لاشك ان كل منا يقضى سحابة نهاره فى عمله .. والذى ياخذ منا جل الوقت والطاقة لذلك نهاية الدوام يكون الواحد مكدود ومجهد
... ويا ربا توصلو السرير ...
ويجد البيت مرتبا مهيأ لاستقباله .. مخدعا مريحا .. وملاذا امنا .. وظلا ظليلا .. وزوجة رضية قضت نهارها فى هذا الترتيب والاعداد انتظارا لوصول الزوج ..
والزوجه وهى بين الترقب والانتظار ....... وهاهو ابو فلان قد اتى .. يحمل فى يده اكياس المستلزمات وفى الاخرى جريدة ........!!
غيار - اتكاءة خفيفة - الغداء - الجريدة
وتاتى ام العيال للجلوس والونسة وفتح المواضيع .... ولكن الجريدة !! ....... ثم صلاة المغرب و الجريدة ... ثم صلاة العشاء و الكورة ..!!
ويستمر المنوال مما يسبب امتعاضا من الزوجه على اهتمامات الزوج الانصرافية ..!! والتى ترى فيها عدم الاعتبار والتهميش ..!!
ويأتى التزمر
انت الجريدة دى ما كملتها هناك مالك؟؟
فاتح الكمبيوتر تانى الشغل دا اصلو ما بكمل ؟؟ النهار كلو مصنقر ..!! النت دا بعميك ..!!
كورة كورة تعب وسهر ساى فى الفاضى ..!!
الناس البضربو ليك ديل النهار ما كفاهم ماسك التلفون الليل كلو ..!! ودى منو كمان ؟؟
مع العلم ان للزوجه حق فى ذلك وهو مهضوم فى كثير من الاحيان ...!!
حيث ترى ان يوفر الزوج هذا الوقت للاهتمام بها وابناءها طالما ان كل الوقت خارج البيت فى الشغل
لذلك رباعى الخطر بالنسبة للزوجه :
الجريدة - الكورة - المكالمات اليلية وخصوصا من بنات جنسها - الكمبيوتر والنت - وكل ما من شأنه ان يصرف عن الاهتمام بها فى هذه الفترة
ولكن اختلف الامــــــــــر تماما حينما تعلق امر النت بمنتدى ( قبلة الانظار )....!!
حبث كل الزوجات فى رضا تام حينما يكون الانصراف عنها لمنتدى قبلة الانظار .... وحتى ان كنت ناسى او متعب ولم تتجه لفتح اللابتوب
يتم تزكيرك بى : الليلة خبارك المنتدى مقفل و لا شنو؟؟
وفى كثير من الاحيان تكن هى مشاركة معك فى التصفح فى المنتدى وقراءة المواضيع ومتابعة مستجدات اخبار البلد
والسرور لاخبار التهانى والحزن لاخبار التعازى ...!!
اذن الزوجه راضية تمام الرضا عن المنتدى والكمبيوتر .. ويمكن ان ترضى عن الكورة ان تركتها تتصفح وذهبت للتلفزيون
وليتها ترضى عن الجريدة ايضا ...!!
... موضوع استقرائى لوقائع حال الزوجات مع منتدى الهدى واتمنى الاضافة من عدة زوايا ....
ولكم ودى

الأخ الحبيب وليد
لك التحية
موضوع في غاية الروعة والجمال .. وسرد مشوق لواقع الحال ..
وكأني بك تذكرنا بأهلنا ,, حيث وصانا الرسول بالنساء خيرا ..( خيركم لأهله )
وهو في الحقيقة خماسي وليس رباعي .بإضافة . الشغل لماذكرت .. تأخذ كل الوقت ..
ولابد من الإنتباهة الى الأسرة والزوجة خصوصا ولحقوقها المهضومة حتى لا تصل مرحلة المفراكة كما ذكرت في موضوع آخر ..
تشكر يا حبيب

