الخبر العجيب والذى تناولنه وكالات الانباء
الاسبوع المنصرم
والذى مفاده الخروج من عباءة الجسد او الانسلاخ
اثار ضجة كبيرة ... ودويا هائلا
وسار الناس ما بين مصدق .. ومكذب .. ومزهول .. ومسطول !!
المصدق : قال : ختوا الكورة فى الواطة لانو الكورة من جلد والجلد من بقر والبقر ما بطير ..!!
المكذب : قال : معقولة بس لا لا لا الزول دا ما بعمل كدا انا عارفو لا لا لا
المذهول : يضع يديه على خده ويشخبط فى الواطة ولا يعى ما يكتب
المسطول : أ أ أ ه أ أ أه فى شنو ؟؟ قالوا ليهو : انسلاخ .. أ أ أه استنساخ ؟؟ النعجة دوللى .. ما زمان ولدت !!
لا لا انسلاخ انسلاخ .... ايواااا ضبحوها وما لاقين سلاخ ...؟؟ خلاص شوفوا عوض الله عندو فكرة .. لكن دا بتاع سخلان ساى
والله دى حكاية دى
ويستمر الوضع حتى مساء اليوم وما ان تفتح التلفزيون حتى ياتيك الخبر فى الموجز
انه قد تم احتواء الموقف وها قد عادت الامور الى نصابها والمياه الى مجاريها وطارق الى ذكرياته
كالتى طلقوها بعد الفطور وراجعوها قبل الغداء فوجدت كيس الخضار معلق !! ودخلت توووش فى ملاح الغداء زى الما حصل شئ !!
وعند نيوتن طبعا يتساوى الفعل ورد الفعل ولكن فى هذه الحالة تكسرت النظرية ونيوتن اخد عصاية فى نص ضهرو !!
حيث كانت الفرحة عظيما وكبيرة برجوع الاخ طارق رجوع القمرة لى وطن القمارى ..!!
وفوائد الانسلاخ :
انتعشت حركة الاتصالات طيلة اليوم مما جعل دعاء اصحاب الاسكراتشات ( اللهم ادمه انسلاخ واحفظة من الدوحة) ..
انتعشت حركة الفكر والادب وازداد عدد الشعراء والمفاوضين
تصدرت صورة اخونا صاحب النظارة العجيبة الصفحات الاولى من الصحف ..!!
وما ان سمع اهلنا العوامرة ( ناس الاريك - الكتير - ودعلى - مستعين بالله - والكنابى ) بهذه الرجعة إلا واتوا مسرعين الى الهدى
وقالوا ليك ديوان ود البشرى دا ما خلوا فيهو فرقة .. لمن اضطر النور البشرى لاستقبال الضيوف فى بيت ( اريبا ) !!
ناس الجامع داخلين يباركو
ناس شارع النص داخلين يباركو
ناس اللبن ( ورد ورد) داخلين يباركو
ناس النفرة داخلين يباركو
ناس السنى وملفاتهم داخلين يباركو
وايضا من الفوائد .. قالو ليك اليوم داك العوامرة ما خلوا قزازة بيبسى حايمة بعد الضبايح واكل اللحوم
وزول ساى جاب سيرة البتاع داك مافى !!
ولكن شوهد ود العطر شايل قارورة .. لكن لونها غير بيبسى وغير كولا يميل الى الحمرة والصفرة
يا ود العطر دا شنو الشايلو دا ؟؟ فرد بعفويته المعهودة جواك بطل جواك شامبيون !!
وعند العصرية والناس خلاص شبعت وضربت البارد جابو ليك شاى العصر !!
وتحلق الناس وهاك يامديح وهاك يا شعر وهاك ........ ال ( انسلاخ ) دا !!

نسبة للحركة الدؤوبة فى بورصة الهدى إثر الإنسلاخ المستنسخ إجتمع مجلس التجارة الدولية لتقييم الأوضاع وتزويد المنطقة بالبضائع الاستهلاكية المفضلة لتجمع العوامرة،وكان العنكوليب متصدرا لقائمة الواردات ،ووصل مندوب الجودة من مؤسسة المقاييس لفحص البضاعة ووجد أن هناك كميات من العدار محشوة داخل الطرود،وبعد تحليل فص فصين من العدار وجد أنه محقون بمواد مصرطنةوجارى التحليل لإحتمالية وجود أى فيروسات أخرى ،هذا وتمت محاسبة المورد بمصادرة العنكوليب وشاحناته، ووقفت جبارة المورد بوجود عمدة العوامرة حيث شفع له عن عقوبة السجن ،على صعيد آخر تمت مجموعة من الإنجازات بهذه المناسبة، منها سفلتت طريق الهدى الفريجاب ،وشارع النص بالهدى وجميع الشوارع الرئيسة،إكتملت عمليات التشجير والإنارة، كما تم إنتخاب أعضاء مجلس الإصحاح البيئى بميزانية تعادل (خمسة مليار يورو)وأقيمت ندوات ثقافية لتنوير المواطن بالهدى فى كيفية التعامل مع مخلفات البيئة،إرتفع مستودى الدخل الفردى للمواطن ومستوى معيشته مما حدا بالعمد والمشايخ بالنداء بضرورة تشييد قطارات أنفاق داخل الأحياءوإقامة مطار لكثرة الطائرات العمودية الخاصة ورغبة بعض رجال أعمال المنطقة فى الإستثمار فى الملاحة الجوية والله قال إنسلاخ قال

