فى الاونة الاخيرة ظهرت موضة الكتابة على العربات(السيارات)الخاصة والعامة
فمنها المضحك ومنها المتناقض ومنها اللااخلاقى .......
فمثلا
واحد يكتب
خال فاطمة
واحد يكتب
سيد الاسم
بن لادن
بمناسبة بلادن
طبعا الكتابة بتتجدد مع الواقع المعاش
فبن لادن بعد ضربة 11 من سبتمبر
وبعد هزيمة المريخ
تلقى واحد كاتب ساساساساسادمبا
وهكذا
تاعلوا احبتى نتكب بعض من هذة اللافتات ونكتب كيف يمكن ترقية الزوق العام السودانى

لورى مااااااشى على مهلو فى شارع مدنى شايل قصب

على ضهرو مكتوب


الجفلن خلهن اقرع الواقفااااااااااااااااااات




هييييييييييييييييع

بجيك تانى

واحد كاتب
برضو+*غرورو
واحد فى عربية تعابنة كاتب
صقر البرزن

واحد بتاع ركشه كاتب

نفسي اقطع الكبري

واحد كاتب :
شوف عيني السكر نقــع

أحد الظرفاء حولها :
شوف عيني السكر(بكسر السين والكاف ) وقع

واحد كتب
بكره السفر مجان

وكمان هنالك مراحل بتمر بنفس السياره اى مراعات العمر
وهي جديده (البرنس,الاسد النتر وهكككككككككككككككذا)
بعد تقدم (يالطيف ,ياالشيخ فلان وهككككككككككككككذا)

واحد قطع حبل الغربة واشترى ليهو قلاب تراب
كتب عليهو (التراب ولا الاغتراب )
شكرا م / على ابو شنب

فى واحد من قرى الحصحيصا عندو لورى داؤدى هكره وكربه,ماكاتب عليهو حاجه ومعترض على الشخبته فى العربيه على حسب قولو.مشى وداهو الحصحيصا لتصليح عطل واحد من جمله أعطال كتيره.لما جاء راجع لاقاهو لورى جديد ماشى قدامو عصر اللورى شديد وماشى وعاصر وداير يتخطى.
وعملا,عملا فعلا الداؤدى سبق اللورى الجديد.لما كمل التخطى لقى اللورى جاريهو تركتر.
رجع للخطاط قال ليهو أكتب
ياصاحب الجود والعطا يا تزيدا ياتمعطا.

واحد عربتو تعبانه كاتب عليها
انت ما مجبوره علينا للكن نحنا مجبورين عليك

بتاع ركشه
كاتب عليها نفسي في مشوار

شايفي اشتري شاحنتين كتب عليهن
(الانقاذ) سالوه قالو ليو لي كاتب
الانقاذ
قال ليهم اشان ما اتقلبن

بتاع لوري كاتب علي التنك الكلام الجاز

سلام اخونا علي شكرا على الترويح والتنفس باريحية بوست تحفة يمشي مع بوست ود مدثر قهوة حسن البلة للفرفشة
واحد كاتب
في الليلة وراسم جنبها ديك
يعني في الليلة ديك اغنية زيدان

واحد كاتب في ركشــة :

دي ترباية حبوبتا..

ركشة معروفة في الهدى سيدها تعبتو بالصيانة كتب عليها (ماسورة)
الطريف في الامر بعد باع الركشة
اسم ماسورة ملازمو

الحبيب عوض الله ..

ماتشرح لينا ماسورة دي معناها شنو ؟ ليها فترة ماشة معانا كدى .. في كثير من البوستات تلقاها .

يا ابوضاح الماسورة من الشرح تعبتو بالصيانة معناها حاجة تعبانة
ولكن ياعزيزنا طارق علي العموم اللفظ او اقول ليك الزول دا (ركب
ماسورة) معناها الزول دا اتغشا (اتدقس ) مثلا اكون اشتري حاجة ماشغاله وهو لا يعلم اوبسعر مضاعف
او زول انهب مال من ناس علي اساس اقدم ليم خدمة وما اقدمها

واحد عربيتو تعبانة جدا الباب رابطو بحبل حايم بيها فى الحلة بس كاتب عليها (المسكينة تحلم بالظلط )

شكر ابو وضاح


الوقوف متكرر


(( السيارة للبيع)) ت /0918985516

اخونا ودالجراد كاتب على حافلتو (جرداوية )
بتلاقيكم فى السوق العربى -الاستاد

ودمت عادل

واحد عربتو تعبانه كاتب عليها ما بتدي حريف

واحد في الهدى عربيتو تعبانه كتب عليها : كعب العدم

بص من بصات المناقل مكتوب عليهو
يا المناقل يا المقابر

اشكرك اخونا علي ابو شنب علي البوست الجميل
وكل الذين ابهجونا

الشكر أخونا عوض الله على الشرح والتفصيل .
عشان نعمل حسابنا ما ندقس .

بعدين يا أخوانا البوست دا حقنا .. ما بنستاذن من اخونا على .

واحد كاتب على عربيتو :

فايت مقبل وين ..

واحد كاتب :

مركب على اللــه

واحد كاتب:
رفعت الجلسه

واحد كاتب
قشاش الدموع

بتاع لوري كاتب
رد الجميل صعب

صاحب لوري كل يوم مودي العربيه الورشه
كتب عليها الوجع راقد

جنايني اول سنه زرع طماطم الطماطم ضربت معاهو تمام
اشتري بوكس كتب عليهو سفريات صفقه ونواره

بتاع لوري ناس المرور كل يوم مخالفه
كتب علي عربتو سعرتو

التعبير عن الزات غريزه فى الأنسان أيا إن كان واصحاب وسائقو العربات توفر لهم (ميديا ) من نوع خاص
وهم فى ذلك يتفننون
فمنهم من يكتب على سيارته باسم قبيلته أو ينسبها إلى جهته
مثل ~شايقيه _جموعيه _كاهليه
الخ..
ومنهم من يبث من خلالها لواعج معينه عاطفيه كانت او دينيه اواجتماعيه
وهاكم مجموعه من العبارات او الكلمات التى تكتب فى السيارات
عين الحسود فيها عود
أيه يعمل الحاسد مع الرازق
رضاك يا يمه
يارب القبول
مهر الفنجريه
حصاد السنين
ثمار الغربه
مفطوم اللبن مابسكتو اللوليي
القلب لو اباك الوش بديك خبر
العيشه خشم بيوت
زمن مافى
الحاج متولى
وغيرها من العبارات الموحيه
اما مرآيا الحالات فقد أستأثرت بنوعيه خاصه من العبارات
أنا شفتك وييين
بعيونى بعاين
كلمينى يامرآيا
ماذا عليك إذا نظرنا

بوست جميل
اول مرة اعرف كلمة ماسورة معناها شنو ؟
شكرا ابشنب
شكرا عوض الله يا ماسورة

مغترب رجع البلد
اشتري عربيه كتب عليها عيون في الغربه بكايه

في الزلط واحد ماشي اللوري القدامو كاتب كان راجل الحقني زعل لحقو وفاتو اتلفت لقاهو كاتب الكيشة قدمو والحقو

من الناس الابدعو في مجال طرايف الكتابة علي العربات عثمان ابوشيبة نامل ان يدخل علينا الصحفي العملاق

واحد عامرى قريب ناس طارق اظن الموسم ضرب معاه تمام !!

كتب فى اللورى .. شطة بس !!

واحد عاجباه الحافلة بتاعتو عجب شديد كاتب عليها

الرسول فجوا ليها التقدل !!

لورى تراب مكتوب عليهو زينة وعاجبانى !!