يا طارق ردد معى آمين

اللهم اجعل المفراكــــــــــة للباميا والخدرة والويكة والروب !!
ولا تجعلها خلفك وانت امامها جارى وتصيح ووب .. ووب !!
آمييييييين
لكن برضو الا تتفق معى ان للمنتدى وقع خاص عندهن ويحمل دلائل الرضاء ؟؟

نحن عشان ما نردد معاك نشيد العلم دا ..
اشركنا معانا امنية .. والجنى ابو نضارة عجيبة دا كما تقول عشان يكونو ستار ..
وأتفق معك تمام الإتفاق بأن منتدى الهدى له وقع خاص وله كل الرضا والقبول لما لا وهي قبلة الأنظار ..

اعملوا حيييييييييييييييييطة !!
نحيى المدافعين الصغار امنية ومؤمن ..
ونحن جند الله جند الوطن
وحدق العيون ليك ياوطن اصبح مقر اصبح سكن
لكن ما ترمش وترميهو..!!
ههههههههههه

ههههههها نستلفها منك ياحسن ...
الحيطة والستار ليس لمنتدى الهدى يا حبيب .. دا عشان القعدة في النت الطويلة

والله تمام الرضا
وما براكم ياطارق و وليد
العاملين حيطة
كلنا في الهوا سوا
وانا بطالع في هذا البوست
اتذكرتا ناس كتار
استاهلو المفراكة
وانا اولهم
ووليد شاهد ٠

عوض خيارى كتب:

والله تمام الرضا
وما براكم ياطارق و وليد
العاملين حيطة
كلنا في الهوا سوا
وانا بطالع في هذا البوست
اتذكرتا ناس كتار
استاهلو المفراكة
وانا اولهم
ووليد شاهد ٠

عوض حمد لله على السلامة

يا زوووووول هيييييييييي انا شاهد ما شافش حاجة ......!!

الرائع وليد التلب على كل منا اعادة صياغة روتين حياته اليومية

المعز حمودة على كتب:

الرائع وليد التلب على كل منا اعادة صياغة روتين حياته اليومية

تشكر معز على المرور والدعوة لإعادة صياغة الدوامـــــــــــــــــــة الحياتية وجعلها اكثر بهجة

انا شخصيا في البيت قاعد اتصفح منتدي الهدي فع الزوجه وقد تكون بعض المشاركات لها القدح المعلا بالرغم من انها تملك حساب خاص بها ... لكن ما يحلي ليها الا لما اقعد فيهو انا

غايتو جنس محن
هههههههه

حسن اسماعيل يا محن

نحييك ونحيى الدكتور والتى اختفت طويلا مع كثرة المناشدات لها بالظهور ..

ولكن ما يطمئن

ظهورها من باب المتاوقــــــــــــة الرسمية عبر حسابك .. لكن اعمل حسابك .. !!

حساب المنتدى هييييين .....!!

ههههههههههههههههههههههههههه

وليد التلب كتب:

حسن اسماعيل يا محن

نحييك ونحيى الدكتور والتى اختفت طويلا مع كثرة المناشدات لها بالظهور ..

ولكن ما يطمئن

ظهورها من باب المتاوقــــــــــــة الرسمية عبر حسابك .. لكن اعمل حسابك .. !!

حساب المنتدى هييييين .....!!

غايتو لو ما منتدي الهدي ماعارفين كان بنتصرف كيف
هههههههههههههههههههههههههههههه

ههههههههههههههههههههههههههه

حسن مســـــــــــــــاء الخير

الحمد لله بقت فى المنتدى ولو ماكانت فى المنتدى إلا تعمل ياااااااااااااع انسلاخ يافردة
هههههههههههاى هههههههههههههه ههههههههههههاى

سلام وليد ياوليد ياحرف العين

اقتباس :

