سلامات لكل الناس الزين ( سوداني واريبا سابقا برضو معانا)
لعلكم بخير وعافيه
وربنا يديما صحه وبسمه ونسمه للكل
لناس الداخل والخارج
يعني ناس بره وجوه
ماعندنا فرق
للناس النست البلد
واللسه متذكره
تحيه عاااااامه
بدون مجامله
لناس البيرقر ( سامعني ياعادل)
ناس اللوتري واللوري
ناس جده وامبده
ناس جليكسي وابو لمبه
ربنا يديم علينا وعليكم النيه البيضه وصاااااااااافيه ( المابشرب صافيه ممكن سوبا)
ويجعلنا من ابناء الوطن ( ما بالجنسيه بس)
وطن حدادي مدادي
وطن للكل
الهدي وجوبا
نيالا وكسلا
تسامح
طيبه
عفويه
عنقريبنا بشيل الف
وممكن اكتر لو اضايرنا
جبنتنا مدوره
وشجره النيم واااااااااااااااااسعه
اوشيك وملوال
محمد احمد وابكراي
نختلف ...ممكن
نتشاجر...ممكن
نزعل من بعض...برضو ممكن
لكن ننقسم.... فلا والف لا


يديكم دوام الصحه

الله يعافيك سيد حسن وسيد الحوش
حبابك ماغريب الدار
جيتنا وفيك ملامحنا
حقيقة تغمرنا سعادة الانضمام لمنتدى الهدى الجامع والذي يمتاز بخصوصية الاسم وشمولية التعامل
ومرحبتين حبابك واليوم السعيد الليلة جابك
انت 100% ولو كتبت حسن اسماعيل بدل
seh
تبقى 1000%
في انتظارك لاثراء المنتدى

حبيبنا عادل
الدار عامره بناسا
والشكر كل الشكر للعزيز عادل
هو من دعاني للمنتدي واصبح يلح علي حتي اشارك
اما عن الاسم فتقبل اعتزاراتي ان كان غير لايق لانني والله لا اتذكر احيانا باي اسم دخلت في معظم المنتديات التي اشارك بها لذلك جعلت هذا الاسم هو مشترك في كل منتديات النت...
ولكن لا غضاضه في تغيره
فقط اطلعني علي كيفيه التغيير

حبيبنا حسن مرحب بيك تاني
مش قلت ليك انت انسان راقي وفاهم

اقتباس :

اما عن الاسم فتقبل اعتزاراتي ان كان غير لايق

لايق يارايق انت ولكن ناسنا وطيبة معشرهم وجعل البساط احمدي حابين انو الاسم يكون معروف للجميع لزوم التعارف والتواصل

اقتباس :

ولكن لا غضاضه في تغيره

تم تغيير الاسم من قبل الادارة باسم
حسن اسماعيل
الف مرحب باخونا حسن اسماعيل
اللي هو seh100
سابقا

شكرا عدوووووووووووووووووله

حسن هلا ومية ومرحب تانى وتالت والله اديم المعروف
وايه الدنيا غير لمة ناس فى خير او ساعة حزن
وانشاء الله نتلاقى فى الخير

عوض خيارى كتب:

والله اديم المعروف
وايه الدنيا غير لمة ناس فى خير او ساعة حزن

الله لا يجيب ساعه حزن
ويكون البينا كلو فرح في فرح

حباب الحسن أصلك طيب حسن نيه بين أهلك الطيبين ناس الهدي اجمعيآ سوآ كان في التعاون_ المهديه _المستشفي_البان _وخارج السودان في كل البلدان وشرفتنا في بيتنا العامر بيك المنتدي الفيهو جميع المثقفين وعبرك نحي كل الأخون الطيبين الحنان ناس هدي المتقين تفرح القلب الحزين فيها راطبآ كل العسل فيها صلواة من غير كسل لك منا كل الود والإحترام

أمجد بخيت السراج كتب:

حباب الحسن أصلك طيب حسن نيه بين أهلك الطيبين ناس الهدي اجمعيآ سوآ كان في التعاون_ المهديه _المستشفي_البان _وخارج السودان في كل البلدان وشرفتنا في بيتنا العامر بيك المنتدي الفيهو جميع المثقفين وعبرك نحي كل الأخون الطيبين الحنان ناس هدي المتقين تفرح القلب الحزين فيها راطبآ كل العسل فيها صلواة من غير كسل لك منا كل الود والإحترام

لك التحيه والاحترام اخي امجد
فكل اجزائيه الشماليه لنا وطن
ههههههههههههههه