الاخ وليد
خلعتني بالقاروره الاحمر ومايل للاصفر اكيد قلت شايلها صاحبك رقم 11

الاخ ود الياس
نحييك على الاضافة (الفاكهة ) والتى ارتفعت بامالنا حتى سقف المستحيلات - قطارات - مطارات - انفاق ... !!
حاجة زى ما تكون محلق فى العواصف وفجأة تهبط فى العدار ..!!
ونحيى ظهور المفردة ( الجبارة وقفت ) !! والتى لم تطرق الاذان منذ فترة
كما نحيى الانسلاخ (الضجة ) الذى جعل الهدى تخلف رجلها مع كبريات المدن العالمية !!
....... والله لقيتا يا طارق .......

الاخ اللذيذ جدا ابو ريان

رفقا بالقوارير ....... !! ما تجيب لينا الكتاحــــــــــــــــــــــة !!

صاحبنا رقم 11 خلاص اخد جلدتو وسكت !!

وليد يامسكون

ود الياس تما الناقصة
بس معارف اجارى ناس الخيال
الواسع ديل كيف
لاكين مالقيتا
يا الاخ المنسلخ
والله بعد المفردات الملانة
محنة وطيبة انا مفكر انو أن٠٠٠؟

ازيك يا وليد
والله الانسلاخ دا دخل مفردات جديده علي المنتدي وأدي نكهه للمنتدي ولو عارفنو بعمل كدا كان زمان فكرنا في واحد نقول ليهو أحسن ليك تنسلخ.
وبمناسبة هذا الانسلاخ والشطه أرسل تحياتي الخاصة للأخ (الشطه) العزيز ةالغالي جدا علينا طارق المامون علي اتصاله وتفقده لي (بسبب الغياب عن المنتدي ثلاثة أيام لمشاكل في الشبكه العنكبوتيه) وطبعا قال لي أوعه يكون في انسلاخ فقلت له انتو القدوه ونحن بعدكم.
آخر مره رأيت فيها طارق كان عريس هو و الأخ قسم السيد محمد البشري ولذلك هذه هي الصوره العالقه بذهني حتي الآن ولن تتغير حتي أراه بلحمه وشحمه وليس عبر الصور.
ولكم تحياتي

الأخ الحبيب وليد
لك التحية . وعبرك لكل الأخوة الذين تداخلوا في هذا البوست الإحتفائية الشطة بس ..وهومت بينا في ضبايح ومدايح .. وشواهي .. ( عصر ومغرب ) .. بس قول لأحمد عطروا .. إتقي الشبهات لأن جواك بطل جواك شامبيون دا أولو شين .. وهنا في شبهة .. ونحن في حاجة لفتوى ..
كما وأشكر الحبيب ودالياس الذي سرح بنا من عدار وعنكوليب لمدن ومرافي بعيدة مداها.. تقطع ليها تذكرة بكبسة ( ضغطة ) زر .. وها نحن منسلخون ومهتدون راجعون لحضن الأهل والحبان الدافيء .. بس احذرك يا عوض اوعك تحاول مجرد محاولة ..

اشكر الأخ الحبيب صديق .. أنا في أثناء تداخلي وكتابة هذا الرد إتضح لي بأن هنالك مساهمة نازلة على الخط .. فأضطريت لعمل تعديل ..
وأنا ياصديق زي ما أنا اللهم إلا الصلعة زادت شوية .. وهنالك شيب قليل في ما تبقي من شعر .. أما القلب والروح هي طارق الزمان اللعب معاك الكورة جنب البيطري في موقع نادي المشعل الحالي ..لك التحية ياحبيب

الاخ عوض تحياتى

كلمة مسكون دى تستدعى البسملة ( بسسسسسسسسم الله) !!
ولا يهمك واثقين منك .... ونقول ليك :
انسلخ وتعال تلقانا نحنا يانا نحن لا غيرنا ( ش.........) ولا شامبيون !!
بالمناسبة يوم جيتكم داك قربت اقول ليك :
شامبيون ناس عوض الله زايدنو ........................ جنبك زول ؟؟
.......... موية ...........

