الاخوة الكرام فى منتدى اولاد الهدى كل عام وانتم وبخير وصحة جيدة اتمنى من رب العرش الكريم ان يجمعنا جميعا على المحبة والاخاء وبلدنا السودان الجميل ينعم بالخير الوفير ويجنبها الفتن ووالاحن ما ظهر منها وما بطن وان يشفى مرضانا ويرحم موتانا ويجمع الاحبة ويوحد السودان بدون استفتاء ولا مشورة شعبية واتمنى من ولات الامر العدل بين الناس ولا للمحسوبية والمحاباة واهل الحظوة ولا لسياسة التمكين التى جعلتنا كالمساكين الهايمين فى ربوع الدنيا والقبل الاربعة وان يزيل المعاناة من كاهل اهلنا الطيبين ويرميها ارضا وتداس بالمراكيب وتروح فى ستين داهية وينعم الشعب الفضل من خيرات بلادى ونعمها ونسال الله عدل الحاكم بين الرعية وان يركب خليفة مؤمنين دولة السودان حماره ويطوف على العباد والرعية بدون حرس ولا صولجان يعن كدا يضرع فى البلد براه شاقها من حى البان لحى التعاون قشة ما تعتر ليهو وينام تحت شجرة ف مكتب شندى ويمر به اعرابى ويقول حكمت فعدلت ونمت نوم قرير العين هانيها اخوتى هذه امنيات ارجو من الله ان لا تودينا فى ستين هتة

مرحبا حبابك مصطفى البلة على - المنتدى اليوم منور ..
كل سنة وإنت طيب ..وتعود ايام بالصحة والعافية ..
كل سنة والسودان اكثر منعة وأمانا وإستقرارا .. وينوم فيه خليفة المسلمين هاني قرير العين بعد أن مسح دموع الغلابة .. وبعد أن أطمأن على الحمل وهو يرعى آمنا جنب الذئب ..
كل سنة والهدى اكثر تطورا وتقدما .. اشجار .. ومدارس .. ومستشفي .. وزلط
كل سنة وناس الهدى .. قيافة .. ولطافة ..
وكل عام وأنت بألف خير ..

لك التحية ياحبيب .. والمنتدى منور ..

الاخ مصطفي البله لك التحية والله طريق العدل صعب خاصة في زماننا هذا نتمني من ربنا يصلح حال الحكام والعباد والبلاد ويكفينا شر الفتن ما ظهر منها وما بطن ... ولك الشكر .

مصطفى البلـــــــــة
نحييك على الدخلة الجميلة دى وسنة حلوة يا جميل
ونحن نمشى فى درب العدالة الشائك
ونتزكر عدالة مدير المنتدى ,, ونقول للاخ عوض :
عليك ان تقول : والله لو عثرت بغلــــــــة فى المنتدى لقلت لما لم اسوى لها الكيبورد !!
ونسأل الله ان تكون سنة 2011 م سنة خير عليكم
وتحرك فاصلة الصفر الوقف مازاد .. ولسه سنينو بعاد !!
والعرب الصنفوكم ديل ,, يقوموا تانى يعملوا كأس فهيمة ,, عشان سيدا يطلع المنصة
بدون زعل ,, ويستلم الميدالية بدون زعل ,, وما يشوط اى قارورة ,,
ويرفع الكأس فووووق
كية وكية فى الحضرى دا ..... !!

ا وليديا ظريف تسلملى وشكرا على المداخلة بتاعك الجميلة دى وشكيتو على الله الصفر الدولى المافارقنا دا بس قولى انت قالو احتفلتو بكاس مانديلا السنة دى مانديلا مييييييييييين؟ااااه ده الكان زمن عرس خالتى ام بلينا على حسب الله ودنخل البقيع الله يرحمو من ديك ما جبتو حاجة تانى؟

وليد وطارق شكرا لكم بس كتبت قصة يا طارق فى باب القصص والروايات دى حلقة اولى ورونا رايكم فيها

الاخ مصطفى اصطفاك الله بالخير اينما كنت

مصطفى البله على كتب:

الاخوة الكرام فى منتدى اولاد الهدى كل عام وانتم وبخير وصحة جيدة اتمنى من رب العرش الكريم ان يجمعنا جميعا على المحبة والاخاء وبلدنا السودان الجميل ينعم بالخير الوفير ويجنبها الفتن ووالاحن ما ظهر منها وما بطن وان يشفى مرضانا ويرحم موتانا
لحدي هنا معاك ويجمع الاحبة ويوحد السودان بدون استفتاء ولا مشورة شعبية واتمنى من ولات الامر العدل بين الناس ولا للمحسوبية والمحاباة واهل الحظوة ولا لسياسة التمكين التى جعلتنا كالمساكين الهايمين فى ربوع الدنيا والقبل الاربعة ماكتيرة على الله لكن صعبة في ارض الواقع المعاش ناس فاكرنها كدة وانت المواطن الغلط وليس الحكومة سياسة التمكين هي التي جعلتهم يستمروا 21 سنة ماوان يزيل المعاناة من كاهل اهلنا الطيبين ويرميها ارضا وتداس بالمراكيب وتروح فى ستين داهية وينعم الشعب الفضل من خيرات بلادى ونعمها ونسال الله عدل الحاكم بين الرعية وان يركب خليفة مؤمنين دولة السودان حماره ويطوف على العباد والرعية بدون حرس ولا صولجان يعن كدا يضرع فى البلد براه شاقها من حى البان لحى التعاون قشة ما تعتر ليهو وينام تحت شجرة ف مكتب شندى ويمر به اعرابى ويقول حكمت فعدلت ونمت نوم قرير العين هانيها اخوتى هذه امنيات ارجو من الله ان لا تودينا فى ستين هتة مابتوديك في داهية لانك اخترت التوقيت المناسب هم مشغولين ب 9 يناير

الاخ مصطفي البله
اللهم اجعل عام 2011 عام سلام و خوه صادقه ونسال الله اصلاح الحال
مداخله صغيره بعد المعزره..
ياريت اخونا مصطفي تدينا من ايام التحصين الكوره الكبيره الجابوها ليكم ههههههههه

التحيه لكل أهل المنتدي
وعام جديد وان شاء الله يكون سعيد ومفرح لكل السودانييين في دولتيهم وربنا يحفظ السودان(ين) وما يجيب التالت والرابع.
وأمنيه خاصه لمصطفي البله وكل بني زرقان (ربنا يحلكم السنه دي من الصفر الدولي) ويحقق أمنياتكم في المجال الرياضي ويتم تسجيلكم في السجل الذهب للكاف.
ولكم تحياتي

الاخ مصطفى البله

مرحبا بك فى منتدى الهدى

مرحبا بك قلم مبدع ,, ماشاء الله متابعين

وكل عام وانتم بخير عام جديد

ان شاء الله عام خير وبركه