السلام عليكم ابناء تلك الحبيبه .. العزيزة مدينتنا الغالية
الهدى بكل احيائها الحبيبه
حى البان ..حى المستشفى ..حى التعاون ..حى المهديه
الحى الجديد او حى الصفاء ...
ياجماعة هنالك قطوعات كهرباء متكرره جدا من المسئول ؟؟؟
افيدونا لكى نصل الى المسئول لكى يصل صوتنا هنالك
لكى يكون هنالك حل جزرى لتلك المشكله
ياريت يكون هنالك حل ؟؟

عبر هذا المنتدى نريد نقاش مع المسئولين فى خدمات
المنطقه .. وخاصة مسئول الكهرباء ..ياريت عبر هذا البوست نجد المسئول
ونناقشه فى تلك القضية المهمة جدا جدا
تحياتى ..

البركه بت احمد _لدينا تلفون ناس الكهرباء لكن مابردوا _مافي قطاع بقطعوا كهربتوا بطريقه راتبه زينا يعني حقاره بينا

[quote="عثمان الشريف"]البركه بت احمد _لدينا تلفون ناس الكهرباء لكن مابردوا _مافي قطاع بقطعوا كهربتوا بطريقه راتبه زينا يعني حقاره بينا[/quote]
الاخ عثمان الشريف
شكرا على المرور .. والله يعنى الا تكون حقاره
مافى تفسير للبحصل ؟؟ طوالى الكهرباء قاطعة
يعنى اصبحت حاجة مزعجة شديد
التلفونات الواحد ماقادر يتكلم مع الناس
بتسال الحاصل شنو الكهرباء قاطعة
ياريت يكون هنالك حل ؟؟؟؟؟؟؟؟

هوى انا ما مسئول لاكين الشئ العارفو
بعد سد مروى الحمد لله القطوعات زادت وخاصة
فى الصيف الترعة بتكون فاضيه
وما فى مويه اشان كدى مابنقدر نولد كهرباء

[quote="عوض خيارى"]هوى انا ما مسئول لاكين الشئ العارفو
بعد سد مروى الحمد لله القطوعات زادت وخاصة
فى الصيف الترعة بتكون فاضيه
وما فى مويه اشان كدى مابنقدر نولد كهرباء[/quote]
الاخ عوض
شكرا على المرور .. قد تكون ملاحظ كثرة القطوعات
اصبحت متكرره شديد فوق العادة .. طوالى الكهرباء قاطعة
بعدين فى الصيف الناس احوج للكهرباء
والقطوعات تكتر فى الصيف ياسبحان الله

الاخ عوض ..
ان شاء الله الايام دى تكون الكهرباء مستقرة
وان شاء الله تكون احسن من تلك الايام الفاتت
نتمناها مستقره .. نتمناها احسن

المطر والكهرباء ضدان لايجتمعان (عندنا نحن بس) يعني مانقول يارب مطره ولا كيف؟

الاخ عثمان .. سلام عليكم ... شكرا للمرور
قصه عجيبه .. جاءت المطره وقفت الكهرباء !!!!
لكن الكهرباء بلامطرة هى واقفة .. وخلاص المطره تمت الناقصه والحمد لله
نسال الله حل كل هذة المشاكل .. واستقرار الكهرباء
اليوم شغاله بكرة قاطعه ...
الله المستعان

يامناسك بعد البوست بتاع الكهربا
ده الحمد لله المسولين عرفو الحاصل
وزادو القطوعات هههههههههه

[quote="عوض خيارى"]يامناسك بعد البوست بتاع الكهربا
ده الحمد لله المسولين عرفو الحاصل
وزادو القطوعات هههههههههه[/quote]

عوض .. الحمد لله الصوتنا وصل وتمت المقصرة
سمح الصبر وكعب السكات