التحية للاخ صديق الماحي
ابوي الله يديه العافية عندو مقولة كثيرا مايرددها وهي
مش كويس الكويس كويس اللي بيعرف الكويس
لانو الكويس اصلا كويس وبيعمل حاجات كويسه لكن كونك انت تعرف وتفدر حاجات الراجل الكويس ده
اذا انت كويس
نشهد للباشمهندس علي بالكواسه والافكار النيرة
ولايحتاج منا الي شكر ولكن تثمينا لدوره واثباتا لحقه الادبي نحييه من خلالك ونتمني له ديمومة الكواسه
وصيرورة الطيبة
لكن ياود الماحي لو شفت الراجل ده تعبنا كيف الايام الاخيرة دي عشان نتصل عليه للمتابعة رغم وساطات عبدالرحمن مدثر وعوض الله عشان نسمع صوتو ونرسل ليه باقي القروش الموجودة مع الاخ ود الباس وكان دايم الاتصال والسوال املا في تكملة هذا المشروع الخير الخيري
علي ابوشنب عذبتنا وتلفونك مقفول علي طول
في النهاية اتصرفنا برانا واحسن من تصرف سوزي
علي نحييك والدنيا رمضان في ميزان حسناتك
واصل في مدنا بالافكار الجديدة وتجدنا عونا لك

الاخ صديق بن الهدى البار لك منى الود والتقدير
لكن الكلام دا كتير فى حقى
ونحن لم نفعل شى اصلا انما هى بضاعتكم ردت اليكم
ولك منى اسمى ايات الشكر

الاخ عادل خيارى
لك العتبى حتى ترضى
ونحن فى الفترة الاخيرة فى منطقتنا الشبكة فيها ضعيفة لاننا نحن بنبنى فى شبكة
بس تلفونى على طول مفتوح
ونسبة للضغط علينا من جانب العمل لم نستطع التواصل معكم
وعن موضوع التكييف كنت مركزا على اكمال الخطوة الاخيرة فية وذلك عبر التواصل الدايم مع الاخ عزالدين والاخ بلة خيار ومجمع المكيفات
وحقيقة الخجل لة دور فى ذلك
لكن تم بحمد الله وعونة الجزء الكبير وماتبقى نحن ملتزمون بة
وشاكرا لك كل الجهود ومقدرا لها
ومعكم حتى نبنى الدى من الجديد
قششة قشة

ياسلام هؤلاء هم الرجال يعملون من خلف الكواليس نعم هم الزاد دوما للهدي وايد علي ايد تجدع بعيد الاخ باشمهندس علي ابوشنب لايشكر علي بلده وهو رجل مناسب ووضع في مكان مناسب وقد عمل للهدي في عدة مشاريع وكانت كلها ناجحه لانه يعمل بجد ونشاط وهمه اتمني ان يحذو كل الشباب حذوه والهدي لن تنتكس لها راية طالما هناك رجال امثال علي وغيره وفي ميزان حسانته انشاء الله ونقول للاخ الهميم عادل خياري ربنا يكثر من امثالك فانت دوما في المقدمه وكنت تحس الشباب علي تكملة هذا المشروع باي طريقة وكانت تلفوناتك ترن في اي مكان من بقاع الارض هكذا هم دوما الطيبون امثالك اخي وفقك الله وسدد خطاك وكثيرون هم الذين يستحقون ان نمدحهم ولكن لانريد ان نسهب في الكلام وربنا يوفق الجميع وفي ميزان حسناتكم يارب

شباب زى الورد
وخاصة كمان الذين يقومون بمشروع كيس الصائم
ربنا يوفق كل الشباب فى المساعى النبيلة من اجل الهدى وانسان الهدى وتبا للجان الشعبية التى الى الآن ما قادرة تستلم كأننا فى العصور الوسطى
هل اللجان الشعبية ناس عايشة فى الهدى ويمشوا فى الأسواق عادى بدون خجل
فعلا الاختشوا ماتوا
والهيب هلى ناس الهدى نفسهم الذين سمحوا لهؤلاء الشرزمة فى العيش بينهم
قولو ليهم شوفوا الشباب بيعملوا فى شنو وانتو وين