جميل جدا قبل شوية كنت ماري
بالشوارع وبعاين لموية المطرة
وبفكر في طريقة التصريف
يعنى شغل بتاع عجز بس
يعنى الشغلة مابتكلف اكتر من
برميل جاز وكم بابور واجرجرو الاحيا
كلها وقبل دا نحي المصرف الرئسي

اقتباس :

الزام الناس بالنظام العام ،واحترام القانون،وحتى تنشئة اطفالنا على هذا يعودهم على سمات شخصية جيدة ومفيدة لهم فى مستقبل حياتهم وتدعم تحملهم للمسؤولية،كذلك اهمية الغطاء النباتى فى التوازن البيئى ،الاهتمام بالتشجير فى المنازل والشوارع ،محاربة برك الموية الاسنة من تكسر شبكات المياه

تسلم ياحبيب

أكيد بتخطيط الهدى الجميل لو الناس اهتمت بالشوارع واى زول زرع ليهو شجرة شجرتين قدام بيته حا تكون الحكاية روعة

علنا نضع الفية الدكتور كامل شوقى ،راعى غابات السودان ،عمل قصيدة طويلة بين فيها اهمية الاشجار فى حياة الناس ،واثرها فى المناخ ،وهذا برضو يرجعنا الى ثقافتنا العليلة ،وهذا هو الهم الاكبر!!

الحبيب ود الياس
تحية حب وود
لمست فى بوستك قدرا كبيرا من الوجع والهم..
وبمثل ما نحتاج لصحة انفسنا...
كذلك نحتاج لصحة البيئة لانها جزء هام من صحتنا..
ونحن نقبل على فصل الخريف ..
والذى ياتى بالخيرات والبركات لنا نحن ابناء الجزيرة..والهدى
لكننا نحمل هم الماء الراكض وانثى الانوفوليس..قاتلها الله
قبل ناس الصحة..حيث يصاب الناس بالملاريا..
والحمى التى اشتكى منها المنتنبى..ويشتكى منها نلس الجزيرة اكثر
مما يسبب عدم القدرة على الانتاج..والعمل
وفشل المسور....
ونحن فى الهدى ذات الارض الطينية..
وفى ظل عدم وجود مجارى تصريف بسيطة..بالوابورات
فان الله وحده يعلم كم نعانى..خاصة ..اؤلئك الذين
يسكنون جوار الساحات الخالية من السكان
وكلكم شاهد منظر الماء الراكد واستمراريته حتى بعد الخريف
حيث لا حسيب ولا رقيب..ولا حياة لمن تنادى
واشاطرك الراى على قيام جمعية اصدقاء البيئة
وزى ما بقولوا الجمرة بتحرق الواطيها
ونحن اولى بهدانا من ناس الصحة
بعد الذى ذكره الحبيب الطيب محمداحمد عن حال السلخانة
اما حديثك عن التشجير..وربما هذا بعض من تخصصك فى الجامعة
وانت اهل مكة التى ادرى بشعابها
يا اخوى الشجر بعد اقوم سمح واخدر تب ويعمل ضل
قبل ما تتهنأ بشراب الشاى ولا القهوة
ولا تقيل شوبه كدى..
فجاءة تلقاه بقى اصفر
وورقو اتحتحت وبقى هيكل عظمى
وكمل من لحم الدنيا
وبعد داك مصيرو التكل..طبعا قبل عصر صاج الغاز والافران الالية
لا ادرى ما يصيبه ولكن ربما هناك طبقة معينة من الارض عندما تصلها
الجذور تتوقف عن النمو..
ومرة اخرى تجدونا على اتم الاستعداد للمساهمة
لجعل ثقافة صحة البيئة ثقافة ممكنة ومتناولة للجميع
ودمتم

شكرا ودالياس على هذا الطرح صاح كلامك ومن هنابحي عماد خالد امام جامع حي البان في كتير من خطبوركز علي المسألة دي ومش كده وبس اذا بلاعة مدفقة في الشارع ينبه ناس البيت المعني :نحن قلنا شنو؟ وبعدومفروض يجي دور الاستاذ والاب والام واي زول يشوف الغلط يتكلم ويصبرعلي نصايحو ومحاربتو للعادات المتعلقة بالصحة

بعدين حقوا ننشرثقافة الناموسيات خصوصا انهابقت توزع مجان لانها تقينا شر مصايب كتيره

بعدين ياودالياس النسألك حسب تخصصك الشدر ابقي يقوم في الهدى الحاصل شنو ماعندك خبر في المسالة دي انشاءالله معلومة قديمة الليلة غير الشوكيات نادر ماشدر يعمر

الحبيب ود الياس..
تحية الاحباب من الاحباب للاحباب
ان اوراق الصداقة والاخاء والمودة..
مخضرة ويانعة وجميلة.وزاهية
وان حبسها حابس ..فان جذورها ..
الممتدة من القلب الى القلب..مابين
مدينة الحبيب وسيد الخلق اجمعين
ورياض الخير والاحباب..
تظل تروى بصدق المحبة..وعميق الاخاء
وغدا تشرق شمس يوم جديد بامل جديد
وفال حسن..جديد[img][/img][img][/img]