اليكم ( طبق اليوم ) والذى يعده لنا من داخل احد بيوت العزابة ..

الشيف مهدى خلف الله !!

المقــادير : ــــ

1) 3 طبق بيض

2) 2 كيلو طماطم

3) قارورة زيت صباح ( وسيبكم من الزيت الفلت ) ..!!

4) بصلات

لتصبح الوجبة ما يسمى بال ( شكشـــــــــــــــــــــــوكة ) ....... !!

اعزائى الكرام المقادير اعلاه هى بالضبط التى استخدمها اخونا مهدى خلف الله الظريف والطريف وصاحب النكتة الحاضرة !!

وذلك فى بيت العزابة بالعراق وكانو مجموعة كبيرة من ابناء الهدى ,,

حيث تصادف ان تمت عزومة الاخ مهدى لافطار بمنزل احد العراقيين وفى طاولة الفطور وجد طبق لذيذ وعجبو شديد ..

ووقع فيهو ضرب ,, وسأل من اسم هذه الاكلة والتى هى شكشوكة ,, وعزم فى قرارة نفسة ان يعملها فى بيت العزابة يوم حلتو ,,

وهاك يا إعلام ,, وهاك يا تشويق ,, وهو طبعا ضليع فى ذلك ,,

وحينما اتى اليوم الموعود والذى كان كيوم ( مباراة مازيمبى بزريبة العيش ) .. !! ومهدى منتشى جدا ويقول : والله الليلة تاكلوا حاجة

عمركم ما اكلتوها ,, والله تاكلوها تانى ما تخلوا بيضة حايمة ,,

وصاحبنا جاب ليك البيض كلو وضربو فى جردل ,, وعلى طول قطع الطماطم ورماها فى الجردل ,, ووضع الصاج الكبير على النار

وصب الزيت ,, وبعد سخن وبقى يشطشط ,, افرغ محتوى الجردل فى الطوة الكبيرة ,, وهاك يا سواطة ,, مرة بالكامشة المقصوصة

ومرة بالمفراكة والبيض ما زال بيض ,, حيث لا يوجد انسجام فى المكونات ..!!

ولمن خلاااااااص فتر من السواطة والبيض مازال سائلا ,, والجماعة رصوا الكراسى حول التربيزة وفى انتظار الاكلة الرهيبة ,,

والشكشوكة لا توجد لها ملامح فيما يصنع ,, قلب هذا الشى فى صحن كبيييييير واتى به للجماعة وهو مهزوم (5/2)

وقال ليهم : (عملت ليكم ملاح بيض ) ........ !!

وطبعا لحلة العزابة الكثير من الطرائف والتى ارجو ان لا تبخلوا لنا بها وطبعا هى فى اغلب الاحيان ( قطر قام ) والبتفلسف بقع

ولكم مودتى

لك التحية الأخ وليد ..
وعبرك للشيف مهدى خلف الله .. الرجل المرح .. وطبعا الشغلانة وراثة ..

ما أذكره .. نحن هنا في بداية الإغتراب .. كان والدنا رحمه الله مع أولاد الهدى عزابة في البغدادية الغربية .. وقام الوالد قابل بالصدفة الفنان ( عبدالله محمد ) .. وعزموا للعشاء .. وجاب الأغراض للعشاء ومن ضمنها دجاج للتحمير .. وطلب من عمنا شيخ الدين مساعد
مهمة غسل الدجاج وتقطيعوا .. والوالد ( رحمه الله ) معروف عنه طباخ ماهر .. ومابحب أي زول يعمل أي حاجة في الطبيخ وكدا .. بس بديك مهمة تساعده بيها .. زي تقطع بصل .. وتنظف توم .. حاجة زي كدا .. ولما طلب من شيخ تجهيز الدجاج ( غسيل وتقطيع ) .. وشيخ الدين جائي من السودان جديد لنج .. يقوم يغسل الدجاج بي صابون البدرة .. حق غسيل الملابس .. والمعروف عن هذا الصابون .. أنه لزج .. ويبقي لمدة طويلة في الأيادي وفي الملابس .. يعنى لازم تدعك .. وتدعك لمدة طويلة حتى يختفي ولكن تبقى رائحته موجودة .. ولما الوالد جاء داخل لقى شيخ الدين بغسل في الدجاج بالتايد ( الصابون ) .. يا زول دا شنو ؟ قال ليهو داير اودر ريحة الزفارة من الدجاج غسلتوا بالصابون ... ههههههه
اضطر الوالد يجيب دجاج تاني من جديد ويقطعوا .. وقال لشيخ الدين اصلوا الواحد مايعتمد عليكم في أي شيء ...

والله يا طارق وانا بقرأ كدا عشت بكل حواسى مع تجهيز العشاء للفنان عبدالله محمد
وخصوصا الدجاج للتحمير
لكن صدمنى عمك الشيخ ,, مع انو زول خرتوم ..!! لكن اظنو لايعرف طريق المطبخ

الرحمة والمغفرة للعم مامون ,, والتحية للاخ شيخ الدين واسرته بالكلاكلة القبة
اها وبعدييييييييييييين ؟؟
جدادكم راح شمار فى تايد .....!!
انت عارف عمك دا لو خليتوهو بعد ماغسلو بالصابون كان حايقول ليك جيب ظهرة ....!!
بالتاكيد يا طارق وبحكم الغربة الطويلة بكون لديك المزيد والكثير المثير عن حلل العزابة ,, ويلا مـــدد

الله اعافيك ياوليد
غايتو انا ضحكتنا جنس ضحك
فى ملاح البيض بتاع مهدى خلف الله
واتيخلتا الموقف (الباقى تميتو خيال)
هى يكا.

وعمنا طارق تما الناقصة
طيب الجداد بى صابون البدره
الكمونية اعملو ليها شنو

اشكرك عووووضى

( يدلعوك كيف ؟؟ )

والله الاخ مهدى مخزون من الفكاهة والطرافة وخصوصا لمن يحكى بنفسو !!

الباشمهندس وليد
الحمد لله ما قلتا لينا كرستالة بلــــــــــــ

شكرا وليد ع الحلة الكاربة وما تجيب سيرة حلة الشعيرية بالريحة

كباشى خيارى كتب:

شكرا وليد ع الحلة الكاربة وما تجيب سيرة حلة الشعيرية بالريحة

يا أخينا انت قاعد وين ؟؟ معقولة بس ؟؟ وبوست الشعيرية داك فتحناهو بى شنو ؟؟

ماااا بي شعيريتك ام ريحة دى ذاااااتا ... !!!