرجتم منتصرين ؟؟
والمريخ دوما لا يبطره نصر ولا تهزه هزيمة ..
عينو مليانة وخزاينو مليانة !!

[quote="وليد التلب"] الاخوة الكرام
كما نشكر ونحى الاخوه الصفوه بالتجنس طارق - عادل - مضوى - محمد

عني أنا أمتلك بطاقة عضوية في نادي الهلال للتربية منذ العام 1985م وين إنت كنت في ذلك الزمن .. وبعدين يأ اخي لما نكون صفوة كمان صفوة بالتجنس مثلنا مثل وارقو .. يا أخى حب سيد البلد يجري في العروق مجرى الدم .. لا ابدا لن نحيد .. وبنحبك يا سيد البلد غالب ومغلوب ..

الاخ طارق صباح الخير

انا اقصد الصفوة انتماءا وليس معنى ولو كانت الثانية فانت صفوة الصفوة !!

ياخ معقولة بس عضويه من 85 ؟؟

انا الزمن داك فى رابعة ابتدائى والمريخ والهلال ديل سامع بيهم طشاش !!

بالمناسبة انا راجعت بوست ( الحصة مكتبة ) ولم اجد ابناء دفعتك كما اشرت سابقا

الاخوة الصفوة كما تقولون استغرب لماذا تفرحون اذا رفضت شكوي الهلال ضد الصفاقصي ?مجرد سؤال? وماهوشعوركم لوفاز الهلال بالبطولة...? ونقول لكم يفرحنا ان يفوز المريخ بالبطولات الافريقية ..فلندعو جميعا لنشر قيم الرياضه ولنروض النفس اخوتي لكي نسمو ...ونقول للصفوة المتداخلين ان المريخ والهلال عينان في راس واحد اي انجاز خارجي لاحدهم هو انجاز للأخر ... ... ... ولكم محبة.

يا طارق يا نسيب
هل الحب يشيييخ
طبعا انت جسدت عدم شيخوخة الحب ولك منا كل الحب من قبل عضويتك في الهلال بكثير
بس خليك معانا وحب الهلال علي كيفك.
ولك تحياتي

ياوليد .. ياحبيب

أعتذر منك البوست هو موجود بعنوان ( سر الرقم 11) وليس الحصة مكتبة
اكرر اسفي لك يا حبيب

صباح الخير يا أخ مضوي
خروج الهلال لا يفرح أي انسان
ونحن من أول قلنا أن شاء الله الهلال يأخذ الكأس حتي لا يتنفس السودان برئه واحده
وقلنا ان شاء الله الهلال ياخذ كأس الجعرانيه عشان يكون تاني فريق سوداني يكون في السجل الذهبي الافريقي
ولكن عندما خرج الهلال بلا حمص (انا ماقلت بسبب حمص - بلا حمص) ظهرت المناكفات وهي من باب المداعبه عشان المره الجايه تشدو حيلكم وتمثلوا (ولا تمثلوا به) خير تمثيل.
نحن متأكدين100% ان الغرض من الشكوي (خاصة الناحيه الاعلاميه ) الغرض منها رفع الروح المعنويه للتيم و للجمهور من أجل الالتفاف حوله لمواجهة الزعيم وبالطبع نجحت خاصة في منافسة الممتاز.
أمنياتنا لكل الفرق السودانيه بالتوفيق في المنافسات الافريقيه العام القادم وخاصة فريق الهلال .
ولك تحياتي

أولا اعتذر لصاحب البوست الأصلي .. لتطفلي والرد على : الأخ مضوى :

واسمح لي أن أحي الأخ مضوى على هذه الروح الطيبة والدعو لترويض النفس والتحلى بالأخلاق
وناسف للإنفلات الذي صاحب المباراة الأخير و والذي نعزيه للشحن الزائد من قبل الأعلام لكل الفريقين

الاستاذ مضوى سلامات

نحن نتفق معك تمام الاتفاق فى ان المريخ والهلال عينان فى راس واحدة وان قيم الرياضة الجميلة هى التى تسود وان المناكفات والمداعبات هنا وهناك هى بهارات الرياضة اللذيذه .. ولكن انتم فى كل خطاويكم تنظرون لموقف المريخ منها ولا تنظرون لحالكم اولا !! ..الشكوى لم تفرحنا لعلمنا التام بعدم جدواها واشرنا لذلك بالسوابق ولكنكم لم ترعووا !! .. وتنظرون لرفض الشكوى بانه انتصار وفرح للزعيم وهى مشكلتكم دائما ولو فاز الهلال بالبطولة حتما سنفرح .. إلا وان توهمتم عكس ذلك وهى مشكلتكم ايضا ..

اخي وليد تخاطبني بانتم واقول لك فلنتفق انت وانا انه هنالك خطاب منفلت خاصة الصحافة (مزمل_الرشيد علي عمر....وهكذا من اعلام الفريقين دائما يدسون السم في الدسم ) مثلا : قبل قليل تحدث د.معتصم جعفر ونفي ماتناولته الصحف عن اساءة هيثم مصطفي لقادة الاتحاد وضيوف المنصة واشاد بكابتن الفريق القومي وهذا ماتناولته الصحف الحمراء وبعض الاخوة الصفوة بالمنتدي اخي وليد هنالك سموم كثيرة داخل الوسط الرياضي فنقول مرة اخري فلنروض النفس وننشر في منتدانا مايوحد الناس وما يجعل المحبة هي السائدة بيننا ونترك السموم سيجدها من يريدها متوفرة في الاعلام الرياضي العام والمتخصص اتمني ان اكون قد اوفيت دون مساس بمحبتكم _ولكم ودي
‏ ‏

الاستاذ فى كل شى مضوى

ان لم تضوى فمن يضوى ؟؟

لقد او فيت وكفيت وفعلا نحن كثيرا ما ننزلق فيما يرسمه لنا الاعلام (الاستثمار ) الرياضى .. والذى يدس كل السموم بغية تحقيق هدف واحد هو الحصول على اعلى ربحية من خلال اثارة النعرات وازكاء فتيل المهاترات
والمشاحنات من خلال خلق مناخ مواتى لذلك .. ونحييك على الطرح والسماحة وليتنا نستطيع ان نضبط انفسنا حيال انفعالاتنا .. ولنترك هذا المنتدى للمناكفات البريئة دون مساس ..

الحبيب وليد
يا مدرسة فن ولعب وهندسة
نعتذر عن الدخول المتاخر
ونهنئ كل الصفوة
صفوة الكورة وصفوة البلد
واسياد البلد
اصحاب الانجازات
والكاسات
المحمولة جوا
سيكافا ون
سيكافا تو
ودبى الذهبى
وجوبا مالك علي
والسجل الذهبى
فى الكاف
باسم الزعيم التحررى
والذى يجد الاحترام من الجميع
والتى اقيمت اخر منافسة لكاس العالم فى وطنه
الزعيم الوطنى نيلسون مانديلا
كاس الكئوس الافريقية
التحية لابناء المريخ
وهم يرفعون كاس السودان
للمرة العشرين
فوزا مستحقا كدا وعرقا
يعنى خدمة يمين وعرق جبين
التهنئة موصولة لصفوة المنتدى
ودامت الافراح

مبرووووووووك زيادة

تخش فى اى وقت بلا اعتزار الدار دارك والبلد بلدك

وانت صفوة وسيد بلد بالجد ماك سيد لبن !!

يا ةليد
يا (صفوة)
شكرا ليك
اللبن انكشح واشتت الاستاد