كان يا ياماكن فى سالف العصر والاوان كنا فى قريتنا الجميلةالتى تحتضنها ترعتين والكنار من امامها والمصرف من خلفها والقمر يداعب الافق كنا فى لحظات من السمرنتجازب اطراف الحديث همسا ولا يشق سكون ذلك الليل الا صريروصراخ جندب يناجى ليلاه بالوصل وهن يتغنجن ويتدللن اى الجندبات ويتمنعن كيتن لذلك الجندب الاونطجى بتاع التلات جندبات واطياف من البعوض ابناء الانوفليس نساءا ورجالا والكيولكس وصويحباتها يلسع كأن يمازحنا وليس مثل باعوض هذا الزمان التقول الواحدة ضارباها غبينة من ابن ادم وصرنا ننكرش هنا وننحك هناك وتهرش فى اماكن نائية وياتيك صوت حمارا اجش يذكر صاحبه ان لا ينسا ميعاد العليقة وكريت تستمرأ الحك على حيطة قصيرة كأنها مكواة فحم وجرقاس يأتىمسرعا وفى فمه عظما فاهمايجرى به الى حيث السكينة والهدوء ويشق ذلك الصمت صوت صبية يتصايحون بصوت كورالى يا ناس الحلة يا اهل الله بكرة ذهاب البلة ود نور الله الحاضر يكلم الغائب حتى سعد الاطرش عرف وتفرق شملنا واحدهم يقول يا ليت اوتينا مثل ما اوتية البله ويكأن البله اجتهد وزرع شطة وانتجت ذهبا وانتم قعاد الضللة كسر مخاريقكم وفى الصباح ومع شروق الشمس والقرية هادئة الا من اصوات غنمايات تدغى من بعيد وجدادات وسوسيوات ويتزعمهن ديكا الى اطراف البلدة حيث وفرة الطعام الصباحى اللزيز الحار من نارو : وجاء موسى عبد الغفار ب لورى داوودى ابو اربعة ولا اقول ذو دفع رباعى ولكن ذو دفرنش كبير يزمجر ويرعد ويزبد ويثير غبار ودخانا مخلوط ببدرة الزبالة دااااانق دددددااااانق برببببب وموسى متحكر فى التندة ويصيح يلا اه ناس قبل الشمس ما تفقع وماهى الا هنيهة وتشعبط الناس فى السيخ والنسوان لزمن الجابرة عبدالله وفرج الله وجاه الله وخلف الله وفضل المرجى وفضل الكريم واولاد اديبس والنسوان العازة ومدينة قرية وحلة ودار السلام ودار الخلود ودار الجلال ودار الاذاعة وعطمنو والعز وبمبر الامام وتحرك اللورى ينهب الارض نهبا هيهات لا جن ولا سحرة ويزمجر كانه الرعد والدخان عكنابة والعجاج عاصفة استوائية ريح احمر كفت القناطر شبال والترع رمشة عين وشجر الكنار تشوفو قدر ام ركيبات واقترب من 65 وموسى يغير فى التعاشيق كربربربرببربربكربكاربرررب وهو منتشى لهذا الصوت الشجى واقترب من المحطة رويدا ويكابس فى الكلتش زى الضارباه عقرب خريف سيكسيك سككككككككك اتاريه فرملة التكتح اخربو خراب توقف بعد ملاواة شديدة وطار الناس من السيخ واتجهوا الى طهر الكنار كانهم شاربين قربا وسعونا من الماء جلسوا متباعدن ينظروا الى الارض زى الواحد مودر ابرة مش عارف عشان حاجات تانية حاميانى يتبع: الذهاب هو تحضير لوازم العرس والى الحلقة القادمة

سلام مصطفى البلة لك التحية تاني وتالت ورابع
السهل الممتنع

شكرا يا حبيى عادل ياظريف كيف حالك يا خى اليوم حاولت اتصل بك عن طريق الانترنت ومازالت المحاولة جارية الاتصال من تلفون انترنت ولك حبى وودى

انت عارف يا ود البلة ,, القصة دى شدة ما سمحة ومشوقة انا قمت جبتا لى بنبر وكيسين تسالى

وقاعد راجى ( اوع تقول ودعبد العاطى زبون ام قلة بتاعت الخرطوم ) ؟؟ ..

يلا واصل راجين اقصد منظرين .. !!!

يا وليد ياراقى دى خطاريف بتجى لافا كدا فى راسى ولعلمك فيها باقى طويل لسع بس قول كلما احاول اكتب فى صفحة القصة واعملها ارسال زى كورة التنس تجى راجعة ترفض الارسال المنتدى قديم عاوز تسليك كلم ود خيارى عوض يسلكو ويشيل منه الجراقيس الفيه دى

يا زعيم يا ممتع اكتب على كيفك ونحنا بنقوم باللازم

يا مصطفى دى مباراة الذهاب فمتى الإياب ؟؟

لك التحية . الحبيب مصطفى البلة
ما خليت زول .. لكن المحيرني انا سعد الأطرش دا عرف كيــف ؟

شكرا احبتى عوض ووليد وطارق على مرور العصرية الجميل ده وعوض انا بكتب فى اى حتة وانت انقل ويا وليد شرحت ليك الذهاب ولا يوجد اياب ويا طارق سعد الاطرش تفتيحة بشم الخبر شم

تسلم ودالبلة واصل لافض الله فوك
وبعدين نحن منتظرين الباقي

كباشى ياخى تسلم عساك بخير والاسرة الكريمة ارجو التواصل خلال هذا المنتدى بارك الله فيك

التحيه لك اخي مصطفي صاحب القفشات والشربات والتطعيمات وكورت المويه قلت ناقصه صابون فنيك ادوها ود الرساله وما زالت حملت التطعيم شغاله ههههههههه ايام يازمان

يا سلام يا محمد الطيب حركت فى ذكريات جميلة وبديعة وايام خوالى شفت الالفة فيها ايام لما ود الشايب الله يطراه بالخير قال اشنى ناس فى الهدى ود الصالح ومصطفى البله ود الرسالة الشفع يشوفوهم ارقدوا جرى قال لى رشيدة جيبيلك ناس اسمح من ديل

مصطفى البله على كتب:

يا سلام يا محمد الطيب حركت فى ذكريات جميلة وبديعة وايام خوالى شفت الالفة فيها ايام لما ود الشايب الله يطراه بالخير قال اشنى ناس فى الهدى ود الصالح ومصطفى البله ود الرسالة الشفع يشوفوهم ارقدوا جرى قال لى رشيدة جيبيلك ناس اسمح من ديل

---------------------------------------------------------
هههه هههههههههههه هههههههه ود الشائب دي ما بتلفت للكلام
يوم ابراهيم مهدي جاب ليهو جواب المعاش وما وراهو ليهو لكن عمك عارف المعاش وهو منزعج بي عمليه بنتو ولاده قيصريه يمشي المعمل للفحص و شايل كرتونة العلاجات وناداهو ابراهيم عم محمود تعال اداهو الجواب وبسرعه ود الشايب قال لي ابراهيم الحمد لله اولادي كلهم اتخرجو من الجامعات الا انت عندك واحد وخرجتو غفير في الباب .