صديق خالد حمدا لله على السلامة
يا خوى ثلاثة يوم دى كتيرة بالحيل !!
ولو ما ظهرت الليلة .. قررربنا نمشى لى دفتر الغياب بتاع الالفة الغائب صلاح الشيخ ..
لكن الحمد لله عرفتها وجيت !!
والله الانسلاخ عمل عمايل وخلق ثقافة جديدة وفعلا اضاف نكهة وبهارات حلوة للمنتدى
وطبعا بقى ذى الصندوق بتاع النسوان مش بقولن الصرفة الجاية حقت منو؟؟
نحن بقينا نقول السلخة الجاية حقت منو ؟؟ !!
كسرة سطر جديد
آخر مرة لاقيت طارق( منسلخا ) من دنيا العزوبية !!
والان منسلخا وعائدا الى دنيا المنتدى !!

وليد يا مسنون
برضو الناس امكن تفهما غلط
مسنون يعني حنكو سنين
مابراك الخواف
هههههه

يا وليد عملتا من الانسلاخ شربات
بس ذى ماقلتا ليك الخوف الشي
دا اعمل حركات مسلحة
واكتر الشامبيون

بالمناسبة هل الشطة مصرح بها ؟

طبعا يا طارق
انت المحتفى به فى هذا البوست لذلك لا تحتاج الى الشكر على المرور والذى منو !!
وود الياس لم يقصر فى ادخال التكنولوجيا فى العنكوليب وجعله فى قائمة السلع المصدرة
ولكن هذا العنكوليب المسكين لم يسلم من العدار .. والمواد المسرطنة المحقونة ..!!
وود العطر مالو ؟؟ .... عمل شنو؟؟ ... زول ضرب اللحوم وداير (هضامات ) على قول صديق ..!!
وما لقى لابيبسى لا كولا يعمل شنوووووووووو؟؟
كوووورة فى البيطرى؟؟ .......... ومع صديق؟؟........... دى جديييييييييييدة !!

عوض خيارى كتب:

وليد يا مسنون
برضو الناس امكن تفهما غلط
مسنون يعني حنكو سنين
مابراك الخواف
هههههه

يا خوى هيييييى وتانى ههههههى
الخواف ربى عيالو وعربية الدورية لااااافة !!

عوض خيارى كتب:

يا وليد عملتا من الانسلاخ شربات
بس ذى ماقلتا ليك الخوف الشي
دا اعمل حركات مسلحة
واكتر الشامبيون

ياعوض عليك الله ما توقعنا فى المحظور.... !!
هسى كلمة شربات دى .. لو جاها واو طائر دفر الالف وقعد فى محلو
ما ... طيارتنا قامت .... ولحقنا امات طه ....!!

عوض خيارى كتب:

بالمناسبة هل الشطة مصرح بها ؟

أســـــــأل مــــــــولانا !!

وليد إنت مجنون

سراج الدين الفاضل كتب:

وليد إنت مجنون

نشكرك يا سراج على المرور ... والذى يعتبر كمرور المفتش عند نهاية الضحوة
ياخى ...
منو فينا الما مسكون ومفتون ومجنون ومجردل بحب هذه البنية التى تسمى (هدى ) !!

اقتباس :

ايواااا ضبحوها وما لاقين سلاخ

اوع يكون دي السخلة البدلوها بي تلفون نوكيا

منو .... عادل خيارى ؟؟؟

انت الجابك هنا شنو ؟؟.......... يا زول اوع !!

براك ولا معاك زول كدى كشف ........... خلاص اهلا اهلا

الفى يدك دى شنو ؟؟ ........ موية صافية ........ كدى اشوف ........ صاح والله

اتفضل اتفضل ... طبعا بصوت مفخم ( بعد التاكد ) !!

والله شرفتنا ومرحبا بزيارتك ......... والسخلة حكايتها حكاية !!

الوليد كل سنة وانت طيب

يطيب عملك يا ود الشيخ

وحمدا لله على السلامة ...... كنت محسسنا انو الهدى دى ما فيها كهرباء !!
اى زول نسألو منك يقول صلاح دا فى الهدى .... الهدى دى وين ؟؟
طيب محمد طيب دا مافى الهدى ؟؟
ياخ لازما عليك تتواصل برا - بحرا- جوا
ولو غبت يومين بس عليك قضاء وكفارة !!