النجاح قسمه ونصيب والعرس اجتهاد

اعترفات واحد بايره

احبائي اصحاب كرسي الاعتراف

لا تستغربو ا قضيتي فهي ليست للنشر لكن الله غالب ما باليد حيله , كنت اعتقد نفسي من جميلات الجميلات , ما خليت لي كريم جديد ولا قديم وما جربتة , وما سمعت لي بي حبوب شحم والا اشتريت منه بالكيلو , واكان للعطور ديك عندي ضلفتين في الدولاب واكان للملابس مافي واحده عندها قدر الاسكيرتات والبلاوز ( طبعا البلاوز جمع بلوزه) العندي لكن عرفت ان المثل القديم القول النجاح قسمه ونصيب والعرس اجتهاد هو المثل الذي يجب ان اعمل به

قمت بتغيير مشيتي , الي اكثر حشمة , وتغيير صوتي الي اكثر نعومة, لكن وحاتكم الغالين , زول قال لي عينك في راسك مافي ,

واحد صاحبتي اشارت علي الي ان شباب هذا الزمن ينظرون الي من تملك عربه . فقمت فورا بشراء عربه بالتفسيط واتمليت ديون واقساط, واتعلمت السواقه وبقيت احوم من شارع مستشفي لي شارع جامعه . وحاتكن بلا اتمليت مخالفات مرورية , ما استفدت حاجه ولا زول قال لي عينيك في راسك , ويا اخواني العمر ماشي والولاده صغره ... ماذا اعمل حتي احصل علي عريس؟

, ويا اخواني العمر ماشي والولاده صغره ... ماذا اعمل حتي احصل علي عريس؟[/quote]

قول ليها يا ود الطيب

اتعلمى الشيل فى شفع اخواتك !!!

المشكلة يا وليد .. أخواتا يكونن بايركس زيها .. اها تتعلم الشيل وين ؟
والله دي .. إلا تقول زي ماقال حسن إسماعيل : إن عرسنا الله اكبر .. وإن ما عرسنا الله أكبر ولله الحمد ..

سلام يادكتور
ده شنو الفتيتو ده الليلة اعترافات خطيرة
طيب العندها عربيه وضلفتين ريحة دي ماكان تتكلم من بدري

اقتباس :

اتعلمى الشيل فى شفع اخواتك !!!

ياوليد بالغت ياخي اديها كلمتين حلوات هي اصلها ممغوسة تقوم تمغسها زيادة غايتو انت ماعارفة هي لكن انت كاتب اسمك كامل لو لاقتك ح تشلخك اعمل حسابك

اخ محمد مشاكل العنوسة اصبحت هاجس فى مجتمعنا وكلنا يعلم اسباب عزوف الشباب عن الزواج

مساءالله محمد البوره بتاعتك سمحه هي أقصد البوست بتاعك لزيز نبشر حبوباتنا هي بناتنا بزواج جماعي إنشأالله واذا ماصبرت بنقول ليه الجاتك في بورتك سامحتك

واحده بايره جنس بوره.. راقده عياااااانه دايره تموت
قالت ليهم عليكم الله بعد اموت شيلوني في سرير دبل .

يا وليد
كان ما عندها اخوات

ود الطيب دا يقول ليها شنو ؟؟

زكرتني بواحده برضو بايركس مرقده في مستشفي الهدي في عنبر البايرات أقصد عنبر الحريمات تركت وصيه قبل مأتموت بخمسه دقايق كان مته كفنوني بزفاف وشيلوني في عنقريب العديل والزين ها ها ها ها ها ها ها ها ها ها ها

الاحباب
وليد
طارقودالبشري
عادل خياري
المعز حموده
امجد بخيت
السر ركشه
مصطفي البله
تشكرو علي المرور
وصاحبتنا تغني يابهي وشباب
الزمن جنيه وعرس قرب ههه

اها البايركس حصل ليها شنو ؟؟