بكرة لما نكبر
ندخل المدارس
نعرف الكتابة
النحو الحسابا
ونفهم القراية
القصة والرواية
وندرس الموسيقى
النوتة والطريقة
ولما نبقى اكبر
خطوة خطوة نمشي
نمشي للامام
ننشد السلام
في كل حارة نبني
مدرسة ومنار
بين كل بيت وبيت
روضة للصغار
صحة موية نور
نشتل الزهور
تغرد الطيور
انشودة السلام

مرحب بك الطيب
الكتابة للأطفال ابداع
تخريمة //
شفع الزمن دة بيلدوهم بي سنونهن ..
شفنا حاجات اسمها كى جى ون والشافع طوالى على الكومبيوتر لمن حيرونا

شكراً الاخ صديق على المرور ربنا يعافي اقتصادنا السوداني ويجعل في كل يبت كمبيوتر لأن الاطفال عندنا يا داب في بداية المشوار يعنى شغالين play station حيث اصبحت محلات الالعاب من هذا النوع تفوق محلات الاتصالات سابقاً

الحبيب الطيب متعكم الله بالصحة والعافية
والتحية عبرك للشاعر مصطفى حسب الرسول
واصبحتم ..متلازمة الطيب ومصطفى
من اصعب انواع الكتابة
الكتابة للاطفال
تحتاج الى قدرات
وياما قرينا قصص
عمك تنقو..شرحبيل احمد
وعبد الحميدجودة السحار
والان اطفالنا
اكبادنا تمشى
على الارض.. تحولت
اطفالنا كبارنا يمشون
على النت