... ولكن الجريدة !! ....... ثم صلاة المغرب و الجريدة ... ثم صلاة العشاء و الكورة ..!!
ويستمر المنوال مما يسبب امتعاضا من الزوجه على اهتمامات الزوج الانصرافية ..!! والتى ترى فيها عدم الاعتبار والتهميش ..!!
ويأتى التزمر

وليد انت معانا ولا مع غانا والخيانا
ورينا انت شايت وين عشان مانكون ضدالتيار والاتجاه المعاكس
بعد كدة نرجع ليك

وليد التلب كتب:

حسن مســـــــــــــــاء الخير

الحمد لله بقت فى المنتدى ولو ماكانت فى المنتدى إلا تعمل ياااااااااااااع انسلاخ يافردة
هههههههههههاى هههههههههههههه ههههههههههههاى

ياوليد المنتدي ده الحاجه الوحيده المقنعه
زي الديجيتال لو لقوك فاتح اسبيستون مابسالوك
لكن مما تمشي للبناني ههههههههه الله قال بقولك
ههههههههههههههه

عادل خيارى سلامـــــــــــــــــات

حرف العين عدييييييييييل كدا وفى نص المنتدى ؟؟

انا معاكم لمن تكونو لاعبين فى غانا ..!! ومع غانا لمن تكون وحيدة باسم افريقيا ..!!

ولو قلنا ما مع الخيانا المفاريك جايانا

ههههههههههههههههههههههههههههههههه

حسن اسماعيل كتب:

وليد التلب كتب:

حسن مســـــــــــــــاء الخير

الحمد لله بقت فى المنتدى ولو ماكانت فى المنتدى إلا تعمل ياااااااااااااع انسلاخ يافردة
هههههههههههاى هههههههههههههه ههههههههههههاى

ياوليد المنتدي ده الحاجه الوحيده المقنعه
زي الديجيتال لو لقوك فاتح اسبيستون مابسالوك
لكن مما تمشي للبناني ههههههههه الله قال بقولك
ههههههههههههههه

يا حسن زمااان فى ام درمان فى كافتريا شرق المستشفى وجوار المدرسة الانجيلية اسمها كافتريا الشيخ اللبنانى..!!

انت قاصد دى ؟؟ هههههههههههههههههههه

والله صح انتو اليوم كل غايبين نصو في الشغل والباقي فيما ذكرت وديل اخير منهن الشغل فيمكن التواصل عبر الهاتف لكن لما الواحد يمسك ليهو جريدة تاني مابسمع والعجب كان قعد في النت بطش شبكة عديل ومامتنا لكن شقينا المقابر قلت لمريم انت وليد دى قاصدك عديل كدى

وهن مامشكلة المبروكات قلبن كبير الواحدة كليمة حلوة بترضيها لكن عيالكم زينة الحياة وطعمها بشيلو اسمكم ويرفعو راسكم في الدنيا ويوم القيامة يلبسكم ربكم تاج الياقوت فيه ضوءه احسن من ضوء الشمس في بيوت الدنيا وتخاطبون ربكم بما اوتينا هذا يارب فيقول باخذ ولداكما القران من منا لايحلم بهذا التكريم

ياربي في الزحمة وين هم منكم ولاحظهم الصورة الرمزية ماشاء الله عليهم جملين محمد ومهدي وبت شيخ مهند وبت علا وود طارق واولاد عادل و٠٠٠كلهم صور تزين المنتدى ليتنا نحافظ على هذا الجمال ٠

الله يديك العافية مســـــــــــــــره

وعبر نحيى الاخت مريم وابناءها الرائعين .. وزوجها الاروع كبش الدين !! والذى كان يستشيرنى تلفونيا فى كيفية عمل ملاح اللبن .. وحينها علمت ان الاخت مشغولة بمسلسل (جانقوما ) !!
وكما قلت كليمة كليمة بترضيهن .. ولهن التحية وهم قابضات على جمر القضية فى زمن البوتجازات حيث اصبح لا جمر ولا قضية ..!!