كنت عاطل عن العمل اخيط الطريق بالعجلة من السوق للبيت للدكان بتاع طلحة او شيخ الدين ان مسكو موضوع الكورة فيها وان جابو سيرة الحواشات تلقانى ولا صمد النمرتين نسمع بقيام الحملة القومية للشل تلاقينا اول واحد يجى انا ود الصالح عاملين تيم خطير وعبد اللطيف ومختار على تيم مرة ود الشايب قال لرئيس الحملة ماعندك اسمح من ديل ود الصالح وودالبله ديل خطر على الحملة ديل يطفشو الشفع ويبوظوا المستهدف من التطعيم ود الصالح سريع فى التطعيم يلم فى الشفع ريالت ده فى طنب ريالة التانى وانا اسجل وتابعو وهو يكورك سجل خمسة سجل 10 جينا فى كمبو بعيد والدنيا شتاء قارس معظم الناس رجالا ونساء فى الخلاء والاطفال متوشحين بالغبشة والتراب وسايرين معانا حبل من بيت لبيت وددالصالح يطعم فى لمح البصر وانا اهش فى الشفع هيى هييييى هييي السيرة شنى قال لى انا خرمان جبنة قلت حا تشرب جبنة بس الصبر كلما ندخل بيت يدونا موية شراب وكل شوية موية قال اكيد فى بلاغ للناس دى انو نحنا مصابين سكرى قلت ياراجل الجبنة فى البيت الجاى موية السلام عليكم الموية بعد السلام مباشرة السلام عليكم موية اخر بيت قال لى راسى داير يقع الصبر اخر بيت دخلنا فيه جاء شافع شايل كورة كبيرة جدا مليانة موية بت ختاها قدامنا وقال اتفضلو قلت لود الصالح حرم تستحم انت اول واحد؟

مصطفى البله على كتب:

قال لى انا خرمان جبنة قلت حا تشرب جبنة بس الصبر كلما ندخل بيت يدونا موية شراب وكل شوية موية قال اكيد فى بلاغ للناس دى انو نحنا مصابين سكرى قلت ياراجل الجبنة فى البيت الجاى موية السلام عليكم الموية بعد السلام مباشرة السلام عليكم موية اخر بيت قال لى راسى داير يقع الصبر اخر بيت دخلنا فيه جاء شافع شايل كورة كبيرة جدا مليانة موية بت ختاها قدامنا وقال اتفضلو قلت لود الصالح حرم تستحم انت اول واحد؟

والله يا مصطفى الخرمة والقريفة بتاعت الجبنة دى صعبة شديد وبتفهق الزول من عنقرتو .. !!
وحكايتكم دى زى حكاية المداح نزلوا عن زول حالتو تعبانة فطور كسرة بى موية غداء كسرة بى موية عشاء كسرة بى موية
وبكرة الصباح الشافع جاب ليهم الفطور لقمة بى موية ,, واحد من الجماعة تضايق ومسك الشافع من يدو وقال ليهو : انتو ضابحين زير ... !!

تسلم يا وليد على التعقيب الظريف الزلط ماشى كيف الردمية تمت والحكومة تزكرتنا قبل ما نتمرد ونخش الغابة وهى اقرب غابة لينا القدام الكنار ونعمل ليها غلاغل

ياود البله في حملة التطعيم مالاقين جبنه؟ دا عدم خطوه_إنت عارف في نفس الحمله ديك أنا كنت زميل للثنائي المرح_مامون مبارك ومحمودمحمد علي_كان التطعيم في ودإغيبش_مامون طلع بزوجه عديل ماجبنه_كنا أنا وعم محمود أهل العريس وأولياء أمرو_قعدنا مع أهل العروس بكامل الأهليه وقوانا العقليه نطلب يد بنتهم لإبننا مامون_تم القبول وقطعنا اليوم_ولم يخزلنا مامون وكان زواج ميمون

سراج الدين الفاضل كتب:

ياود البله في حملة التطعيم مالاقين جبنه؟ دا عدم خطوه_إنت عارف في نفس الحمله ديك أنا كنت زميل للثنائي المرح_مامون مبارك ومحمودمحمد علي_كان التطعيم في ودإغيبش_مامون طلع بزوجه عديل ماجبنه_كنا أنا وعم محمود أهل العريس وأولياء أمرو_قعدنا مع أهل العروس بكامل الأهليه وقوانا العقليه نطلب يد بنتهم لإبننا مامون_تم القبول وقطعنا اليوم_ولم يخزلنا مامون وكان زواج ميمون

ما شاء الله يا سراج

حملتكم دى مش عندها خطوة بس , دى عندها شبح عديييييييييييييييييييل , بدل الجبنة طلعتو بى ستها ذاتا .. !!

ههههههه هههههههه ههههههههه

ســـــــلامات يا ود البلـــــــــــــة

حملاتك عينة

ياريت بس لو تكلمنا عن الحملات التالية لو كنت احد افرادها او سمعت عنها :

حملة السم ,

حملة البامية ,

حملة حطب القطن

حملة إراقة إنتاج أم قـلـــة

وليد التلب كتب:

ســـــــلامات يا ود البلـــــــــــــة

حملاتك عينة

ياريت بس لو تكلمنا عن الحملات التالية لو كنت احد افرادها او سمعت عنها :

حملة السمحملة البامية ,

حملة حطب القطن

حملة إراقة إنتاج أم قـلـــة

الحملات القلتا عليها دى نحنا ما نفهم فيها  نحن تبع الصحة العامة والصحة العلاجية